沖繩最具代表性嘅景點之一嘅「首里城公園」係昔日琉球王朝中心，亦係琉球國王住所。公園位於海拔約120米嘅小山丘上，因此遊客可以喺山丘上俯瞰整個那霸市。首里城形象有別於與其他日本城堡，古城係一座以朱紅色為基調嘅王城，極具視覺衝擊力！喺2000年，呢座融合中國與日本築城文化，並展現出獨特建築風格及高超石砌技術嘅古城，就被登錄為世界文化遺產，足見文化與歷史價值！而接落嚟，我哋就要為大家介紹首里城公園推薦遊覽路線！
※首里城正殿、北殿等7棟建築物於2019年10月一場大火中全部燒毀，現正進行復修工程，預計最快2026年完工。
首里城公園小檔案
首里城作為琉球王朝中心、琉球國王居城，興盛時期長達450年。古城當初建於13世紀末到14世紀中葉，卻不幸毀於1945年沖繩島戰役，其後於1992年重建，並於2000年被登錄為世界文化遺產。首里城嘅最大特色，就係其融合咗中國、日本與琉球嘅建築風格。
其中，著名建築包括令人留下深刻印象嘅華麗裝飾「正殿」、印於2000日圓紙鈔上嘅「守禮門」等。首里城公園佔地非常廣闊，如果您無充足時間全部行一次，就記得要參考本文介紹嘅推薦遊覽路線喇！首里城公園內，有標高120到130米嘅小山丘，亦有唔少斜坡、階梯、由石頭鋪疊成嘅道路，所以建議您穿上舒適好行嘅鞋款再前往。
遊覽首里城公園完美王道路線！
第一站：「守禮門」
參觀路線從守禮門開始。守禮門係遊客進入首里城嘅入口，建築風格為中國式牌樓。守禮門亦係印於2000日圓紙鈔上嘅圖案。
第二站：祈願旅途平安「園比屋武御嶽石門」
「園比屋武御嶽石門」為琉球國王外出前祈求平安嘅石造禮拜所，亦係城內代表性石造建築之一。
第三站：約500年前從中國傳入嘅「龍樋」
泉水從神龍嘴巴噴湧而出，因此被命名為「龍樋」，並曾經被用作王宮飲用水。相傳上圖嘅龍型雕刻品係大約500年由中國傳入琉球王國。
第四站：城櫓直接架於雙璧門上嘅「瑞泉門」
城櫓(箭樓)直接架於雙璧上嘅一座石門。曾一度不幸毀於戰火中，其後於1992年成功重建。石門兩側放有一對石獅子作避邪之用。
第五站：絕景景點！眺望水平面上慶良間諸島嘅「西面Azana」
瞭望台建於標高130米嘅城郭西側，係一處眺望那霸市街景與遠方慶良間諸島嘅絕佳地點。古人會於此處豎立旗子及鳴鐘報時。
第六站：收費區域起點「奥書院」
國王休息之處。奥書院庭園由挖掘出土嘅鐘乳石等石材，並透過參考舊照片及資料復原而成。
第七站：首里城最精彩之處「正殿」
首里城內國王執行政務與舉辦儀式嘅地方，亦係琉球王國最大木造建築，必睇！據講築當時有受到中國紫禁城建築風格影響。
多多利用多國語言導覽APP、免費導覽資源
首里城內設有介紹首里城歷史、文化與故事嘅免費多國語言語音導覽APP。透過智能手機下載APP，遊客即可以依照事先下載好嘅首里城公園內主要區域地圖，一邊遊覽首里城各個景點，一邊收聽語音導覽（設有中文、英文）。另外，您亦可以透過中文、英文、韓文語音導覽「點讀筆(音えんぴつ)」，使用點讀筆點擊地圖上嘅標記，收聽城內各處景點語音介紹。想要租借嘅旅客，可以前往綜合諮詢中心，向工作人員提出申請。
前往首里城公園嘅交通方式
【租車】
那霸機場→國道331號線→從那覇市區前往國道58號線→泊交差點右轉→沿著縣道29號線開往首里。
【 YUI-RAIL (ゆいレール)｜沖繩都市單軌電車】
那霸機場站→YUI-RAIL→首里站…步行約15分鐘抵達守禮門
※您亦可從首里站前巴士站乘搭當地巴士。路線如下：
首里站前巴士站→市内線（1、14）號、市外線（346）號→首里城公園入口巴士站…步行約5分鐘抵達守禮門。
景點資訊
- 名稱：首里城公園
- 地址：〒903-0815 沖繩縣那覇市首里金城町1-2
- Wi-Fi：首里杜館1樓、系圖座・用物産、奉神門有Wi-Fi
- 語言：有繁體中文、簡體中文、英文、韓文導覽手冊
- 門票：820日圓（正殿・奉神門・南殿・番所・書院・鎖之間・黄金御殿・寄滿・近習詰所・奥書院・北殿・世誇殿・東面的Azana）、其他區域免費參觀
- 開放時間：
- 免費區域（歡會門、木曳門、久慶門）
- 4~6月：8:00~19:30、7~9月：8:00~20:30、10~11月：8:00～19:30、12~3月：8:00～18:30
- 收費區域（正殿・奉神門・南殿・番所・書院・鎖之間・黄金御殿・寄滿・近習詰所・奥書院・北殿・世誇殿・東面Azana）
- 4~6月：8:00~19:00、7~9月:8:00~20:00、10・11月：8:30～19:00、12~3月：8:30～18:00（閉園前30分鐘截止售票）
- 休息日：7月第一個星期三及次日
Comments