喺沖繩嘅著名景點「沖繩美麗海水族館」，有鯨鯊、魔鬼魚喺大型嘅水族箱入面暢泳，仲喺水族箱入面重現珊瑚礁生長環境等，有眾多設施，係一座有獨特展示方式，非常富魅力嘅水族館。等我地一齊嚟睇吓由水族館一樓至三樓，有乜嘢必睇嘅重點睇頭！
沖繩美麗海水族館小檔案
沖繩嘅「沖繩美麗海水族館」由那霸機場開車行高速公路嘅話，車程約2小時。係沖繩本島北部嘅最熱門觀光景點。水族館屬於國營沖繩紀念公園 （海洋博公園）入面嘅設施之一，前身為昭和50年（1975年）「沖繩國際海洋博覽會」嘅會場，後來以水族館形式繼續對外開放。由於設施老化，曾喺2002年閉館裝修，再重新開幕。
一抵達水族館，就會即刻見到鯨鯊紀念碑，仲有可以眺望伊江島區域嘅「海人門」，非常適合影相。由「海人門」搭扶手電梯到3樓，右手邊就係美麗海水族館入口。
水族館重現咗沖繩海底世界，參觀路線由3樓入口開始。3樓係以展示珊瑚礁同熱帶魚為主嘅「珊瑚礁之旅」，跟住2樓展區就叫「黑潮之海」，入面嘅巨大水槽有巨大鯨鯊居住，最後會到1樓展區，為「深海之旅」。呢個參觀路線設計，係為咗令大家體驗由淺海慢慢「潛」到深海嘅感受。
海洋博公園入面仲有免費參觀區域，例如可以欣賞海豚表演嘅「Okichan劇場（オキちゃん劇場）」，仲有「海龜館」、「海牛館」等，如果夠時間嘅話，一定要去睇吓！
沖繩美麗海水族館各樓層導覽
重點1：由「3樓」開始！觀察、觸摸珊瑚礁同附近生物
喺呢個樓層，可以欣賞棲息於淺海被珊瑚礁環繞嘅生物。當中「珊瑚之海」水槽係必睇重點，入面有約80種、460個群體嘅人造礁珊瑚。一景一物都係根據飼育人員實際潛入海底所見嘅珊瑚礁風景製作而成。
其他必睇嘅仲有「熱帶魚之海」，忠實重現沖繩珊瑚礁嘅生態樣貌，裡面嘅熱帶魚以最接近大自然嘅環境飼育；「珊瑚礁之旅 個別水族箱」一共分為30個大細唔同嘅獨立水族箱，呈展棲息喺珊瑚礁嘅各種生物。
重點2：橫跨1樓至2樓嘅巨大水槽「黑潮之海」，欣賞鯨鯊、魔鬼魚！
呢個展區嘅主角係洄游魚類，分別有了解鯊魚生態嘅「鯊魚博士之房間」，等多個展覽區。而必睇重點就當然係深10米、闊35米、長27米嘅巨大水槽「黑潮之海」，可以欣賞到鯨鯊、魔鬼魚等各種魚類暢游泳姿。
而位於巨大水槽旁邊嘅「海洋觀察室」，天花板以高透明嘅亞加力板製造，可以由下面仰望魚群，彷彿置身海底世界一樣。
仲有一間「Ocean Blue咖啡廳」，可以坐低休息之餘，仲可以眺望「黑潮之海」呢個巨大水槽喔。
睇頭3：「1樓」重現沖繩深海世界。探索光源無法觸及、身處漆黑寂靜世界嘅深海生物！
呢一層再現咗沖繩深海世界，嚟到呢到，可以搵到平時住喺伸手不見五指、一片漆黑寂靜世界中嘅深海生物。「深海之旅 個別水族箱」展覽咗棲息喺沖繩外海，水深200米深海嘅珍貴生物；「深海小生物」就展覽咗平時唔太睇得見嘅微細深海生物；而「深海探險之房間」，就透過影像同展板嚟介紹深海環境，同埋棲息喺深海嘅珍奇生物。內容非常精彩，千祈唔好錯過。
往沖繩美麗海水族館的交通
【租車（行駛高速公路）】
那霸機場→縣道231號線→安次嶺交差點右轉→國道331號線→沖繩高速公路名嘉地IC交流道→經西原JCT系統交流道，由許田IC交流道下→沿海的國道58號線～449號線→縣道114號線（約100公里、所需時間約2小時）
※使用汽車導航時，依據機種唔同，可能有時會無法搜尋到「沖繩美麗海水族館」。如遇上問題，請嘗試喺導航上搜尋「海洋博紀念公園」或「海洋博公園」。
【巴士】
搭乘巴士從那霸機場前往沖繩美麗海水族館，有下列兩種路線：
1. 無須轉車，直達！
搭乘YANBARU急行巴士（やんばる急行巴士）、高速巴士117號線、機場利木津巴士。
2. 於名護巴士總站轉車
搭乘高速巴士111號線・一般路線巴士，須於名護巴士總站轉車。
※搭乘YANBARU急行巴士（やんばる急行巴士）、機場利木津巴士、高速巴士111系統、路線巴士、沖繩機場接駁巴士的話，下車的巴士站是「記念公園前」。落雨搭乘機場Limousine bus嘅話，喺海洋博公園旁嘅「Royal View Hotel Churaumi」巴士站落車比較方便，有屋簷避雨。由那霸機場出發，車程約2小時15分鐘〜約3小時30分鐘。
主要路線及所需時間
- YANBARU急行巴士、高速巴士系統117（直達）：從機場出發車程約2小時20分鐘
- 沖繩巴士機場Limousine bus：從機場出發車程約2小時15分鐘
- 高速巴士系統111：從機場出發約3小時※需轉車
- 一般路線巴士：從機場出發約3小時30分鐘 ※需轉車
- 沖繩機場接駁巴士：從機場出發約2小時30分鐘
相關資訊
- 名稱：沖繩美麗海水族館
- 地址：〒905-0206 沖繩縣國頭郡本部町字石川424
- 交通方式：請參考上述資訊
- Wi-Fi : 僅限館内
- 語言：有繁體中文、簡體中文、英文、韓文的導覽手冊
- 票價：成人 2,180日圓
- 營業時間：最新的開館與營業情況，請上沖繩美麗海水族館官網查詢
- 休館日：最新的開館與營業情況，請上沖繩美麗海水族館官網查詢
※2024年9月資訊
國營沖繩紀念公園 (海洋博公園) / 沖繩美麗海水族館
Comments