駿府城係德川家康開創江戶幕府之前建造嘅城，將將軍之位讓俾兒子秀忠後有重建過駿府城。同日本好多城一樣，歷經過多次大火燒毀後又再重建，之後亦曾於明治時期遭拆除。本文將為大家介紹駿府城相關故事以及重建後嘅櫓等特色。
歷經多次大火又重建的駿府城
駿府城係一座歷經多次火災同地震毀壞後又重建修復嘅城堡。1854年嘅大地震後，城堡作最後一次修復，僅維持11年後，喺明治政府嘅廢城令下遭拆除。作為統治日本長達265年嘅德川幕府嘅居城，呢個結局確實有點淒涼。而駿府城本丸同二之丸遺跡，現時被整頓為駿府城公園。
駿府城歷經火災燒毀後無再重建天守閣的原因
德川家康嘅子孫遇挫敗患上精神問題而自殺後，作為幕府直轄城嘅駿府城就只當作「代理城主居城」而被擱置。因為係一座無城主嘅城，1635年經歷火災燒毀後就無再重建天守閣。
駿府城重建復原後的東御門及巽櫓![]()
「東御門」係由架喺二之丸堀上嘅東御門橋（門前）、高麗門（正門）、櫓門同多聞櫓（多門城樓）所組成，以前主要係重臣們使用嘅大門。同東御門連接嘅「巽櫓」係外觀2層、內部3層嘅「櫓」。東御門、巽櫓都喺1638年以傳統建築工法重建修復。而東御門嘅內部有展示駿府城、城下町嘅立體模型、古地圖等。修複過巽櫓嘅內重現德川家康小時候讀書學習嘅房間。
透過影像及各種設置讓人臨場體驗駿府城的坤櫓
駿府城嘅「坤櫓」係採用傳統工法重建嘅「二層三樓」嘅櫓。由於2、3樓嘅地板同天花板已被拆除，所以可以睇到柱樑嘅結構。另外，1樓有一部分地板嵌入強化玻璃，可以睇到地板下嘅結構。喺江戶時代，呢啲結構應該係絕對保密，但喺「時空之間」，你可以戴上專用嘅3D戴頭式立體眼鏡（需另外付費）就可以睇到立體嘅天守同城下町！喺另外4間房入面仲可以透過影像、資料、裝置嚟深入了解駿府城同德川家康嘅事。
凝聚駿河國之美的駿府城公園「紅葉山庭園」
紅葉山庭園，融合咗駿府城所在「駿河國」入面嘅富士山、伊豆海等美景。庭園內除咗有一個正宗日本茶室，仲有一間和菓子店，可以坐低一邊享茶，一邊欣賞櫻花、繡球花、紅葉同椿花等四季美景。呢度可以提供一個令你五感都感受到日本風情嘅日式庭園。
駿府城相關歷史
- 1585年： 築城
- 1606年：修築（修繕及擴建）
- 1607年：本丸燒毀
- 1608年：本丸重建完成
- 1610年：天守完成
- 1635年：歷經大火，城堡大部分都毀壞
- 1638年：除了天守以外的設施重建
- 1707年：經歷寶永地震，城堡有1/3毀壞
- 1708年：修復
- 1854年：經歷安政大地震幾乎全毀
- 1858年：修復工程完成
- 1869年：廢城年
景點資訊
- 名稱：駿府城公園
- 地址：〒420-0855 靜岡市葵區駿府城公園1-1
- 交通方式：東京站→[新幹線KODAMA號]約80分鐘→靜岡站…步行約15分鐘
- Wi-Fi：坤櫓附近
- 信用卡：不可使用
- 開放時間：9:00～16:30（最後入場時間16:00）
- 門票：【駿府城公園全部設施通票（東御門、巽櫓、坤櫓、紅葉山庭園）】成人360日圓、小學生及中學初中生120日圓。
Comments