靜岡縣除咗擁有富士山、歷史遺跡、城跡等豐富景點，縣內亦有多間人氣酒店。唔少客房都備有舒適嘅名牌床褥，為住客提供眺望靚景嘅完美住宿體驗。而本文就要為大家介紹靜岡站附近嘅3間推薦酒店。
1. 「ASSOCIA飯店 靜岡」：直通靜岡站、既方便又舒適
「ASSOCIA飯店 靜岡」與JR靜岡站相連，酒店門口就有來回富士山靜岡機場以及JR靜岡站嘅巴士靠站，從機場過嚟夠晒方便！房型有單人房、雙床房及豪華套房可供選擇，而且所有客房均配有舒適席夢思Simmons名牌床褥同羽絨被，為住客提供舒適至上嘅睡眠體驗。
另一方面，絕佳視野亦係呢間酒店嘅魅力之一。如果天氣好的話，住客更加可以從最高層欣賞到夜景同富士山𠻹！
酒店嘅自助式早餐包括數十種由當地精選新鮮食材製作而成嘅日式、西式料理。除咗有廚師會即場喺您面前製作原味、白飯魚、和風及芝司共4種口味新鮮奄列，同場亦有濱松餃子及醃漬山葵等靜岡名物美食，保證可為住客展開一天美好旅程、同時又為一天劃上完美句號！
酒店資訊
- 名稱：ASSOCIA飯店 靜岡（ホテルアソシア静岡）
- 地址：〒420-0851 靜岡縣靜岡市葵區黑金町56番地
- 交通方式：東京站→[新幹線Kodama(こだま)]約80分鐘→靜岡站…徒步約1分鐘
- Wi-Fi：有
- 語言：英文
- 信用卡：可使用VISA、Master、JCB、AMEX、Diners、三菱UFJ NICOS、UC、CF、Saison、TS3、Discover Card、銀聯卡
2. 「靜岡世紀賓館」：所有客房皆位於18樓以上，將美景盡收眼底！
「世紀酒店 靜岡」距離靜岡站南口只有1分鐘步程，喺當地極具代表性。酒店所有客房均位於18樓以上，因應房間位置，部分房間更可以眺望富士山或無敵海景。小編特別推薦面積達45平方米嘅寬敞房型，住客只要安坐於酒店房內，即可透過兩面大窗戶享受靜岡縣全景視野！
酒店內共有5間餐廳，每一間餐廳、酒吧都提供由廚師以精湛廚藝製作而成嘅佳餚料理。酒店自助式早餐菜式相當豐富，除咗燒烤類、雞蛋料理、自製果醬，亦有水煮白飯魚、富士宮炒麵等靜岡當地美食。靚景美食兼備，無疑係您充分享受靜岡之旅嘅首選酒店！
酒店資訊
- 名稱：靜岡世紀賓館（ホテルセンチュリー静岡）
- 地址：〒422-8575 靜岡縣靜岡市駿河區南町18-1
- 交通方式：東京站→[新幹線Kodama(こだま)]約80分鐘→靜岡站南口…徒步約1分鐘
- Wi-Fi：有
- 語言：英文
- 信用卡：可使用JCB、VISA、Master Card、American Express、UC、DC、NICOS、Diner's Club、UFJ、Saison
3. 「普瑞茲奧靜鐵酒店」：靜岡站北口及南口各有分店，耐震設計住得安心！
「普瑞茲奧靜鐵酒店」於靜岡站附近設有兩間分店。距離北口僅3分鐘步程嘅「普瑞茲奧靜鐵酒店 靜岡站北」建築構造採用耐震設計，保證仕客住得安全又安心。每間客房都配有連續多年榮獲全美銷量第一嘅「舒達Serta床墊名床」，而且單人房床鋪皆一律採用雙人床尺寸。酒店附近設有唔少café及酒吧，於早上主打日式定食或套餐、中午提供輕食，而晚上則售賣酒精性飲料，不愁覓食選擇。
同集團另外一間分店，就係距離南口僅需2分鐘步程嘅「普瑞茲奧靜鐵酒店 靜岡站南」。南口分店同樣採用安全耐震建築，所有客房亦配有舒適席夢思Simmons名床。酒店另一個特色，就係設有加強安全管理嘅女性專用樓層。您亦可以於早餐時段嘅自助式早餐內享用到靜岡縣名物美食及使用當地食材製作而成嘅各種料理。
酒店資訊
- 名稱：普瑞茲奧靜鐵酒店 靜岡站北（静鉄ホテルプレジオ静岡駅北）
- 地址：〒420-0857 靜岡縣靜岡市葵區御幸町11-6
- 交通方式：東京站→[新幹線Kodama(こだま)]約80分鐘→靜岡站…徒步約3分鐘
- Wi-Fi：有
- 語言：英文
- 信用卡：可使用VISA、JCB、American Express、Diner's Club、UC、DC、NICOS、UFJ Card、Master Card、Discover、銀聯卡
酒店資訊
- 名稱：普瑞茲奧靜鐵酒店 靜岡站南（静鉄ホテルプレジオ静岡駅南）
- 地址：〒422-8067 静岡縣静岡市駿河區南町13-21
- 交通方式：東京站→[新幹線Kodama(こだま)]約80分鐘→靜岡站…徒步約2分鐘
- Wi-Fi：有
- 語言：英文
- 信用卡：可使用VISA、JCB、American Express、Diner's Club、UC、DC、NICOS、UFJ Card、Master Card、Discover、銀聯卡
Comments