靜岡縣嘅伊豆半島，有美麗海景、山景，仲有富士山同修善寺等豐富觀光景點，亦有好多可以享受美景、溫泉同美食嘅酒店。呢個地區自古以來就經常作為好多日本文學作品或電影背景嘅舞台。以下為大家介紹伊豆旅遊時推薦嘅酒店3選。
伊豆萬豪飯店修善寺：享受超過1,200年歷史嘅溫泉同當地美食
伊豆萬豪酒店修善寺被綠蔭環抱，擁有超過1,200年歷史嘅溫泉。酒店有各種類型嘅客房可以滿足你嘅需求，例如有附帶露天溫泉嘅PREMIUM客房，可以一邊浸溫泉一邊欣賞富士山同天城連山嘅景色，亦可以喺和洋式客房內享受溫暖嘅日式榻榻米。
料理方面，可以享用伊豆當地食材製作嘅菜餚，如山葵、清澈溪流中捕獲嘅魚、當地新鮮蔬菜、豬肉、鹿肉等。自助式早餐可以食到即場為客人製作嘅雞蛋料理，當地鄉土料理同水果等都有。呢間係一間提供各式完善服務，可以欣賞美景嘅度假型酒店。
酒店資訊
- 名稱：伊豆萬豪酒店修善寺
- 地址： 〒410-2415 靜岡縣伊豆市大平1529
- 交通方式：東京站→[新幹線]約40分鐘→三島站→[伊豆箱根鐵道]約35分鐘→修善寺→[接駁巴士]約25分鐘。東京站→[伊豆急特急]約2小時15分→修善寺→[接駁巴士]約25分鐘。
- Wi-Fi：有
- 語言：英文
- 信用卡：VISA、American Express、Mastercard、Diners Club、JCB、UC、UnionPay
伊豆今井濱 東急酒店：享受海景度假勝地的氣氛
伊豆今井濱 東急酒店嘅雙床房或更高級嘅客房都係有附露台嘅海景房。同沙灘連接嘅酒店庭園中，有一個花園游泳池（僅於夏季開放），可以一邊游水一邊欣賞海景，充滿渡假村氣氛。而溫泉幾乎係全日開放使用，所以夜晚甚至可以一邊觀賞星空一邊浸溫泉添！
酒店嘅餐廳提供渡假村必備嘅美味料理，仲有充滿南國氣氛嘅酒吧貴賓室。另外，自助式早餐供應伊豆當地特色料理、經典日式同西式料理等。呢間係一間可以於舒適環境中享受非日常氣氛嘅酒店。
酒店資訊
- 名稱：伊豆今井濱 東急酒店
- 地址：〒413-0503 靜岡縣賀茂郡河津町見高今井35-1
- 交通方式：東京站→[新幹線]約40分鐘→熱海站→[JR]約25分鐘→伊東→[伊豆急行]約55分鐘→今井濱海岸…步行約3分鐘。東京站→[踴子号]約2小時30分→河津站。從河津站可搭乘免費接駁巴士(13:00～16:50)
- Wi-Fi：有
- 語言：英文
- 信用卡：VISA、JCB、AMEX、Diner's Club、DC、UC、UFJ、NICOS、TOP、Saison、JAL、OMC、TSCUBIC、UnionPay
伊豆今井濱温泉 今井莊：連皇室、名人也喜愛的高格調日式溫泉旅館
今井莊係一間可以眺望美景嘅日式溫泉旅館。所有客房都好寬敞，海景客房面積超過68平方米。其中，只有一間嘅超豪華客房有成190平方米，深受皇室同名人喜愛。房間內嘅枯山水景觀，散發出優雅氣氛。
如果入住呢間酒店，建議預約一晚連兩餐。酒店廚房使用近海捕獲嘅新鮮海鮮食材製作會席料理，俾你頂級美食體驗！早餐可以食到有伊豆名物——魚乾製品嘅日式定食。
另外，住客仲可以享受大型溫泉浴池或露天溫泉，好好放鬆身心。喺露天溫泉一邊浸溫泉一邊欣賞清晨第一線，又幾嘆㗎喎！
酒店資訊
- 名稱：伊豆今井濱温泉 今井莊
- 地址：〒413-0503 静岡県賀茂郡河津町見高127
- 交通方式：東京站→[新幹線]約40分鐘→熱海站→[JR]約25分鐘→伊東→[伊豆急行]約55分鐘→今井濱海岸…步行約3分鐘。
- Wi-Fi：有
- 語言：英文、中文
- 信用卡：VISA、JCB、American Express、Diner's Club、 UC、DC、NICOS、Master Card、JTB、 Takashimaya、銀行提款卡
Comments