熱海城被建於海拔120米嘅天然要塞，據說係當時統治呢度嘅武將想喺呢度起城堡，但後來無建成，而家睇到嘅城堡係近代建成嘅。熱海城內有多種設施供遊客進行各種體驗。以下將為大家介紹熱海城嘅特色、祭典同相關活動。
喺電影「金剛大戰哥吉拉」出現過嘅熱海城
熱海城建於1959年，仿造桃山時代（1573—1603）嘅建築風格，係一棟睇落5層、內部實際上為9層樓嘅建築。喺1962年上映嘅電影「金剛大戰哥吉拉」中亦有出現過。城堡內可以欣賞各種展品，仲有遊戲設施，無論大人定小朋友都可以玩得盡興。城堡別館仲設有一個利用人眼嘅錯覺將平面睇成立體藝術嘅「熱海錯覺藝術迷宮館」。
熱海城「全景視野天守閣」欣賞絕景
熱海城係熱海嘅風景名勝景點之一，可以眺望錦之浦山頂。從城堡最上層、海拔160米嘅觀景天守閣，可以睇到有「東洋摩洛哥」之稱嘅熱海市街景，仲有大海同箱根連山等。可以欣賞到360度全景視野嘅天守閣，非常值得一去！
感受江戶時代！熱海城「江戶的謎繪、遊繪」及「江戶體驗區」
「江戶的謎繪、遊繪」區展示以繪畫形式表示謎題嘅「猜謎畫（判じ絵）」。喺呢度可以體驗江戶時代庶民嘅娛樂活動。喺江戶體驗區，可以著上殿下同公主服裝影相，為你嘅熱海之旅留下美好回憶。
可以近距離欣賞日本刀及盔甲嘅熱海城「武家文化資料館」
武家文化資料館展示日本刀、鎧甲等。其中有一把放喺透明展示箱中嘅刀可以畀參觀者實際舉起刀，感受一下佢嘅重量。同時仲有展示江戶時代初期，馬匹所戴上嘅盔甲同馬具（「馬鎧、馬具揃」）。呢個咁完整嘅展示內容，實在係非常難得一見，係好重要嘅文化資料。
熱海城尤如大型遊樂設施
熱海城內有一個大人細佬都可以入去玩嘅遊戲區，除咗各種展示物品，仲有桌球、電動遊戲等設施。另外，呢度仲有一個按摩足浴，可以一邊望住大海、一邊舒緩因旅遊而疲累嘅雙腳。呢個城堡彷彿就好似一座大型遊樂設施咁好玩！
熱海城嘅祭典活動
熱海城都係個著名嘅賞櫻景點，每年3月下旬到4月上旬會舉辦「熱海城櫻花祭」。祭典活動有卡拉OK、各式各樣嘅攤檔，吸引好多遊客前來。日落後，可以欣賞亮燈後嘅夜櫻。另外，熱海城嘅天守閣都係著名睇煙花嘅景點。每年7月同8月都會舉行熱海海上煙火大會，營業時間延長至夜晚9點，從城堡天守閣可以欣賞到煙花。
關於熱海城
- 築城：1959年
- 祭典：熱海城櫻花祭／每年3月下旬到4月上旬左右
景點資訊
- 名稱：熱海城
- 地址：〒413-0033 靜岡縣熱海市熱海1993
- 交通方式：東京站→[新幹線]約40分鐘→熱海站→[湯～遊～巴士]約13分鐘→熱海城前
- Wi-Fi：無
- 信用卡：不可使用
- 開館時間：9:00～17:00（最後入場16:30）
- 門票：大人1,000日圓、中小學生500日圓、4～6歳兒童350日圓
Comments