「出羽三山」即係位於山形縣嘅羽黑山、月山、湯殿山，呢三座山嘅總稱。自古以來就係山伏（修行者）修道嘅靈山聖地。呢三座靈山分別代表人生唔同階段：羽黑山代表「現在」、月山代表「過去」、湯殿山代表「未來」，巡遊三山嘅過程亦被視為一趟「重生之旅」。
登上羽黑山
羽黑山係祈願現世幸福之山。擁有「米芝蓮綠色指南日本版」獲得三星認證嘅「羽黑山杉木群」係必睇景點。而通往羽黑山嘅參道全程多達2,446級石階，參道兩旁高聳杉木嘅樹齡據說已有350至500年。沿著參道一直向前行，仲可以睇到被列為國寶、日本東北地區最古老嘅五重塔，瀰漫著神聖莊嚴嘅氣氛。
山頂上有「三神合祭殿」，係將月山、羽黑山、湯殿山嘅山神聯合祀奉嘅神社。喺呢度可以睇到厚達2.1米嘅茅草屋頂，神殿整體氣勢雄偉，極具觀賞價值。如果唔夠時間，只參拜呢座神社都不枉此行！另外，唔好錯過要去埋修行者居住嘅「齋館」享用世界知名嘅「精進料理」（素食齋菜)。
關於神社
- 名稱：三神合祭殿
- 建立年：不明
- 祭神：稻倉魂命、出羽大神
相關資訊
- 名稱：三神合祭殿（羽黑山）
- 地址：〒997-0292 山形縣鶴岡市羽黑町手向字手向7
- 開放時間：8:00～17:00
- 休息日：無
- Wi-Fi：無
- 交通方式：鶴岡站→［搭開往「羽黑山頂・月山八合目」方向的庄内巴士］50分鐘→羽黑山頂巴士站下車…步行5分鐘
相關資訊
- 名稱：羽黑山參籠所 齋館
- 地址：〒997-0211 山形縣鶴岡市羽黑町手向字羽黑山33
- 開放時間：11:00～14:00
- 休息日：無
- Wi-Fi：有
- 語言：僅日文
- 信用卡：可以使用
- 交通方式：鶴岡站→［搭開往「羽黑山頂・月山八合目」方向的庄内巴士］50分鐘→羽黑山頂巴士站…步行10分鐘
- 備註：住宿・用餐需事先預約
象徵體驗極樂浄土的「月山」
海拔1,984米嘅月山象徵「死後的極樂淨土」，亦係出羽三山嘅主峰。從八合目嘅「彌陀原濕原」到山頂，沿途高山植物豐富，可以講係日本少數嘅寶庫。夏季開滿北萱草同水芭蕉等130種以上嘅花卉，景色彷若極樂淨土般美麗又神秘。如此美景之下行到上月山神社，相信你嘅心靈都得以被淨化。
關於神社
- 名稱：月山神社
- 建立年：593年
- 祭神：月讀命
相關資訊
- 名稱：月山神社（月山）
- 地址：〒999-6609 山形縣東田川郡庄内町立谷澤字本澤31
- 開放時間：5:00～17:00
- 休息日：9月16日～6月30日
- Wi-Fi：無
- 交通方式：鶴岡站→［搭開往「羽黑山頂・月山八合目」方向的庄内巴士］約1小時30分鐘→月山八合目巴士站下車，步行約3小時
※巴士運行期間為7月到9月
神秘的「湯殿山」
湯殿山係祈願重生嘅山。作為出羽三山嘅奧宮（距離本殿較遠的神殿，大多位於不易到達的地方）——「湯殿山神社本宮」係「重生之旅」嘅終點。除咗將有溫泉水湧出嘅大岩石當作神明般供奉之外，並無其他表明祭祀供奉嘅對象。湯殿山係修行嘅聖地，有「不說」、「不問」（關於山上嘅情況，既唔可以講出去，亦唔能夠多問）嘅規定，亦嚴禁影相拍片。另外，進入神社必須除鞋，並進行洗禮儀式。踏入神社，眼前呈現嘅係一片莊嚴肅穆嘅景象，讓人有獲得新生命嘅感覺。
關於神社
- 名稱：湯殿山神社
- 建立年：不明
- 祭神：大山祇命、大國主命、少彦名命
相關資訊
- 名稱：湯殿山神社（湯殿山）
- 地址：〒997-0532 山形縣鶴岡市田麥俁字六十里山7
- 開放時間：9:00～17:00
- 休息：11月上旬～4月下旬
- Wi-Fi：無
- 交通方式：鶴岡站→［庄内交通巴士「鶴岡觀光巴士」］約1小時40分鐘→湯殿山仙人澤巴士站→［湯殿山神社本宮參拜巴士］約5分…步行即達
※巴士運行時間為6月到11月上旬的週六日及國定假日
去出羽三山的交通方式
出羽三山係深山秘境，電車無法直達，只能從最近嘅車站「鶴岡站」搭巴士，車程約1至2個鐘。建議從庄內機場或新潟站去鶴岡站；亦可以從山形或仙台搭高速巴士前往。
到咗冬季出羽三山會有雪落，月山、湯殿山會因積雪量過多而封山，巴士亦唔會開。如果想搭公共交通工具，並安全地遊月山同湯殿山嘅話，就建議喺夏季去。如果想去羽黑山的話，各個季節都可以。
Comments