邊戶岬：沖繩本島最北端天涯海角絕景

邊戶岬係位於沖繩本島最北端嘅海角。當懸崖峭壁左右兩側海浪拍打岩石時，激起嘅波濤魄力十足、場面非常震撼！天氣晴朗時，您更加可以喺到隔著大海、遠眺鹿兒島縣與論島𠻹！

邊戶岬簡介及歷史

邊戶岬係沖繩本島北部佔地廣大嘅「山原國立公園」內其中一個風景名勝。海角設有行人步道，方便遊客觀光。

為祈求沖繩能夠回歸日本本土，古人曾於邊戶岬舉行「篝火集會」，因此海角上建有一座「日本祖國復歸鬥爭碑」，即美國將沖繩歸還日本4年後(1976年)所建造嘅紀念碑。

邊戶岬必睇特色為由大海及斷崖交織而成嘅壯觀景色。當洶湧海浪拍打著斷崖岩石時所產生嘅飛濺浪花，震撼場面保證令您一生難忘！遇上天氣晴朗嘅日子，遊客更可以遙望鹿兒島縣離島「與論島」。

邊戶岬一角設有「邊戶岬觀光諮詢處 HEAD LINE」，館內一樓提供「山原3村」—國頭村、大宜味村、東村嘅相關旅遊、歷史、文化、自然等資訊；而二樓嘅戶外露台及室內café，則係眺望邊戶岬壯觀景色嘅好去處。

邊戶岬附近有多個特色觀光景點，而且徒步就可以輕鬆到達，不妨順便去埋參觀吖！

「山原秧雞展望台」位於遠離邊戶岬嘅山上，以僅棲息於沖繩本島北部山原「Yanbaru (やんばる)」地區嘅「山原秧雞」為概念。高達11.5米嘅展望台上設有數個觀景點，從每個觀景點都可以將邊戶岬全景一覽無遺。

大石林山係一處距離邊戶岬約30分鐘步程嘅健行景點。山上設有「奇岩・美麗海全景路線」及「山原森林路線」兩條健行路線，行山人士可於「奇岩・全景海景路線」體驗陡峭岩石以及2億5千萬年歷史嘅地形；而「山原森林路線」則種有巨大榕樹、總數多達6萬棵嘅蘇鐵樹群落等世界罕見亞熱帶林木。

大石林山同時亦係一個風景優美嘅地方，經常被雜誌、宣傳影片、電視及電影當作取景地㗎！

從那霸市前往邊戶岬，您可先以「名護巴士總站」為目標。從名護巴士總站乘搭67號巴士，大約一個小時即可抵達「邊土名巴士總站」。從邊土名巴士總站再轉乘村營巴士，並於「邊戶岬」站下車即可到達邊戶岬，車程約35分鐘。