位於沖繩縣國頭郡本部町沿海嘅「海洋博公園」係一處縣內極具人氣嘅景點。園區內坐落著世界最大嘅水族館「沖繩美麗海水族館」、植物園、海洋文化館等各式觀光設施。其中以藍色大海為背景嘅海豚劇場內更會上演魄力十足嘅海豚表演，相當受遊客歡迎！
海洋博公園小檔案
海洋博公園建於1976年，面積闊約77.2公頃，係一座佔地廣大嘅國營公園。園內分為「海洋區」、「花卉綠地區」與「歷史文化區」共三大區，每個區域都有唔同主題嘅觀光設施。
另外，園內設有收費電動遊園車，方便遊客於各個區域之間移動。
海洋博公園必睇特色
海洋博公園內滿佈各式各樣嘅觀光設施、餐廳以及紀念品店，您絕對可以喺園內玩足一日！園內各景點全年仲會舉辦各種活動、體驗，再加上夏季花火大會、冬季夜間水族館等人氣活動𠻹。
以下就為大家介紹每個區域嘅特色，以及特別推薦嘅景點啦！
「海洋區」：匯聚「沖繩美麗海水族館」等多個人氣景點
「海洋區」內有幾個可以睇到各種海洋生物嘅地方。例如「沖繩美麗海水族館」就棲身著大約740種類、共2萬1000隻沖繩海洋生物，特別係館內嘅巨大水族箱，遊客更有機會睇到悠游水中嘅鯨鯊及魔卵魚等大型魚類、又或隨著黑潮洄游的魚群，非常壯觀。（2019年8月資訊）
除此之外，同場可以欣賞到海牛優雅泳姿嘅「海牛館」以及可以觀賞棲息於沖繩近海嘅各種海龜嘅「海龜館」亦係必睇景點。
如果走近海邊，您就會嚟到「翡翠海灘」。呢到係一個擁有翡翠綠海水同純白沙粒嘅美麗沙灘，每年4月到10月底都有唔少遊客嚟到游水，係一個非常大受好評嘅海水浴場所。
「花卉綠地區」：去「熱帶夢幻中心」觀賞各種植物啦！
「花卉綠地區」以「熱帶夢幻中心」及「熱大・亞熱帶都市綠化植物園」為主要景點，園內一年四季都種有唔同嘅植物、花卉可供遊客觀賞。
講到「熱帶夢幻中心」內必睇之一，就必定係展出超過2棵蘭花嘅常設溫室。喺充滿甜蜜香氣及南國熱帶氛圍嘅溫室內一邊散步，一邊欣賞粉紅色或紫色蘭花等唔同種類嘅花卉及果樹，認真寫意。
另外，區內嘅沿海地帶亦設有散步徑，適合遊客一邊散步一邊欣賞海景。一路上仲有夕陽絕景景點「夕陽的廣場」等，記得唔好錯過喇！
「歷史文化區」：於「沖繩鄉土村」內認識沖繩歷史及海洋文化
「歷史文化區」以「沖繩鄉土村」及「海洋文化館天文館」為首，前者「歷史文化區」將17世紀到19世紀左右嘅沖繩村落樣貌原汁原味重現，遊客可以透過漫步於傳統民家、探索倉庫林立嘅村莊，又或體驗沖繩傳統弦樂器「三味線」及傳統舞蹈等方式充分感受沖繩氣氛。
後者「海洋文化館」則展示出包括沖繩在內嘅太平洋地區海洋民族歷史及文化。館內放有多個有趣展品，例如多款唔同嘅大型獨木舟、各地日常生活用具等。而喺附設嘅天文館內，您更有機會欣賞投射於圓頂銀幕上嘅醉人星空𠻹！
海洋博公園營業時間與票價
海洋博公園開園時間依園內區域及營業時期而異。水族館相關區域之外嘅開園時間為3～9月8:00到19:30、10～2月為8:00到18:00；而與水族館相關區域嘅開園時間，則係3～9月8:00到20:30、10～2月8:00到19:00。各區內觀光設施嘅營業時間亦會因設施而異。
各設施將於每年12月第一個禮拜二及禮拜四休館兩天。
海洋博公園入園免費，惟各設施採取不同收費制度：「沖繩美麗水族館」成人票價1,850日圓、「熱帶夢幻中心」成人票價760日圓、「海洋文化館」成人票價190日圓。（資訊截至2019年8月）
如何前往海洋博公園
遊客可以透過好幾種方式前往海洋博公園，其中又要從那霸機場乘搭巴士最方便。巴士種類很多，您可以從機場搭巴士直達最近公園嘅巴士站，其中特別推薦班次夠多又唔使預約嘅「Yanbaru急行巴士」。要乘搭「Yanbaru急行巴士」的話，您需要先從那霸機場搭到最近公園嘅「紀念公園前」巴士站，車程約需2小時20分鐘。海洋博公園從巴士站落車後徒步即達。
景點資訊
- 名稱：海洋博公園
- 地址：〒905-0206 沖繩縣國頭郡本部町字石川424
- 交通方式：那霸機場→[Yanbaru(やんばる)急行巴士] 約2小時20分鐘→紀念公園前巴士站...徒步即達
- Wi-Fi：有（設於沖繩美麗海水族館 Churaumi Free WiFi, 於綜合服務處(迎賓廣場)、熱帶夢幻中心、美麗海廣場、海豚劇場周邊共4個地方）
- 語言：中文、英文、韓文
- 購票方式：現場售票處
- 信用卡：可以使用VISA、MasterCard、JCB、AMERICAN EXPRESS、Diners Club International
Comments