久米島位於沖繩縣那霸市以西約100公里處，因擁有豐富風景名勝及適合珊瑚礁生長嘅自然環境，因此獲指定為縣立自然公園。久米島同時亦有「美食之島」之稱，除咗新鮮海產及熱帶水果，島上亦有釀造泡盛酒。
久米島小檔案
久米島除咗久米島本島，仲有奧武島及歐哈先（OHA島）等有人居住嘅離島，以及鳥島及硫黃鳥島等無人島。久米島屬於沖繩縣內第五大島嶼，離島北部為宇江城岳、大岳，南部則以ARA岳為中心。島嶼中央為綿延山地、平緩坡地一直向海岸線方向延伸。
久米島推薦必睇景點
久米島唔只有大海，仲有各具特色嘅風景名勝以及重要文化財產。以下就為大家介紹部分久米島推薦必去景點。
「終端之濱」、「伊芙海灘」等久米島海灘
久米島上有多個海灘，而且每個海灘都各具特色。例如被譽為「東洋最靚無人沙灘」嘅「終端之濱 (ハテの浜)」，就係一個長約7公里嘅純白色沙灘，由離島東邊海岸三個沙洲連接形成。沙灘同蔚藍大海形成嘅夢幻世界，景色非常醉人！
另外，您亦可以前往獲選為日本百大海灘之一嘅「伊芙海灘」，以及著名夕陽勝地「SHINRI濱」等地。
「疊石」、「女岩」 等久米島風景名勝
久米島上座落著多個自然景點，其中與久米島及海中道路相連、奥武島嘅「疊石」就屬一大必睇位。遊客可以欣賞到由1,000多塊六角形石塊組成嘅海石平台，不過潮漲時石頭會被海水覆蓋，因此推薦於退潮時再到當地觀賞。
北邊海岸則有因祈求生兒育女非常靈驗而大受歡迎嘅能量景點「女岩」。您仲可以到到「五枝之松」欣賞埋延伸面積達250平方米嘅琉球松樹！
「宇江城城跡」、「具志川城跡」等歷史建築物
久米島上現存多座歷史建築物。例名「宇江城城跡」，就係一座建於沖繩縣最高處嘅古城遺跡。您可以喺城跡內欣賞由石頭堆砌而成嘅城牆又或眺望整座久米島景色，天氣晴朗的話您仲有機會望到沖繩本島𠻹！另外，出土中國漆器等文物嘅「具志川城跡」、琉球時代國王住所「上江洲家」等展示久米島歷史嘅遺跡及文化設施都係相當值得參觀㗎！
久米島美食及餐廳
久米島特產豐富多元化，例如養殖車蝦、生長於深海嘅海葡萄、久米島赤雞及久米島牛等都係相當出名。離島東部嘅伊芙海灘周邊有多家餐廳都有提供以上述特產製成嘅料理。
久米島酒店及旅館
久米島主要住宿設施以民宿為主，只有少數幾間旅館。大部分住宿設施集中於離島東南部嘅「伊芙海灘」周邊，另外久米島機場周邊及久米島兼城港渡輪碼頭附近都有幾間住宿設施。
住宿費用因住宿方案而異，酒店一晚約6千到2萬日圓，民宿一晚約3,000到5,000日圓。（資訊截至2019年8月）
各地區住宿價格相差唔多，但如果您想快速搵到價格實惠住宿的話，建議可以先由久米島機場周邊或久米島兼城港渡輪碼頭周邊地區著手。
從沖繩本島前往久米島嘅交通方式
要前往久米島，您可以從沖繩本島那霸市搭飛機或渡輪。搭飛機的話，從那霸機場到久米島機場約需40分鐘；搭渡輪的話，從泊港渡輪碼頭到久米島兼城港，約需3小時。部分航班會途經渡名喜島，渡輪航程3小時30分鐘。
景點資訊
- 名稱：久米島（久米島機場）
- 地址：〒901-3133 沖繩縣島尻郡久米島町字北原566-2
- 交通方式：那霸機場→[日本越洋航空或琉球空中通勤]約40分鐘
- Wi-Fi：有 (Free Wi-Fi)
- 語言：中文、英文、韓文、法文、德文
- 信用卡：可以使用VISA、MasterCard、JCB、AMERICAN EXPRESS、Diners Club International（依設施而異）
Comments