你估吓呢粒珍珠嘅價格係幾多呢？提示：可以買到好幾部日本車！
答呢條問題之前，先為大家介紹御木本珍珠島——日本三重縣嘅珍珠名產地。我哋喺呢度有唔少發現！為咗令大家了解珍珠繁殖過程，OTONAMIE實際去咗御木本珍珠島做採訪。喺公關詳細嘅解說之下，開始咗我哋嘅御木本珍珠島之旅！
※本文內容係2015年做採訪時嘅資訊。
喺御木本珍珠島了解珍珠嘅製作過程
首先，呢個係作為珍珠芯嘅珠仔。
將頭先嘅珠仔放入珠蚌，呢個時候，因為有異物進入蚌嘅外膜，蚌殼本身受到刺激，但又無法將佢排走，所以就會分泌碳酸鈣同真珠母嚟包裹呢個異物，然後就變成一粒珍珠。
製作珍珠就好似手術咁需要特定技術，所以係需要由專業職人嚟進行。
珍珠有好多種唔同嘅顏色。
「Monme」係珍珠交易嘅國際單位。呢個字源自日本以前使用嘅重量單位「匁（もんめ，音讀Monme）」。現時珍珠國際交易嘅單位都採用係Monme。日本三重縣知名嘅「MIKIMOTO珍珠」，具有世界級水準。順道一提，１monme＝3.75g，大約係1個5日圓硬幣嘅重量。
扮成珍珠養殖場場長嘅年輕人。
於御木本珍珠島觀看海女
呢個係可以現場睇到海女點採集蚌殼嘅「海女觀看席」。
可以親眼睇海女點採集蚌殼。
已經潛落水長達幾分鐘嘅海女終於浮出水面，發出「咻—咻—」聲。呢個係海女為咗換氣，調整呼吸時發出嘅聲音，就好似吹緊笛一樣，叫做「磯笛」。
MIKIMOTO美術工藝品展示室
喺度可以畀你現場親眼睇到形珠皇冠，真是一件精采傑作！另外仲展出咗用珍珠裝飾嘅梳同髮簪。和風物品同珍珠嘅組合，真係一個新鮮嘅設計，成品既簡潔又優雅。
古董珠寶展示室
其實從2,000年以前嘅古羅馬時期開始，珍珠就係女性極為喜愛、散發神秘氣質嘅珠寶。
古董珠寶展示室可以畀你睇到來自世界各地嘅古董珠寶！嗯？呢個係？
原來係1777年喺英國用人髮編織成嘅帶！喺18世紀至19世紀嘅英國同法國都盛行於製作紀念死者用嘅珠寶。
珍珠廣場
喺珍珠廣場可以買到MIKIMOTO品牌或珍珠島原創嘅珠寶首飾。
好喇！而家又返去最初嘅問題上！御木本真珠島上最貴、直徑達19.22厘米嘅珍珠嘅價格係…？
居然超過3,000萬日圓！！！都可以喺日本買屋喇（笑）。根據公關講，曾經有客人問過價想買。但價錢實在太厲害啦…。
以上係御木本真珠島嘅採訪報導！
你又想唔想買呢類直徑達19.22厘米嘅珍珠呢？
順帶一題，喺御木本珍珠島嘅花園，發現咗一個心形嘅「愛情之石」。情侶、夫妻唔好錯過啦喔！ （或者睇完之後會少咗鬧架呢！？哈）
去御木本珍珠島嘅交通方式
從東京前往御木本珍珠島
東京站→[新幹線]約1小時50分鐘→名古屋站→[JR在來線或近鐵]約1小時30分鐘→鳥羽站…步行約5分鐘
從大阪前往御木本珍珠島
大阪站→[近鐵（特急）]約2小時→鳥羽站…步行約5分鐘
相關資訊
- 名稱：御木本珍珠島
- 地址：三重縣鳥羽市鳥羽1-7-1
- 開放時間：根據季節會有所變動，出發前請於官網確認。
- 休息日：12月的第2個星期二開始休息三天
- 語言：官網有中文、英文、韓文、法文
作者簡介
村山祐介。OTONAMIE代表。OTONA MASTER。
他被人稱為Son Sann，但實際上並不是外國人。職業為平面設計和作家。興趣是散步和騎自行車。以前曾經組過一個完全不賣座的樂團South★Hill。
OTONAMIE http://otonamie.jp/
*該網站有Google網頁翻譯功能
Comments