位於伊豆半島嘅伊東市擁有「伊東溫泉」，以日本全國首屈一指嘅溫泉湧出量而自豪，仲有「大室山」、「城崎海岸」、「一碧湖」等旅遊景點，相當值得一遊。另外，仲有渡假區可以欣賞美麗海景同海灘享受海水浴，係個相當受歡迎嘅觀光地區。
有關伊豆半島伊東市
位於伊豆半島東岸中部的伊東市，有著雄偉大自然景觀造就嘅多個觀光景點。海岸岩壁景色魄力十足嘅城崎海岸同山貌曲線優美嘅大室山等等，推薦必去景點眾多。同埋仲有可以欣賞季節性花卉景點，一年四季嚟到都可以欣賞到唔同的美景。另外，每年夏天會有好多遊客去海灘，欣賞美麗海景同享受海水浴嘅樂趣。伊東市內亦有相東多附有溫泉嘅住宿設施，可以喺度放鬆身心、悠閒渡假。
伊豆・伊東的推薦觀光景點
國家天然紀念物「大室山」
大室山係伊東市具有代表性嘅山，亦被列為國家天然紀念物。地貌呈現柔和曲線美，從山頂眺望嘅美景更係特別推薦。
景點資訊
- 名稱：大室山
- 地址：静岡縣伊東市池
- 交通方式：東京站→[新幹線] 車程約40分鐘→熱海站→[JR] 車程約25分鐘→伊東站→[東海巴士] 車程約40分鐘→仙人掌公園前
- Wi-Fi：無
- 語言：僅限日文
- 門票：於窗口購票（吊椅纜車）
- 信用卡：無法使用
相關文章：登上日本静岡縣「大室山」欣賞獨特火山
欣賞壯觀景色「城崎海岸」
城崎海岸係大室山噴發後，熔岩一部分流入海裡冷卻凝固後，受到海浪侵蝕形成特異地形嘅海岸。喺度可以欣賞大自然鬼斧神工嘅壯觀景色，係個出名嘅觀光景點。
景點資訊
- 名稱：城崎海岸
- 地址：静岡縣伊東市富戶
- 交通方式：東京站→[新幹線] 車程約40分鐘→熱海站→[JR] 車程約65分鐘→城崎海岸站…徒步約25分鐘
- Wi-Fi：無
- 門票：不需購票
四季景緻宜人「一碧湖」
一碧湖係大室山噴發後形成嘅火山湖。沿著好好保留自然景觀嘅湖畔設有行人步道，四季景緻宜人，可以一邊散步一邊悠閒欣賞大自然美景。
景點資訊
- 名稱：一碧湖
- 地址：静岡縣伊東市吉田
- 交通方式：東京站→[新幹線] 車程約40分鐘→熱海站→[JR] 車程約22分鐘→伊東站→[巴士] 車程約20分鐘
- Wi-Fi：無
- 門票：不需購票
暸望伊東市區景色「佛現寺」
佛現寺係建築於高台上嘅寺院，可瞭望相模灘同伊東市區景色。另外亦係每年3月3日女兒節祭典嘅主要會場。
景點資訊
- 名稱：佛現寺
- 地址：静岡縣伊東市物見之丘2-30
- 交通方式：東京站→[新幹線] 車程約40分鐘→熱海站→[JR] 車程約22分鐘→伊東站→[巴士]→伊東市公所站
- Wi-Fi：無
- 語言：僅限日文
- 門票：不需購票
- 信用卡：無法使用
伊豆半島的伊東溫泉區推薦溫泉旅館及住宿設施
伊東溫泉歷史悠久，並且係静岡縣總湯量最多嘅溫泉勝地。從江戶時代以來就廣受民眾喜愛。溫和嘅泉質亦適合高齢長者或嬰幼兒入浴。喺伊東溫泉區共有約150間住宿設施，包含日式溫泉旅館、渡假型酒店、民宿、別墅小木屋等等。無論係家庭旅行、情侶定一大班朋友去旅行，都可以根據人數同喜好挑選適合嘅住宿設施。呢度有好多種類嘅住宿設施，豐富選項都係伊東溫泉嘅魅力之一。另外仲有足湯或只提供溫泉、不設住宿嘅設施等，吸引好多人嚟輕鬆體驗浸伊東溫泉嘅樂趣。
景點資訊
- 名稱：伊東溫泉
- 地址：静岡縣伊東市一帶
- 交通方式：東京站→[新幹線] 車程約40分鐘→熱海站→[JR] 車程約22分鐘→伊東站→[伊豆急行] 車程約24分鐘→伊豆高原
- Wi-Fi：根據住宿旅館而定
- 語言：可用英文溝通
- 信用卡：根據住宿旅館而定
去伊豆・伊東嘅交通方式
從東京都內去伊東市可從東京站乘搭新幹線，車程約40分鐘，到熱海站落車。喺熱海站轉車搭JR列車，約22分鐘後到伊東站落車。
Comments