「瀧」即係瀑布嘅日文，而「河津七瀧」即係位於静岡縣河津町嘅七個著名瀑布，可以喺一個地方欣賞到七個各具特色嘅美麗瀑布。除咗瀑布之外，附近仲有「河津七瀧迴旋橋」同「河津七瀧溫泉」等，有唔少特色景點。以下為大家介紹一下自然豐饒嘅河津啦！
七大瀑布合稱「河津七瀧」
河津地區有幾個瀑布，其中特別出名嘅七大瀑布，合稱為「河津七瀧」，分別是「釜瀧」、「蝦瀧」、「蛇瀧」、「初景瀧」、「螃蟹瀧」、「出合瀧」、「大瀧」等共七個瀑布。其中，高22米嘅釜瀧，設有展望台，可以近距離欣賞瀑布，甚至能夠感受到瀑布嘅水滴飛濺。河津七瀧附近設有行山徑，單程約1小時左右路程，沿途可以欣賞到各個瀑布。除咗瀑布之外，仲有吊橋等景點。
河津七瀧迴旋大橋
「河津七瀧迴旋大橋」係喺國道414號線嘅螺旋形道路。河津七瀧迴旋大橋係二重螺旋高架橋，總長約1.1公里、高低落差約45米、直徑80米。歷史可以追溯到1978年，當時因地震而引起嘅山崩，為咗防止災害同令交通更加順暢，所以興建咗環路大橋。喺河津七瀧迴旋大橋正下方嘅停車場可以欣賞到迴旋大橋嘅全貌。近年更成為河津嘅著名觀光景點之一。
河津七瀧溫泉
「河津七瀧溫泉」，係個位於河津町河津川上流溪谷嘅寧靜溫泉街。日本文豪・川端康成嘅小說「伊豆的舞孃」嘅故事背景就正正係河津七瀧溫泉，所以都打響咗名堂。
另外，1月下旬至3月上旬期間，河津櫻盛開並吸引好多賞花遊客。櫻花時期亦會舉辦「河津櫻祭」。附近仲有唔少觀光景點，例如河津嘅七大瀑布同河津七瀧迴旋大橋，同舊天城隧道等等。如果去河津旅行，不妨考慮住喺河津七瀧溫泉之中嘅溫泉旅館啦。
去河津七瀧嘅交通方式
從東京都去河津七瀧，首先喺東京站搭60分鐘新幹線，到熱海站轉車搭JR列車。搭約1個半鐘後喺河津站落車，再轉搭巴士，車程約35分鐘，到水垂巴士站落車後即達。
景點資訊
- 名稱：河津七瀧
- 地址：静岡縣賀茂郡河津町梨本
- 交通方式：東京站→[新幹線] 車程約40分鐘→熱海站→[JR] 車程約1小時28分鐘→河津站→[巴士] 車程約35分鐘→水垂巴士站下車
- Wi-Fi：無
Comments