勝連城跡位於沖繩縣宇流麻市，係一座由東到西、呈現狹長形狀嘅古城。雖然城堡全貌已不復再，但遊客現時仍然可以參觀到城門、水井等重現出舊時風貌嘅遺跡。由於城堡最高位置可以一次過眺望到環山、大海、沖繩半島及其他城跡，因此呢到亦係沖繩風光名勝之一！
勝連城跡精彩必睇之處
勝連城跡作為「琉球王國城跡及相關遺產群」之一，於2000年被聯合國教科文組織列入世界文化遺產。喺被登錄為世界遺產嘅沖繩城堡中，建於12世紀～13世紀嘅勝連城係最悠久嘅一座古城。
如何欣賞勝連城跡
勝連城跡由第一曲輪至第四曲輪以及東曲輪構成（「曲輪」即區分城堡嘅區間）。前往每個曲輪嘅途上都有唔少影相靚位，而且仲有祈求神明保佑平安嘅「拜所」及水井等景點。如果要一次網羅所有景點，建議從「西原御門」開始參觀。
古城嘅城門、基壇構造都相當值得一睇。位處城跡頂部嘅第一曲輪城門，據推測為原本刻有捲鬚狀浮雕嘅拱形門，係一座獨一無二嘅珍貴文化遺產。
基壇則係指建築物嘅石砌台座。第二曲輪嘅基壇由加工成長方體嘅石頭整齊地堆疊而成，呈現有如漢字「品」字般嘅形狀，屬於勝連城跡特殊嘅砌石方法。
呃like必到影相打卡景點
勝連城跡係沖繩縣數一數二嘅風光名勝，例如擁有優美曲線嘅城牆或從第四曲輪上眺望到嘅景色等城跡內多個風景如畫嘅絕景都不容錯過。尤其係「第四曲輪」，遊客可以喺到飽覽城跡全貌以及震撼力十足嘅景觀；從「第一曲輪」頂部，您則可以眺望到被金武灣周圍嘅群山、宇流麻市離島以及被登錄為世界遺產嘅「中城城」。另外，腳下太平洋海景、湛藍大海與白灰色城牆形成嘅對比，亦繪出一幅幅秀麗美景展現在眼前。
體驗以外國遊客為對象嘅活動
外國遊客喺遊覽勝連城跡嘅時候，可以使用智能手機APP體驗VR（虛擬實境）之旅。城內共有25個景點設有解說內容及語音導覽可以使用，其中16個景點只要用手機掃描展板上嘅QR Code即可以聽取語音導覽。透過呢個APP，您即可以重溫勝連城當時樣貌，有機會請一定要試用！導覽內容提供中文（繁體和簡體）、英文、韓文版本等多國語言可供選擇。
關於勝連城跡
- 建造時期：12～13世紀左右
景點資訊
- 名稱：勝連城跡
- 地址：〒904-2311 沖繩縣宇流麻市勝連南風原3908
- 交通方式：那霸巴士總站→[沖繩巴士]約1小時30分鐘→勝連城跡前巴士站…步行約3分鐘
- Wi-Fi：有
- 語言：中文、英文、韓文
- 票價：免費
Comments