三重縣伊賀上野城擁有日本第一高嘅石牆

一到春天，櫻花盛開嘅季節，日本各地就會舉辦賞櫻活動。而我就去咗三重縣嘅伊賀上野城。雖然呢座城堡唔算大，但以擁有日本第一高嘅石牆！

三重縣上野城係一個咩地方？

因為無任何圍欄，從上面望落去都幾恐怖！

行吓行吓，突然睇到石牆附近有一個牌，上面寫住日本第「一、二」高係咩意思呢？睇嚟似乎唔夠信心話第一高喎。

到底係日本第一高定第二高呢？

不過，請大家放心。好多伊賀嘅旅遊資料上都寫著「呢個係由著名築城高手——藤堂高虎所修築，高達30米，並且係日本第一高嘅石牆！」所以無錯係日本第一高！

呢度除咗有伊賀上野城堡，仲有可以從呢度望到日本著名男歌手「平井堅」、著名男演員「椎名桔平」嘅母校「上野高校」。位於城堡石牆前方嘅上野高校，呢間係一間唔易考上嘅高中呢。建築外觀以白色為主，如下圖所示。

或者，佢哋讀呢間高中時，就曾經一邊望著呢座石牆，一邊沉思呢。呢度係平井堅、椎名桔平Fans必去嘅朝聖之地，亦係日本第一高嘅石牆之地，有時候都可以去睇吓。

每年春天，伊賀上野都會舉行一年一度嘅「忍者嘉年華」活動。到處都可以見到有小朋友或大人打扮成忍者。亦會有啲外國人遊客擺出忍者嘅姿勢，都好得意。

大家都可以去體驗一下做忍者！服部半藏如果知道，都一定會好開心！

↑抱歉，呢張相無對焦好....

呢張貼喺TSUTAYA店外牆上嘅「IGAGURIO君（いがぐりお君）」係伊賀嘅吉祥物。呢個外型有啲難以形容、醜得嚟...但又幾得意嘅吉祥物！我係幾鐘意㗎。但喺伊賀當地又好少可會睇到，唔知點解呢？

作者：CHISAKO

OTONAMIE的正式記者。愛知縣出身的一位好奇心旺盛的家庭主婦、北歐式健走教練。夢想能夠在日本三重縣舉辦北歐式健走節。以熟女為對象，提供旅行、山、美食、健康、傳統工藝品等相關資訊。

*該網站有Google網頁翻譯功能