竹富島：保留著沖繩原始樣貌嘅島嶼

竹富島屬於沖繩縣八重山群島範圍，係一座周長約9公里嘅小島。竹富島擁有美麗嘅海灘，島上保留著濃厚傳統文化色彩，係一個充滿魅力嘅知名觀光勝地。遊客可以喺島上體驗多種竹富島特色活動，絕對值得您安排多啲時間落行程！

竹富島小檔案

竹富島完整保留著沖繩嘅原始景色，島上存留嘅村落皆被指定為日本國家重要傳統建築群。紅瓦屋頂、琉球石灰岩石牆、芙蓉花與九重葛…島上可謂處處都係靚景！您只需要從八重山群島主要島嶼「石垣島」乘搭高速船，約10分鐘即可以抵達竹富島，交通十分方便。

竹富島觀光前必知二三事

竹富島為咗維護美麗天然環境，所以希望遊客付「入島費」。只需要將現金放入石垣市美崎町石垣港離島碼頭，或竹富港碼頭內嘅自動售票機即可。入島費為每人300円。

竹富島氣候及最佳旅遊季節

竹富島氣候溫暖，全年平均氣溫約為24度、冬天平均氣溫約為18度，一整年溫差不大、氣候舒適。雖然任何季節都適合觀光，但係根據唔同觀光目的，最適合到訪嘅季節亦有不同。想要體驗潛水等海上活動的話，夏天到訪當然最好；比較偏好市區觀光的話，則推薦4月到6月前往旅遊。但要注意竹富島每逢5月到6月屬梅雨季、7月到9月則屬颱風季，如果喺呢段期間前往旅遊的話，出發前請一定要記得先查清楚天氣預告啊！

竹富島必睇景點

竹富島上有民俗資料館、玻璃船等各式體驗活動，遊客可以從各種多角度觀光。以下就要為大家介紹竹富島之旅必睇景點以及遊覽方式。

「Kondoi濱」等竹富島知名浮潛海灘

竹富島沿岸有多個美麗海灘。例如「Kondoi濱（コンドイ浜）」就一個海浪平靜嘅海灘，因此成為一大熱門浮潛地點。遊客亦可以喺海灘上欣賞西表島、小濱島等八重山群島其他島嶼美景以及醉人日落。

除此之外，大受遊客歡迎嘅星砂濱「Kaiji濱（カイジ浜）」及擁有純天然大自然景色嘅「Aiyaru濱（アイヤル浜）」亦屬心水推介。

搭乘「水牛車」遊覽竹富島村落

嚟到竹富島旅遊，另一不容錯過嘅就係乘搭「水牛車」。坐著搖搖晃晃嘅水牛車，欣賞村落內嘅紅瓦屋頂房、再經過白沙鋪成嘅道路，水牛車將帶您遊覽巨大榕樹、莿桐花等各種竹富島獨有風景。除水牛車以外，您亦不妨考慮參加埋彈奏沖繩傳統弦樂器「三線」或聆聽琉球群島民謠「島唄」等特色體驗。

竹富島美食・餐廳

竹富島有八重山蕎麥麵、竹富蕎麥麵、山苦瓜炒豆腐等沖繩、八重山諸島多種名物美食。提供上述當地美食嘅餐廳多數集中於竹富島中心地區。

如果係入住島上酒店嘅遊客，則可以到酒住餐廳享用融匯沖繩食材特色嘅法式料理。

竹富島酒店・旅館

竹富島上嘅住宿設施嘅建築特徵為充滿沖繩氣氛紅瓦屋頂，而且住宿種類相當多元化，包括酒店、旅館、民宿、小木屋、別墅等，尤以民宿數量為多。

大部分住宿設施都集中於竹富島北部地區，當中又以民宿為多，價格約為每晚4,000到6,000円，經濟實惠。南部地區內亦有每晚約3萬円起跳嘅高價位住宿選擇。

從石垣島前往竹富島嘅交通方式

要去竹富島，首先就要先前往石垣島，從石垣島離島碼頭乘搭高速船或渡輪到竹富島入口「竹富東港」。船程約10分鐘。

遊客於島內觀光嘅時候，可以使用路線巴士或徒步前往各景點。

竹富島：保留著沖繩原始樣貌嘅島嶼