沖繩：日本數一數二嘅南國風情度假勝地

沖繩係二次大戰末期「沖繩戰役」嘅發生地點，現時則係日本數一數二嘅觀光勝地之一。沖繩縣位於日本列島西南端，以沖繩本島為主要觀光中心，島上充滿各式景點，例如紅樹林、海灘等等。此外，八重山群島等離島亦有多座怡人海灘，遊客可於海灘上體驗多種海上休閒活動。 

關於沖繩

沖繩縣面積約為2300平方米，人口約為145萬人。廣闊海域中散佈著160個島嶼，而且大多數島嶼都擁有美麗嘅珊瑚礁。

此外，沖繩擁有一種獨特方言，並且又會根據沖繩本島與各離島各個部分，再衍生出截然不同嘅方言系統。（截至2020年1月資訊）

沖繩主要歷史

沖繩擁有獨特而深刻嘅歷史，其歷史最早可以追溯到15世紀、始於琉球王國。作為一個海洋國家，沖繩透過與中國大陸，東南亞與日本貿易而得以發展。其實雖然形成出自己文化，但於19世紀起成為日本領土，從琉球王國改為沖繩縣。

後來喺受到美軍統治之後，1970年代起沖繩漸漸發展成一個融合當今多元文化嘅觀光地。目前，佢係日本主要的旅遊目的地之一，每年吸引超過300萬外國遊客前來旅遊。

沖繩琉球獅子

嚟到沖繩，您有機會到處都見到琉球獅子(シーサー)嘅雕像。シーサー(Shisa)係沖繩方言，意思為獅子，而シーサー(Shisa)即係外觀呈現獅子造型嘅守護神，據說將一對雄性及雌性獅子放置於屋頂或大門即可以驅邪。

除此之外，琉球獅子嘅小型飾品以及鑰匙圈亦係人氣紀念品。

沖繩旅遊出發前實用資訊

到沖繩旅遊之前，如果事先搵清楚觀光諮詢處以及外幣兌換處位置的話將會令您旅途更得心應手。沖繩土地遼闊，喺規劃行程時，先準備一張地圖會比較好。

沖繩旅遊建議天數 

沖繩旅遊天數取決於您想要去嘅地區。沖繩縣觀光地區幅員遼闊，景點相當豐富，並大致可以分成三個區塊：沖繩本島、沖繩本島周圍離島以及其他離島。其中，沖繩本島可以再分為南部、中部與北部地區。

如果只要玩沖繩本島，至少需要三天兩夜；但如果想有更充裕時間，就建議安排3晚以上住宿。

南部、中部與北部地區都各有觀光景點分布其中，各區域之間亦需要時間移動，因此建議喺每個區域內至少各安排住宿一晚。

如果您仲想玩埋離島的話，就最好再多住一晚或兩晚。

邊到可以拎到沖繩觀光地圖？

遊客可以到觀光諮詢所索取沖繩觀光地圖。沖繩設有3個觀光諮詢所，那霸機場國際線與國內線航廈各有一個，而另一個則位於那霸巴士總站。那霸市觀光諮詢所位於「國際通」大街上，而各地觀光協會或工商會亦有發放地圖、觀光小手冊等資料。

如果想要出發之前就取得觀光地圖，您可以到由一般財團法人 沖繩觀光會議局(OCVB)營運嘅網站「沖繩inbound net.」(沖縄インバウンドnet.)下載地圖。網站有提供英文、中文（簡體）、中文（繁體）、韓文與泰文5國語言版本嘅地圖。

沖繩邊到可以換yen？

沖繩有好多地方都可以兌換日圓，例如銀行外幣兌換機或服務窗口、外幣兌換店、酒店等等。

如果想喺到達沖繩後就立即兌換日圓，請前往機場入境大堂。大堂內設有外幣自動兌換機，亦有工作人員於現場為您服務嘅櫃台。

如果想喺觀光途中唱錢，您可以去銀行、外幣兌換店或酒店。銀行的話，沖繩銀行與琉球銀行都非常方便。沖繩銀行於沖繩縣內擁有多個據點，本行、分行、觀光設施、商業設施等處總共設有28部外幣兌換機。另一方面，琉球銀行可以對應嘅外幣種類雖然較少，但就喺全沖繩設有74個窗口提供兌換外幣服務。

如果係外幣兌換店的話，您可以前往於沖繩縣內設有六家分店嘅「EIGHT EXCHANGE」又或有兩家分店嘅「江戶屋外幣兌換中心」（江戸屋両替センター）。（截至2020年2月資訊）

沖繩氣候

沖繩縣一年四季寒暖溫差小，整體氣候溫暖且潮濕，例如沖繩旅遊據點「那霸市」天氣特徵就係日照時間短、降雨量大。而且八月到九月期間颱風非常多，每年平均將近有7個颱風。

沖繩縣天氣可以喺一日之內起非常大嘅變化，就算係晴朗日子都有可能會落驟雨，因此建議可以多多利用Weather Japan天氣預報APP，又或收睇電視天氣預告。由於沖繩一年四季紫外線都相當強烈，因此即使係陰天或冬季都要記得做好預防紫外線措施啊！

沖繩春天（3～5月）

沖繩縣春季天氣特點係每隔幾日就會有一個周期性變化。4月份係天氣最好嘅時機，攝氏20度左右嘅天氣通常會持續多日。

到3月份為止，沖繩縣內各地宦都會舉行賞鯨活動，有興趣的話可以查詢一下賞鯨資訊。

雖然春季係日本本州櫻花季，但沖繩櫻花季係1月到2月，因此沖繩嘅春天係睇唔到櫻花。

沖繩夏天（6～8月）

沖繩夏天從6月中旬梅雨季開始。雖然係一個潮濕悶熱嘅季節，但係超過攝氏35度嘅高溫日子其實比日本本州更少。

沖繩夏季活動非常豐富，各地都有夏日祭典，最為人熟悉嘅就有大陣仗人馬一齊跳舞嘅「Eisa太鼓舞祭」。

沖繩秋天（9～11月）

9月於日本月曆上屬於初秋，但沖繩呢個時候仍然係處於炎熱夏季。踏入11月後，嚟自大陸嘅寒冷空氣將進入沖繩，屆時氣溫將會開始下降，多雲嘅日子亦會逐漸增加。

沖繩與日本本州有一個好大嘅不同之處，就係直到10月左右都仲可以從事海上活動。沖繩嘅秋天雖然睇唔到紅葉，但就可以欣賞黃櫨木葉轉紅嘅景色。

沖繩冬天（12～2月）

即使係冬天，沖繩氣溫都好少會降到攝氏10度以下。受到季候風影響，12月至1月期間多雲或多雨嘅天氣會比較多，屆時體感溫度將會被平常更低，建議穿著大褸等保暖衣物做好防寒措施。

沖繩冬季一大睇頭係賞櫻活動。櫻花會從1月下旬到2月初盛開，由深粉紅色花瓣嘅寒緋櫻為沖繩冬天增添色彩。其中又以名護市櫻花尤其著名。

另外，1月到3月亦係賞鯨季節。

沖繩主要觀光地區

沖繩主要觀光區可以分成三個部分：南北狹長嘅沖繩本島、圍繞於本島周邊嘅離島，以及本島西南部嘅島嶼。沖繩本島又可分為南部、中部與北部地區。

沖繩南部地區：以那霸機場為中心嘅廣闊市區

南部地區即係指沖繩島南部。該地區為沖繩本島門戶－那霸機場嘅所在地。

那霸曾經係琉球王國都，而琉球文化現時仍殘存於區內各處。南部地區遍佈多個旅遊景點，包括歷史建築（例如首里城堡）以及與戰爭相關嘅設施，例如第二次世界大戰紀念碑與和平紀念公園。

此外，南部地區亦係著牌購物商場與國際通大街所在地，非常適合購物。

代表性觀光景點

沖繩中部地區：「美國村」等沖繩美國文化相互交融

中部位於沖繩本島中心。遊客可以到多個地方參觀，包括繁榮嘅陶器之里、融合美國與沖繩文化嘅北谷，以及擁有多間時尚café與綜合商店嘅浦添。

此外，區內亦有有城堡、植物園與自然風光等景點，非常適合觀賞。如果您想於觀光時購買紀念品，中部地區係一大推薦。

代表性觀光景點

沖繩北部地區：擁有「沖繩美麗海水族館」等觀光景點及風景名勝

北部地區內有以水果為主題嘅主題公園及城堡遺址等觀光景點。其中海洋博公園內遊客更可到沖繩美麗海水族館觀賞鯨鯊與鬼蝠魟，又或到植物園、海洋文化館等等參觀。

此外，這裡擁有豐富的自然環境，例如廣大的亞熱帶森林和美麗的海灘。在這裡，無論是徒步旅行還是浮潛等活動都很受歡迎。

代表性觀光景點

沖繩本島周邊風景秀麗嘅離島  

沖繩本島周圍散佈多座島嶼，風景秀麗。以下表格就整理出部分主要離島。

遊客可以從沖繩本島乘坐輪渡或飛機前往周邊島嶼。 一般所需時間約為15分鐘至1小時15分鐘。

擁有多個迷人海灘嘅沖繩離島地區

以下島嶼都與沖繩本島西南部相連。大多數島嶼都被珊瑚礁環繞，並擁有美麗海灘。

慶良間群島、宮古群島與八重山群島為各種大小島嶼嘅地區統稱，因此旅遊景點可以再進一步被細分。

沖繩特色觀光景點

沖繩坐擁多個極具吸引力嘅觀光景點。例如本州搵唔到嘅風光名勝、獨特地形以及獨特發展而成嘅文化。以下將為您介紹部分特色景點。

沖繩白色沙灘絕景

擁有幼細白沙嘅絕景沙灘絕對係沖繩必去景點。沖繩縣內各地有多個白色沙灘，當中尤其集中於渡假勝地聚集嘅沖繩本島北部以及各離島。

延綿7公里長、又或面向清澈透明海水嘅廣闊美景就等您發掘！

縱觀各個地區，南部以「豐崎美麗SUN海灘」(豊崎美らSUNビーチ)與「安座真Sunsun海灘」(あざまサンサンビーチ)最出名；而中部嘅海灘數目比南部多，例如以日落聞名嘅「安良波海灘」與「日落海灘」。

而北部就以「瀨底島」與「古宇利島」等離島與本島相連嘅海灘，以及位處旅遊勝地內嘅「翡翠海灘」特別推薦。

喺上述海灘上，您唔單只可以睇景或游水，仲可以體驗以下活動：

如果想參加呢啲活動或體驗行程，您可以到海灘周邊嘅店家預約。請記得一定要體驗一下只有沖繩先有嘅海邊絕景喔！

風景名勝

沖繩縣擁有豐富亞熱帶大自然，縣內有多個有由運用大自然資源規劃而成嘅景點。以下為幾個風景名勝例子。

Nirai Kanai大橋 (ニライ橋カナイ橋)與Gangala之谷 (ガンガラーの谷)為南部必去景點；而中部熱門景點，就包括殘波岬、Bios之丘 (ビオスの丘)以及青之洞窟。

此外，北部亦有多個風景名勝，例如比地大瀑布、邊戶岬、大石林山等等。

水族館・主題樂園・公園

沖繩擁有多個與自然、海洋、琉球王國歷史或戰爭有關嘅設施。以下為部分代表性觀光設施。

如果將以上景點按照地區劃分，南部有和平祈念公園、沖繩縣博物館・美術館；中部有沖繩兒童王國；而北部就有豐富觀光設施，例如部瀨名海中公園、名護鳳梨公園、美麗海水族館等等。

沖繩世界遺産

沖繩縣坐擁被列入於世界遺產嘅「琉球王國GUSUKU古城及其相關遺產群」(琉球王国のグスク及び関連遺産群)。透過觀察以首里城為中心嘅琉球王國時代一連串相關遺跡，相信不難理解沖繩曾經為一個獨立國家。

如果想要睇盡沖繩嘅世界遺產，就要遊遍每一個地區。首先，南部有首里城、齋場御嶽、園比屋武御嶽石門、玉陵、識名園等5個世界遺產；中部有中城城跡、座喜味城跡、勝連城跡；而最後北部則只有今歸仁城跡一個世界遺產。

雖然所有遺跡都值得一睇，但最推薦嘅就係座喜味城跡。城牆與城門都得以保存至今，精巧嘅砌石工法為必睇重點之一。勝連城跡和今歸仁城跡石牆嘅優美曲線亦非常值得欣賞，玉陵嘅龐大規模更係令人讚嘆不已。

沖繩傳統文化・工藝

沖繩擁有豐富又獨特嘅傳統文化，例如陶器、染物、玻璃等等工藝品。遊客可以到以下工藝品設施，體驗製作獨一無二嘅手工紀念品。

沖繩每個區域都有一個著名景點。例如南部有沖繩世界文化王國、中部有體驗王國MURASAKI MURA ( 体験王国むら咲むら)，而北部則有琉球村。上述設施內可以體驗或觀賞嘅內容如下：

沖繩推薦購物景點

沖繩唔單只係觀光或體驗活動重鎮，亦係人氣購物聖地。縣內各地都設有購物好去處，並以outlet購物中心、大型購物中心數量居多，同時亦有部分開設於度假中心內嘅商場。沖繩處處都有商舖，如果想要購物，就要記得留多啲時間慢慢行街喇。

其中，永旺夢樂城沖繩來客夢為外國人提供完善服務。館內館外各項指示都提供中文（簡體和繁體）、英文、韓文等5國語言標示。

沖繩祭典及活動

沖繩當地嘅祭典活動亦係一大睇頭。源自於當地信仰嘅祭典以及大型活動會於各地舉行。以下將介紹幾個主要祭典活動。

上述活動當中，又以沖繩全島Eisa太鼓舞祭(沖縄全島エイサーまつり)特別值得一睇。Eisa太鼓舞係沖繩傳統表演藝術之一，參加者會一邊擊打太鼓一邊跳舞（亦有人只會跳舞）。祭典期間會上演各式舞蹈，民眾於一片高亢吶喊聲中跳舞嘅場面非常壯觀。

沖繩夜生活

沖繩有多種享受夜生活嘅方式，例如唙餐廳欣賞沖繩經典民謠「島唄」現場演唱、欣賞傳統文化表演藝術都非常有趣。

如果想要通宵飲酒，您可以去夜總會或酒吧，那霸與北谷地區內都有多間夜總會；另一方面，距離沖繩都市單軌電車「縣政府前站」不遠嘅國際通及松山一帶內，就聚集咗多間酒吧。其中「企鵝居酒屋」(ペンギンのいるダイニングバー沖縄)店內更駐有企鵝，夠晒特別！

沖繩夜晚安全嗎？

沖繩犯罪率於過去十年中有所下降。惟需要注意嘅係，整體犯罪案數量雖然逐漸減少，但暴力與性犯罪者卻有增加趨勢。沖繩縣警察已將部分市中心鬧區定為「暴力團排除區特別強化區域」並加強巡邏及執法，因此市區治安正逐漸改善中。

沖繩美食與餐廳

沖繩名物料理為沖繩麵與由島上蔬菜製作而成嘅鄉土料理，每個地區嘅沖繩麵或鄉土料理都有各自做法及特色。另外，那霸市內仲有一間供應沖繩宮廷料理嘅餐廳，重現出古代琉球國王曾經品嚐過嘅味道。

那霸市內有多間餐廳，又以國際通為中心嘅沖繩都市單軌電車「縣政府前站」到「安里站」之間一帶特別多。

• 日本人奇怪習慣：飲酒聚餐後都仲要食拉麵、牛扒、芭菲先算完美結束？
  

沖繩麵

沖繩麵（沖縄そば）係沖繩縣民平民食物。正宗沖繩麵喺材料與麵條粗幼方面都有詳細定義，只有符合所有條件嘅麵條先能夠被稱為沖繩麵。主要材料有魚板(かまぼこ)、沖繩島蔥與熬煮豬肉，而湯底口味則會因地區而異。

沖繩縣內各地都有供應沖繩麵嘅餐廳，其中較出名嘅店舖包括每個區域都有分店嘅「Ishigufu」(いしぐふー)；又或歷史超過100年、位於本部町嘅「岸本食堂」。

沖繩炒苦瓜

沖繩炒苦瓜（ゴーヤチャンプルー）係沖繩代表性家庭料理，將蛋、苦瓜、沖繩島特產豆腐同時拌炒而成，雖然略帶苦味但係風味絕佳。

呢到料理喺沖繩縣內嘅鄉土料理店、居酒屋、酒店都可以搵得到。

塔可飯

塔可飯（タコライス）係誕生於沖繩縣嘅地道美食。佢係一種將墨西哥料理塔可肉醬淋於白飯上而成嘅料理，於沖繩一般家庭或學校營養午餐中經常出現。

塔可飯名店為其發源地、位於金武町嘅「キングタコス（KING TACOS ）金武本店」。餐廳長年都吸引唔少遊慕名朝聖，有機會一定要試試啊！

沖繩café

沖繩縣內各地都有好多特色café，適合遊客影相打卡、又或欣賞絕景等。

每間café都會提供使用沖繩水果製成嘅蛋糕、又或放有豐盛蔬菜嘅pizza。例如位於本部町嘅「Cafe ichara」，就係一間位於原始森林中嘅隱世咖啡店，招牌菜為新鮮出爐pizza。

泡盛

泡盛即係沖繩當地製造嘅酒。與使用白米與米麴釀造嘅日本酒不同，泡盛特徵在於使用泰國米與黑麴釀造。

沖繩本島北部、南部、八重山群島內設有多間釀酒廠。泡盛除咗可以在一般居酒屋內飲得到，您亦可以喺出售18種泡盛嘅自動販賣機區「ぐるまーう」，以及打開水龍頭會就流出泡盛嘅特色居酒屋「朝まで屋」搵到佢嘅蹤影。

沖繩住宿資訊

沖繩縣內有多間住宿設施，從大型度假村到公寓型住宿都有。以下為住宿資訊彙整。

沖繩酒店

沖繩各區域都有唔同類型嘅酒店。以下為每個區域嘅住宿設施簡介。

沖繩著名度假酒店

沖繩本島北部有多間度假酒店，例如「沖繩麗思卡爾頓酒店」、「沖繩島瀬良垣凱悅度假村」和「全日空萬座海濱洲際酒店」等高級度假酒店。

另外，屬於餐廳分店版圖遍及日本全國嘅「Hiramatsu」(ひらまつ)旗下嘅「宜野座平松飯店&度假村」亦係當地一大著名度假酒店。

沖繩民宿・青年旅館

沖繩嘅民宿與青年旅館主要分布於沖繩本島以外嘅島嶼上，其中部分住宿設施附設潛水用品店。

沖繩本島上有多間民宿可供選擇；本島以外地方的話，例如係宮古島就有大約有170家民宿。那霸市內民宿價格平均每晚約5,000日圓；其他地區民宿價格，根據地理位置與房型，每晚約1,000至65,000日圓。（截至2020年2月資訊）

沖繩縣內交通資訊

沖繩縣由多個島嶼組成，因此交通方式亦非常多元化。以下為大家彙整出沖繩縣內嘅交通方式。

本島觀光可以乘搭單軌電車、巴士或的士

沖繩本島主要交通方式為巴士。當地巴士路線幾乎涵蓋全島。如果係那霸市觀光的話，乘搭運行於國際通、首里城附近嘅單軌電車會比巴士更方便。

如果想去特定觀光景點，建議乘搭有司機為您導覽嘅觀光的士。

如果想要自由行、從南部玩到北部的話，則推薦租車。那霸機場附近有很多租車店。

去離島的話乘搭飛機或高速船最方便！ 

如果要前往沖繩縣內嘅離島，您可以選擇搭飛機或搭船。從本島前往離島，或來往各島之間嘅高速船都非常方便。

如果要前往有機場嘅島嶼，從那霸搭飛機過去就最方便。以下為大家彙整出從沖繩本島前往各地嘅交通方式。

前往沖繩嘅航班

要前往沖繩，首要目標當然就係那霸機場！日本國內外多個地方都有直飛航班前往那霸機場。以下為日本國內外航班資訊。

國內線

日本國內各個機場都有定期航班飛往那霸機場。以下為從日本國內主要機場前往那霸機場嘅資訊。

即使從最遠嘅北海道出發，亦只需要4個小時左右即可到達那霸機場。從國際航班密集嘅東京出發的話，大約3個小時就可以到達那霸機場。視航班而定，經由東京前往那霸機場亦非常方便。

國際線

那霸機場有往返15個城市嘅國際航班。以下為從各國主要城市出發嘅航班資訊。

其中，來往台灣與沖繩嘅航班最為密集，而且有三個城市都有飛往那霸機場嘅航班，當中又以從台北出發嘅航班最多。

從其他國家或城市飛往沖繩嘅航班數與日期雖然有所限定，但整體嚟講依然相當方便！