石垣島：亞熱帶大自然與城市魅力並存嘅觀光島嶼

石垣島位於沖繩那霸市西南方約430公里處。島上唔單只擁有珊瑚礁大海、亞熱帶原生林以及各種花卉等豐富自然風光，同時亦具備度假酒店、購物景點等大城市嘅一面。另外，石垣島嘅南國氣候更孕育出海鮮、蔬菜、水果等豐富又多元嘅食材，堪稱日本一大食材寶庫！

沖繩石垣島小檔案

石垣島係「八重山群島」嘅主要島嶼之一，面積僅次於沖繩本島及西表島，屬沖繩縣第三大島嶼。石垣島特徵為其狹長型形狀，中心部可分為南部及北部兩個地區。南部平原內可見多個起伏丘陵地形、市區、甘蔗田等田園景觀；而北部則屬於廣大山地地形，島嶼北部為凸出海面嘅平久保半島。

石垣島全年氣候溫暖，平均氣溫為夏季約30℃、冬季約20℃，一整年都適合前往旅遊。如果您旅行目的主要為海水浴等海邊休閒活動，則推薦3月到10月之間前往，上述期間內大部分海灘都開放予公眾暢泳。

要留意嘅係，沖繩縣颱風季為6月下旬到10月左右，呢段期間內前往沖繩嘅遊客請一定要記得事先查清楚天氣預報。如果以觀光目的為主，建議您應該避開颱風季，選擇於春季或冬季前往旅遊。

石垣島有各式各樣嘅觀光魅力。本文將重點介紹石垣島大自然風光，為大家推薦必去景點及休閒活動。

石垣島海岸以純白沙灘及清澈湛藍大海見稱，遊客可以於多個海灘上體驗各式海上活動。

例如「富崎海灘」及「MAESATO海灘」，就歡迎各位體驗海水浴、海上獨木舟或水上摩托車等多元化活動。

另外，「白保海岸」則係罕見嘅藍色珊瑚等各種珊瑚群生嘅地區。遊客可以透過浮潛或水肺潛水近距離觀察色彩繽紛嘅珊瑚礁。

石垣島上有多個由大自然天然形成嘅觀光景點。例如石垣島上最大嘅鍾乳洞「石垣島鍾乳洞」就如天然雕刻品般美麗，點燈時景色非常夢幻、叫人目不暇給。

又例如宮良川、吹通川沿岸為廣闊紅樹林地帶，有唔少遊客都鍾意一邊欣賞各種形狀嘅紅樹林，一邊沿著河流划獨木舟或立槳衝浪。

嚟到石垣島旅行，又點少得從高處俯瞰海景、島嶼風景嘅絕景景點呢？遊客可於最西端嘅「御神崎」、平久保半島最北端嘅「平久保崎」等地從純白色燈塔矗立嘅天涯海角俯瞰眼前茫茫大海。

另外，位於平久保半島嘅「玉取崎展望台」亦係一大熱門景點。通往展望台嘅步道沿途上種滿扶桑花等熱帶植物，而展望台上則係飽覽祖母綠海水、白色沙灘、綠意盎然半島風景嘅最佳位置。

石垣島盛產海鮮、水果等特產品。遊客可以喺島上品嚐到八重山蕎麥麵、品牌牛「石垣牛」肉料理、海鮮料理、菠蘿・芒果甜品等各種美食。

石垣島餐廳大多集中於南部市區，南部、北部海邊亦有唔少食肆可供選擇。

石垣島住宿設施種類非常多元化，當中包括度假酒店、以住宿為主嘅經濟型酒店、民宿、公寓式酒店等。石垣島中心地區內嘅住宿設施比較少，相反北部及南部沿岸一帶就比較多選擇。北部旅館散布於周邊各處，南部則集中於石垣港周邊。如果想搵一晚約5千円嘅經濟型住宿，南部地區就會係您嘅首選。

如欲前往石垣島，我哋會建議您乘搭飛機。從沖繩本島出發的話，從那霸機場飛往新石垣機場（南奴島石垣機場）約1個小時即可抵達。從東京羽田機場或大阪關西國際機場等主要機場都有直飛石垣島嘅航班。

由於石垣島上觀光景點都同市區有一段距離，因此建議從新石垣機場（南奴島石垣機場）乘搭巴士前往各觀光景點。