日本精彩夜生活系列Vol.5 女性可以輕鬆去玩嘅「Boy's Bar」

Hi!大家好！我係青紫蘇（Aoshiso）！夜生活系列文章嚟到第5篇連載。今次要為女生介紹可以玩得開心嘅夜生活景點。就等我地一齊嚟揭開「ボーイズバー（Boy's Bar）」嘅秘密吧★系列文章請點此★

「ボーイズバ (Boy's Bar)」係？

有「ガールズバー（Girl's Bar）」嘅話，點可以無「ボーイズバー（Boy's Bar）」，女性朋友偶然都會想要飲返杯，同靚仔調酒師傾下偈，紓解一下壓力。客人坐喺吧檯座位，一邊享用男調酒師精心調製嘅美酒，一邊傾偈，就有少少似係輕易版嘅男公關夜總會咁。

跟住為大家介紹一下Boy's Bar嘅消費方式。

Boy's Bar嘅費用係座位費用加餐飲費用。唔似夜總會或者男公關夜總會咁計鐘數。Boy's Bar鍾意留幾耐都得，基本費用上唔會有太大出入。

而價位方面，座位費用大概係500円至800円，而飲嘢大概就會用上3,000円，可以算係好平嘅價位呢。

Boy's Bar同男公關夜總會一樣，根據日本法律規定，會確認顧客年齡夠唔夠18歲。所以得要隨身攜帶護照，以確保可以證明自己嘅身分。

Boy's Bar店員除咗招呼客人之外，仲可以陪客人一齊飲酒。你可以請店員飲杯酒當小費。

跟住，為大家講解一下去光顧Boy's Bar時須注意啲乜嘢。

Boy's Bar通用語言幾乎係日文或者英文。盡可能請日本當地導遊或日本朋友帶您去比較好。為咗避免任何無必要嘅麻煩發生，唔好唔記得帶護照。

Boy's Bar嘅消費基本上都算平價。但係都會有啲業界枯枝想搵水魚，收取唔合理嘅高價費用。為咗避發生啲咁嘅情況，入舖頭之前最好先確認好哂點樣計收費先。

近年越嚟越多舖頭可以用信用卡，少咗人會帶現金喺身。但夜生活嘅店舖都仲有好多只收現金，所以以防萬一，都係帶定啲現金比較安心。另外入舖頭之前，可以先確認可唔可以用信用卡付款。

日本無畀小費貼士嘅文化，所以大家都習慣唔收貼士。而且因為貼士係唔會計算入店舖嘅營業額裡面，你畀貼士佢，佢都會煩唔知點入數。所以就唔好畀小時，請店員飲返杯酒就得。

Boy's Bar嘅店員會為咗討客人歡心，而講好多甜言蜜語。但記住佢地只係當客人係公主就對待，但只要一踏出舖頭門口，唔再係佢嘅客人，就同陌生人一樣，千祈唔陷太深入去。

講咗咁耐，咁如果去到東京，要去邊到先搵到Boy's Bar幫襯呢？

日本數一數二大規模嘅「夜晚繁華中心」之一。係日本最多夜遊娛樂嘅地區。

日本上班族鍾意去嘅人氣地區之一。平價嘅Boy's Bar比較多，深受不同世代嘅消費客層歡迎。

日本最具代表性嘅街道，係年青人嘅地盤。所以呢度嘅Boy's Bar店員都會年輕啲，氣氛亦比較活潑。