助您玩盡石垣島！石垣島3大酒店推介

石垣島頭號名勝、充滿大自然魅力嘅「川平灣」、可以觀察野鳥或從展望台上眺望美景嘅「班納公園」、白色沙灘延綿不斷嘅「石垣島日落海灘」……屬於八重山群島之一嘅石垣島，可以話係擁有數之不盡嘅迷人旅遊景點！

如果想去更遠嘅海灘度假勝地，亦只需要搭25分鐘渡輪即可抵達小濱島，要前往偏遠島嶼亦一樣咁方便！為求大家嘅石垣之旅可以玩得盡興，編輯部以下就要為大家介紹石垣島嘅推介酒店。

1. 石垣島陽光海灘酒店

「石垣島陽光海灘酒店」係一間非常適合旅客喺島上自然環境中放鬆身心嘅地方。您既可以到無邊際嘅游泳池飽覽八重山的大海，亦可以到開放式餐廳享用BBQ晚餐，甚或到附設露天溫泉嘅景觀大浴池享受浸溫泉樂趣𠻹。

除此之外，您更可以到酒店前方嘅大海體驗各式各樣熱門海上活動，海上電單車、香蕉船、滑浪、皮艇、wakeboard滑水等通通應有盡有。酒店住客仲可以用比一般遊客更優惠嘅價錢體驗以上海上活動，記住唔好錯過喇！

酒店旁邊就係海灘以及游泳池。石垣海濱酒店唔單只設有海景客房，仲有方便住客充分享受個人隱私嘅小木屋型客房𠻹。

小木屋型客房最大特色，就係裝修採用玻里尼西亞風格。您可以喺小屋裡使用按摩浴缸，夠晒度假feel！

酒店餐廳提供有長壽島之稱嘅「石垣島」嘅鄉土料理以及使用島上當地食材製作而成嘅美食。您亦可以到花園餐廳燒烤，選擇符合自己口味嘅晚餐。夏季時會有海濱酒吧營業，不妨去感受一下石垣島獨有嘅風格吖。

從石垣島乘搭渡輪約25分鐘，您即可嚟到更有秘境感覺嘅度假勝地—小濱島「南十字星度假村」。度假村位於國立公園內，係日本最南端嘅海灘度假勝地。您可以喺到搵到世界上數一數二嘅亞熱帶動植物以及珊瑚礁，當然亦唔少得堪稱「全日本最靚」嘅星空啦！

除咗各式各樣海洋活動，酒店亦設有八重山群島觀光遊覽行程及瑜伽體驗等多項活動。有機會入住的話，請一定要體驗一下種種可以充分享受國家公園大自然嘅活動啊。

另外，酒店每日限量10份嘅「發酵早餐」亦係不容錯過。「發酵粥」從前一日就開始製作、發酵時間長達8小時，啱晒您展開美好嘅一日！