「三保松原」係一處位於靜岡縣靜岡市三保海岸嘅觀光勝地，以種有約3萬株茂密松樹、總長7公里嘅沙洲及隔著駿河灣嘅富士山、伊豆半島等迷人景觀而為人熟悉。此地同時亦係隸屬世界文化遺產——富士山嘅構成資產之一，當您下次去靜岡旅行嘅時候，不妨將三保松原放入行程、欣賞呢片人間美景吖！
日本静岡縣三保海岸
「三保海岸」即係從清水港至突出駿河灣三保島東岸海面一帶嘅海岸線，而位於三保海岸上嘅砂洲，就係著名觀光勝地「三保松原」。三保松原於2013年被列為世界文化遺產「富士山，聖地及藝術泉源」構成遺產之一，遊客可於此地眺望遠方嘅富士山，綠意松林、岸邊白浪，以及蔚藍大海所交織而成嘅動人美景。此外，松原亦以仙女羽衣傳說而為人熟悉。傳說古時曾有一位漁夫經過此地時，發現松樹上掛有羽衣，正當漁夫準備將羽衣據為己有時遇上仙女。作為羽衣交換條件，仙女向漁夫表演天上舞蹈，最後順利取回羽衣並返回天上。傳說掛有仙女羽衣嘅黑松樹至今樹齢已超過650年，有「羽衣之松」之稱。
三保海岸「三保松原」推薦景點
三保海岸嘅推薦景點，無疑係「三保松原」！可以一次過欣賞到大海、砂岸、松原及富士山嘅美景，特別係冬季時三保松原與山頂積雪富士山相映成趣，更屬頭號必睇絕景！行人步道上設有與三保松原有關嘅石碑等可供遊客沿途散步欣賞。而當您穿過松樹林、走到海岸之後，就會發現眼前就係大片富士山與蔚藍大海嘅廣闊風光。
歌川廣重筆下嘅富士山與三保松原
三保松原美景自古以來就經常出現於日本傳統繪畫或日本古典詩歌「和歌」當中。例如浮世繪師，歌川廣重嘅著名作品《富士三十六景》內，就畫有富士山與三保松原嘅景色；而另一作品《東海道五十三次》，則描繪著清水港往來船隻及三保松原嘅風景。
前往三保松原嘅交通方式
遊客如要從東京都內前往三保松原，可先從東京站乘搭新幹線約40分鐘至熱海站落車，然後從熱海站轉乘JR列車約10分鐘到清水站落車。最後從清水站乘搭往三保方面嘅巴士約25分鐘，於三保松原入口巴士站落車後徒歩約10分鐘即可抵達。
景點資訊
- 名稱：三保松原
- 地址：静岡縣静岡市清水區三保
- 交通方式：東京站→[新幹線] 車程約40分鐘→熱海站→[JR] 車程約10分鐘→清水站→[巴士] 車程約25分鐘→三保松原入口…徒步約10分鐘
- Wi-Fi：無
- 門票：無須購票
Comments