位於静岡縣伊東市嘅「大室山」，係當地最具代表性嘅一座山。大室山喺約4,000年前因火山爆發後而形成，有著獨特且美麗嘅形狀。從大室山嘅山頂仲可以欣賞到伊豆全景，淨係為咗睇靚景都好值得一去啦！
大室山有咩特色？
大室山係一個位於静岡縣嘅小山丘，係約4,000年前火山爆發後形成，佢嘅特別之處就係好似倒轉咗嘅碗咁嘅形狀。為咗保持地形，自古以來喺冬天承傳「燒山儀式」嘅傳統活動，將乾枯嘅草木一口氣燒哂。山頂有個凹入缽狀嘅火山口，直徑約250～300米左右，屬伊豆東部火山群當中規模最大嘅「火山渣錐」（火山噴發後碎石岩渣所形成嘅山丘）。大室山喺2010年8月被列為國家天然紀念物，目前因保育而禁止徒步登山，但可以能坐吊椅纜車去山頂。
大室山與城崎海岸
距離大室山約5公里嘅城崎海岸，係約4,000年前嘅大室山火山爆發，一部分熔岩流入海而形成。斷崖絕壁嘅岩石肌理景色相當震撼驚人！如果去遊大室山，不妨順路去埋城崎海岸啦。
坐吊椅攬車登上大室山山頂！
遊客可以坐吊椅纜車上大室山山頂，從山頂可以望到伊豆地區全景，景致相當美麗。
吊椅纜車嘅運行時間隨唔同季節而有所不同，3月6日至15日為9:00至16:45、3月16日至9月30日為9:00～17:15、而10月1日至3月5日為9:00至16:15，亦可能依天氣狀況而變更營業時間，要特別留意。吊椅纜車嘅收費為成人（中學生或以上）來回票價500日圓、小童（4歲或以上）來回票價250日圓。
大室山火山口遺跡竟然有個射箭場？
喺大室山山頂有個凹入缽狀嘅火山口遺跡，深約70米，喺呢度設有射箭場，無論係初學者定係有射箭經驗嘅人都可以喺呢個咁獨特嘅射箭場體驗射箭樂趣。以每個鐘計算收費，成人（中學生或以上）為600日圓。另外，規定身高需超過140米，而且可以安全地使用成人專用裝備者，先可以使用射箭場。
大室山賞櫻名勝「櫻之里」舉辦櫻花祭
大室山山麓有個名叫「櫻之里」嘅公園，佔地4萬平方米，園內種有37種類、約3千棵櫻花樹，係當地賞櫻名勝景點之一。每年4月上旬都會舉辦「櫻之里櫻花祭」。
去大室山嘅交通
從東京都去大室山，可以喺東京站搭乘幹線，車程約40分鐘，到熱海站轉車搭JR列車。車程約25分鐘後到伊東站落車，再搭東海巴士，約40分鐘後到仙人掌公園站落車。
景點資訊
- 名稱：大室山
- 地址：静岡縣伊東市池
- 交通方式：東京站→[新幹線] 車程約40分鐘→熱海站→[JR] 車程約25分鐘→伊東站→[東海巴士] 車程約40分鐘→仙人掌公園前
- Wi-Fi：無
- 語言：僅限日文
- 門票：於窗口購票（搭乘吊椅纜車）
- 信用卡：無法使用
Comments