位於静岡縣下田市嘅「下田公園」係個景色秀麗嘅公園，喺廣闊嘅公園內可欣賞四季更迭綻放各種唔同嘅美麗花草樹木。特別係6月繡球花最出名，公園並會舉辦「繡球花祭」。另外，下田公園過去曾係下田城嘅所在地，至今仍留有相關歷史遺跡供遊客欣賞。喺度可以一邊喺公園悠閒散步，一邊探索歷史遺跡，別有一番風情。
下田公園欣賞唔同季節下的花草樹木
下田公園位於臨近下田港嘅海角附近，佔地約30萬平方米嘅大公園內，有隨著四季盛開風情萬種嘅花卉。公園過去曾係下田城嘅遺跡，所以都有「城山公園」之稱。園內嘅散步道沿途種有松樹、櫻花、椿樹、杜鵑花、繡球花等各種各樣嘅花草樹木。當中最為人所知嘅就係繡球花，公園內種植約有50種類、總計15萬株300萬朵嘅繡球花。每年6月會舉辦繡球花祭，吸引好多觀光客前來欣賞。公園內設有「開國記念碑」等可以感受下田悠久歷史嘅遺跡。另外，從展望台可以欣賞下田港同須崎半島方面嘅美麗景色。
下田公園嘅繡球花祭
配合下田公園嘅繡球花開花期間，每年6月1日至6月30日舉辦「繡球花祭」。約15萬棵300萬朵、50種以上繡球花遍佈公園內，形成一片令人驚嘆嘅美景。繡球花祭期間，公園內有提供餐飲同販賣商品嘅攤檔，遊客人山人海，相當熱鬧。活動舉行期間亦會有下田傳統藝能等表演可以欣賞。
下田公園展望台眺望美麗風景
下田公園位於小山丘上，園內設置有3個展望台，視野良好，亦係著名嘅影相景點。上展望台嘅路多為斜坡，推薦著好行嘅鞋行上去，著慣嘅舊鞋或運動鞋等比較好。從「馬場之崎展望台」可以眺望有自然公園嘅寢姿山，同堤防連結陸地嘅犬走島。除此之外，呢度都係一個相當推薦睇美麗夜景嘅展望台景點。而「茶之崎展望台」則可以瞭望伊豆半島地質公園地區嘅須崎半島同下田海中水族館等。
去下田公園嘅交通方式
從東京都內出發去下田公園，可從東京站乘搭新幹線，車程約60分鐘，到熱海站落車。從熱海站乘搭JR列車，車程約1小時40分鐘，到伊豆急下田站落車。之後搭「往下田海中水族館方向」東海巴士，約7分鐘後喺下田公園站落車即達。另外，亦可以喺東京站搭特急列車「踊子號」直達伊豆急下田站。
景點資訊
- 名稱：下田公園
- 地址：静岡縣下田市3丁目
- 交通方式：東京站→[新幹線] 車程約40分鐘→熱海站→[JR] 車程約1小時40分鐘→伊豆急下田站→[東海巴士] 車程約7分鐘→下田公園站下車
- Wi-Fi：無
- 語言：僅限日文
- 門票：不須購票
- 信用卡：無法使用
Comments