日本静岡縣伊豆半島魅力海灘全攻略

靜岡縣嘅伊豆半島有多個唔同海灘。喺伊豆主要有3大海水浴場區域，各有各特色同魅力，可以根據個人喜好揀返個適合自己嘅去啦！

静岡縣伊豆半島嘅沙灘

静岡縣伊豆半島有好多受歡迎嘅海灘，主要分為東伊豆、南伊豆同西伊豆地區。東伊豆地區嘅海灘規模較大；南伊豆地區海水透明乾淨且美麗；西伊豆浪地區浪勢平緩、深受家庭歡迎。無論係邊個區域，喺夏季海水浴場開放期間都吸引眾多遊客、非常熱鬧。

東伊豆地區包含熱海市、伊東市、東伊豆町同河津町。從東京都內去東伊豆地區交通便利，廣闊嘅海灘適合民眾休憩玩樂。

熱海陽光海灘位於熱海市區，離熱海陽光海灘最近嘅車站——熱海車站係新幹線停經站之一，交通好方便。每逢夏天就有好多遊客造訪，熱鬧非常。海邊設有防坡堤，浪勢平緩，大人小朋友都適合，而且呢度亦係情侶約會嘅人氣海灘之一。設有淋浴間同免費更衣室（僅限女性）。

伊東橙色海灘距離JR伊東站大約3分鐘路程，交通便利，夏季期間都吸引好多遊客。海灘附近都有溫泉旅館，可以計劃入住旅館，咁就可以喺旅館換好泳裝去海灘玩，玩完又可以即刻返去沖身，非常方便。

南伊豆地區包含位於下田市同南伊豆町嘅海灘，呢區嘅海灘數量多，海水透明清澈。

白濱大濱海水浴場有著長約700米嘅美麗砂灘，喺伊豆半島當中嘅砂灘都係特別出名。佔地廣闊同美麗嘅白砂為伊豆首選，喺日本仲以「衝浪的聖地」而聞名添！旺季有吸引好多遊客前來，相當熱鬧。另外，呢度設有全年都可使用嘅淋浴間。

西伊豆地區包含位於伊豆市、沼津市、西伊豆町同松崎町嘅海灘。寧靜且平穩嘅海浪為其特色，因而廣受家庭歡迎。

土肥海水浴場係西伊豆海岸規模最大嘅海灘，相當受人歡迎。因為波浪平穩，好適合一家大細去戲水，而且海灘時常有救生員駐守，又可以安心喺度游水。另外，沙灘上設有淋浴間同更衣室供遊客免費使用。