愛媛縣內子町距離JR松山站僅約25分鐘車程，從道後溫泉站出發約1小時即可抵達。城鎮內到處林立淺黃色砂壁、瓦屋頂等傳統建築構造町家及宅邸，最適合穿上和服於老街漫步，感受小鎮嘅懷舊氣氛！
影相打卡！穿著和服於內子町散步
喺呢個擁有超過140年歷史嘅古民家裡，遊客可以體驗穿和服、並到內子町街上漫步兼且順便享受當地美食。店家和服套餐定價為4,500日圓，您可以從和服、半幅帶、傳統腰帶（50款）中挑選心水款式（足袋（分趾鞋襪）另收取500日圓）；而提供多達20款浴衣選擇嘅浴衣套餐（夏季用薄身和服）則收費3,500日圓。同場亦有提供由專業髮型師主理嘅妝髮造型1,500日圓，價格相當親民。
景點資訊
- 景點名稱 : Uchiko之和 手工 職人之家（うちこの和 手しごと職人の家）
- 地址 : 愛媛縣喜多郡內子町內子2899-2
- 開放時間 : 星期一至星期五 上午10: 00-下午4: 00 (和服最後歸還時間為下午3:30)；星期六、星期日及國定假日為上午10: 00到下午5: 00 (和服最後歸還時間為下午4:30)
- 定休日: 星期四
擁有超過100年歷史嘅歌舞伎劇場 內子座
內子座自1916年建成以來，便一直作為歌舞伎劇場營運至今。單係欣賞呢座2層高木造瓦葺屋頂建築嘅外觀，遊客已可以感受到其悠久歷史；再當您走入建築物內部，您更會發現旋轉舞台、花道（貫穿觀眾席之通道）、桝席（軟墊坐席）、樂屋（演員休息室）、奈落（舞台下方）等多個體現日本高度建築技術嘅架構。建築物曾於1985年完成復修工程，其後作為劇場再度重新出發，因忠實呈現出舊時原貌而大受遊客歡迎！（入內參觀需另行收費）
景點資訊
- 景點名稱 : 內子座
- 地址 : 喜多郡內子町內子2102
- 開放時間 : 上午9:00-下午4:30，年末年始休息 (12/29-01/02)
- 入場費 : 成人400日幣，中小學生200日幣，嬰兒免費
內子町最古老町家
當您下次遊覽內子町老街，請記得一定要到訪被列為重要文化財產嘅本芳我家住宅及大村家住宅。前者係本芳我家於1889年因生產木蠟賺大錢而建造嘅住居，建築外觀以漆喰塗籠工法補強、並以鏝繪雕刻及海鼠壁作裝飾。由本芳我家出品嘅白蠟品質優異，曾於巴黎、芝加哥、聖路易斯等地舉辦嘅萬國博覽會中都有被展出，其中更喺部分會場榮獲獎項𠻹！（本芳我家住宅庭園只開放一部分作參觀）。
另一邊廂，於1789年至1801年期間落成嘅大村家住宅主屋則係內子町內最古老嘅建築物。有別於本芳我家住宅，後者建築樣式屬於比盛產木蠟時代嘅舊式町家建築更早期，有興趣的話不妨同相鄰嘅本芳我家比較一下建築特色啦！（大村家住宅內部不作公開）
景點資訊
- 景點名稱 : 重要文化財產本芳我家住宅
- 地址: 喜多郡內子町內子2888
- 庭園開放時間: 上午9: 00-下午4: 30 (外圍可隨時作參觀)
- 休息日: 全年開放
景點資訊
- 景點名稱 : 重要文化財產大村家住宅
- 地址: 喜多郡內子町內子2892
內子町家資料館
內子町家資料館係一間將藥房及住宅重現眼前嘅博物館。資料館內嘅木櫃裡陳列著各種藥品、雜貨、招牌及商品，遊客可以從中發現到各種現代日本日常生活中甚為罕見嘅古老物品。展示區內亦擺設咗原吋大人型模型，重現出當時人民食飯及煮飯嘅情景，流露出古代日本生活嘅一點一滴。
景點資訊
- 景點名稱 : 內子町家資料館
- 地址 : 喜多郡內子町內子1938
- 開放時間 : 上午9:30到下午4:30
- 休息日 : 年末年始（12/29～1/2）
- 門票 : 成人200日圓；中小學生100日圓
Comments