大家有無聽過「道後溫泉」呢？如果曾經有揭過日本旅遊書，您好大機會會見過道後溫泉嘅圖片，但係您又唔知佢位置喺邊到呢？道後溫泉位於四國地區愛媛縣松山市內，而實際上松山市唔單只有溫泉，仲有城堡、路面電車及當地美食等各種充滿日本特色嘅觀光元素，而且據聞只要扭開水龍頭、仲會有橙汁流出…！？以下就等我哋嚟為大家介紹日本松山市嘅五大特色啦！
1. 日本最古老溫泉：道後溫泉
呢張圖片可能都有唔少人曾經見過。無錯！佢就係道後溫泉本館，據聞佢更係吉卜力工作室電影《千與千尋》嘅故事取景地之一𠻹！建築物以三層木造建築為基礎，經多次增建改建後成為現時模樣，並於1994年成為首座被指定為日本國家重要文化財嘅公共浴場。
景點資訊
- 名稱：道後溫泉本館
- 地址：愛媛縣松山市道後湯之町5番6號
- 交通方式：伊予鐵道市內電車「道後溫泉站」步行5分鐘
2. 用人手轉換車頭方向：少爺列車
松山市係夏目漱石小說《少爺》嘅故事舞台，市區內有多個以《少爺》為主題設計嘅相關設施及紀念品，而其中最受遊客歡迎嘅就係「少爺列車」喇！少爺列車一共有兩條行駛路線，一條由伊予電鐵松山市站至道後溫泉，另一條則由道後溫泉站行經JR松山站至古町。特別值得大家關注嘅，係列車喺松山市站埋站停駛時，車站會派出4名車站人員以人力手動方式改變火車頭方向、調整列車行駛方向！建議可先喺道後溫泉站購買車飛，以確保可以順利登車。
景點資訊
- 名稱：少爺列車
- 交通方式：道後溫泉站
3. 開放參觀城堡內部：松山城
松山城天守閣係日本現存十二座天守之一。天守位於海拔132米嘅山頂上，乘搭纜車即可迅速抵達。遊客除咗可以探索古城，仲有機會換上武士盔甲影相留念𠻹（須另行付費）。
景點資訊
- 名稱：松山城
- 地址：愛媛縣松山市丸之內1
- 交通方式：乘搭松山城纜車約3分鐘
4. 扭開水龍頭就會流出橙汁！？
日本著名橙出產地愛媛縣內流傳著一個說法，就係只要扭開每個家庭嘅水龍頭就會流出橙汁！當然以上只屬都市傳說，但而家嚟到松山機場或松山市市區，您唔單只可以搵到咁神奇嘅水龍頭、仲可以實際試飲！想要喺旅途中順便體驗一下的話，不妨到松山城纜車站附近嘅「愛媛愛顏觀光物產館」，親眼見證橙汁由水龍頭流出，並品嚐一杯100日圓嘅水龍頭橙汁。
景點資訊
- 名稱：愛媛愛顏觀光物產館
- 地址：松山市大街道3丁目6-1 岡崎産業大樓1F
- 交通方式：伊予鐵道 市內電⾞「大街道站」步行5分鐘
5. IG影相打卡必備五色素麵
五色素麵係一款當地極盡豪華嘅料理。麵條一共有粉紅色（梅花）、綠色（抹茶）、黃色（雞蛋）、灰色（蕎麥）及原色5隻色，上面一般放有燒鯛魚，係唔係夠晒色彩繽紛呢？上圖為四人份量五色素麵。
Comments