城崎海岸係静岡縣伊東市嘅一個陡峭海岸。海岸全長約9公里，可欣賞到大自然展現鬼斧神工嘅威力。城崎海岸附近有燈塔展望台、吊橋、健行路線等，可以欣賞到魄力十足嘅景色。去靜岡旅行，不妨考慮去埋城崎海岸一遊啦。
静岡縣伊東市的「城崎海岸」
位於静岡縣伊東市區南面嘅城崎海岸，有著岩壁綿延約9公里、類似沉降海岸地形。城崎海岸係伊東市具代表性嘅「大室山」喺約4,000年前火山噴發後溶岩流出至海而形成。溶岩受到海浪侵蝕作用形成幾十米高嘅斷崖。海岸線沿岸懸崖連綿，可以睇到層層錯綜複雜嘅岩礁。
城崎海岸嘅推薦必睇特色
城崎海岸附近有吊橋同燈塔，同埋四季可以欣賞唔同景色嘅健行路線等等，有唔少推薦看點。
從「門脇崎燈塔」眺望城崎海岸美景
門脇崎燈塔係高24.9米嘅燈塔，有一個展望台，第一展望台（室內）高17米，可以容納30個人，而第二展望台高4米，能容納60個人。喺晴朗嘅日子可眺望伊豆七島同天城連山美景。免費進入，相當推薦去造訪。
體驗城崎海岸斷崖絕壁的驚險刺激感「門脇吊橋」
門脇吊橋係長48米、高23米嘅吊橋。雖然畏高嘅人可能會行到腳震震，但從吊橋上可以欣賞到城崎海岸壯觀嘅景色，不妨嚟體驗喺斷崖絕壁行走嘅驚險之旅有幾剌激啦！
城崎海岸的散步路線
有約80個海角同約20個岩礁分佈喺城崎海岸，延綿嘅高台原始森林有著日本最大規模嘅楊梅」群生地，仲有野兔、岩燕等生物棲息。城崎海岸沿岸亦有設置健行路線同自然研究步道等讓人能體驗大自然風景嘅散步道，可以欣賞四季唔同嘅植物。而喺6月，城崎海岸一帶會有好多野生繡球花開花，為散步道增添色彩，到7月則有百合等美麗夏季花卉盛開，能夠睇到非常靚嘅景色。
從東京搭去城崎海岸玩啦！
如果要喺東京搭去城崎海岸，可以喺東京站搭新幹線到熱海站落車，車程約75分鐘。喺熱海站轉搭JR列車到城崎海岸站，車程約65分鐘，行約25分鐘路就到。
景點資訊
- 名稱：城崎海岸
- 地址：静岡縣伊東市富戶
- 交通方式：東京站→[新幹線] 車程約40分鐘→熱海站→[JR] 車程約65分鐘→城崎海岸站…徒步約25分鐘
- Wi-Fi：無
- 語言：僅限日文
- 門票：不需購票
- 信用卡：無法使用
Comments