「清水港」係位於靜岡縣靜岡市嘅港口。清水港嘅清水魚市場有批發商直接銷售海產設施，吸引好多人嚟買海產，非常熱鬧。喺呢度可以合理嘅價錢買到新鮮又好食嘅海鮮。不如考慮吓去清水港嘅餐廳食鮪魚壽司等海鮮料理啦！
位於静岡縣的「清水港」
因為喺清水港可以欣賞到富士山同「三保松原」（松樹茂盛叢生嘅海岸）景觀，而被稱為日本三大美港之一。 清水港嘅歷史悠久，西元600年代已有支援船前往朝鮮嘅百濟嘅出港紀錄。從日本戰國時代至江戶時代，更作為軍事要地而受到重用，及後於明治時代開港至今。喺經濟方面，清水港亦係各種原材料嘅進口港，係一個對經濟高速發展時期嘅日本有重大貢獻嘅港口。另外，喺日本國內消費嘅鮪魚約半數都係喺清水港捕獲，鮪魚捕獲量堪稱日本第一。
於清水港品嚐新鮮海產料理
清水魚市場 河岸之市
鄰近清水站嘅「清水魚市場 河岸之市」係日本首個由清水魚市場嘅批發商直接銷售海產漁貨嘅設施。當中有魚貝類、海產為中心嘅商店同餐廳，吸引好多人去選購。由於係批發商直接銷售，所以可以用較低價格買到新鮮嘅魚貝類等海產。喺度可以品嚐到鮪魚等新鮮海鮮料理。
購買新鮮漁海產或即場品嚐鮪魚壽司
清水魚市場 河岸之市內分為銷售新鮮海產或魚乾等商品嘅「一番館」，同提供鮪魚壽司等料理嘅餐廳嘅「鮪魚館」。「一番館」嘅營業時間為9:30～17:30。清水魚市場 河岸之市逢星期三休息。但「鮪魚館」內部分餐廳全年無休，營業時間都各有不同。
景點資訊
- 名稱：清水魚市場 河岸之市
- 地址：〒424-0823 静岡縣静岡市清水區島崎町149番地
- 交通方式：東京站→[新幹線] 車程約60分鐘→静岡站→[JR] 車程約50分鐘→清水站…徒步約4分鐘
- Wi-Fi：無
- 語言：僅限日文
- 門票：不需購票
- 信用卡：依各店鋪而定
清水港遊船河欣賞富士山及三保松原美景
去到清水港，推薦可以搭遊覽船出海遊船河，可以慢慢細心欣賞有日本三大美港之稱嘅清水港灣美景。途中可以睇到富士山同三保松原嘅美景。繞行清水港周遊一圈嘅遊船路線所需時間約35至45分鐘，另外亦有路程較短、遊三保松原嘅迷你路線
景點資訊
- 名稱：清水港海灣巡航
- 地址：〒424-0943 静岡縣静岡市清水區港町1丁目7-408-2
- 交通方式：東京站→[新幹線] 車程約60分鐘→静岡站→[JR] 車程約50分鐘→清水站→[當地路線巴士・靜鐵JUST LINE] 車程約10分鐘→碼頭・Verkehr博物館前…徒步約4分鐘
- Wi-Fi：無
- 語言：僅限日文
- 門票：於售票窗口購票
- 信用卡：無法使用
去清水港嘅交通方式
從東京都內出發去清水港，可從東京站搭新幹線（車程約60分鐘）至静岡站落車。喺静岡站轉搭JR列車（車程約50分鐘）至清水站落車，徒步約4分鐘即達。
Comments