位於日本伊豆半島南部嘅「白濱」，係個有高透明度且美麗嘅海岸。白濱海岸共有三個海灘，各有唔同特徵，可以喺度體驗唔同風貌嘅海岸美景同陽光海灘玩遊戲！如果去靜岡旅行，不妨考慮到擁有美麗沙灘同蔚藍大海嘅海灘一遊啦！
日本伊豆嘅「白濱」海岸地區
位於静岡縣下田市嘅白濱海岸地區，共有3個海灘，分別為伊豆半島最大海灘「白濱大濱海水浴場｣、白砂與蔚藍大海為特徵嘅「白濱中央海水浴場」，以及可以喺海濱砂礫岩岸玩同體驗浮潛嘅「白濱板戶海岸（一色海岸）｣。以下為大家介紹各個具有魅力嘅特色同推薦睇頭啦。
伊豆「白濱」推薦特色
白濱大濱海水浴場：伊豆半島最大的海灘
白濱大濱海水浴場從南至北長達約800米，係個佔地廣大並具有開放感嘅沙灘，亦係白濱海岸地區最主要嘅海水浴場，純白砂灘、蔚藍大海、藍天白雲，每年都吸引好多遊客造訪，相當熱鬧。同時亦係著名嘅滑浪景點。海灘附近有出租水上活動相關用品嘅商鋪，以及餐廳等等。而且有付費使用嘅淋浴室同更衣室。
海灘從7月中旬至8月底開放，但係4月底至9月中旬為止都可以喺海岸游水。但請注意，只是夏季之外時間並無安排救生員在場，如果喺其他季節落水則需自行承擔相關責任。
白濱中央海水浴場——白砂與蔚藍碧海的沙灘
白濱中央海水浴場有長約700米嘅海灘，同時具有岩岸同沙岸，所以除咗可以喺度游水，亦可以喺海濱砂礫岩岸玩，而且仲可以觀察海葵或寄居蟹等海洋生物。但需留意，根據日本法律規定，係禁止撈捕蠑螺或九孔等貝類㗎。沿海岸設有人行人路，可以一邊看海、一邊悠閒地散步，相當愜意。
另外，呢度有白濱海岸地區唯一可以燒嘢食嘅設施。提供自來水設備同廚具如砧板及菜刀等，可免費借用。只要自備食材同餐具等，就可以喺海灘享受BBQ樂趣！
白濱板戶海岸（一色海岸）：擁有漁村風情的海灘
位於白濱海岸最北位置嘅板戶海岸保留著昔日漁村風情，亦可以喺海濱砂礫岩岸遊玩，仲可以體驗浮潛添！夏季期間設置有淋浴間同更衣室。喺鄰近嘅板戶漁港亦可以享受釣魚樂趣。另外，板戶地區亦被稱為「蘆薈之鄉」，每年11月下旬至1月下旬左右，蘆薈嘅紅色花朵盛開綻放，配合開花季節亦有舉辦「蘆薈花祭典」，差唔多時期去旅行就留意吓喇！
去伊豆白濱地區嘅交通方式
從東京都內出發去白濱大濱海水浴場嘅話，可以喺東京站搭新幹線，去到熱海站落車，再轉車搭JR列車到伊豆急下田站。喺伊豆急下田站搭東海巴士（車程約15分鐘），到「RESPO白濱（レスポ白浜）」站落車後步行就到。
景點資訊
- 名稱：白濱大濱海水浴場
- 地址：〒415-0012 静岡縣下田市白濱
- 交通方式：東京站→[新幹線] 車程約47分→熱海站→[JR特急列車] 約1小時15分鐘→伊豆急下田站→[東海巴士] 車程約15分鐘→RESPO白濱…徒步不久即達
- Wi-Fi : 無
- 語言：僅限日文
- 門票：免收費
- 信用卡：無法使用
Comments