福岡縣北九州市內酒店推介

位於福岡縣嘅北九州有豐富觀光景點，山景、海景，歷史建築物都可以欣賞得到。小倉站周邊有多間酒店選擇。另外，連接九州同本州嘅門司港附近都有好多住宿設施。本文將為大家介紹北九州熱門旅遊區嘅推薦酒店。

北九州旅遊嘅理想住宿地點：小倉車站周邊

北九州嘅中心車站小倉站周邊地區，唔只具有城下町嘅歷史氣息，街道都充滿現代化。另外，呢區嘅交通便利、酒店密集，係住宿地點嘅首選。

RIHGA ROYAL HOTEL KOKURA：距離車站徒步3分鐘、提供北九州名產自助式早餐

RIHGA ROYAL HOTEL KOKURA提供視野極佳，美麗山林海景嘅客房，夜晚喺房內欣賞夜景都好靚！酒店內有法式、日式、中式料理等餐廳。另外，都好推薦酒店提供嘅自助式早餐，菜色豐富多元，有採用福岡縣食材製作料理，亦有西式料理。

所有客房皆位於14樓以上，房間面積超過30平方米，空間寬敞舒適。特別推薦位於26到27樓嘅客房，可以從距離地面100米以上嘅高空眺望夜景，仲可以瞓喺舒適嘅美國Serta床墊瞓個靚覺。如果入住呢幾層，仲可以免費使用專屬貴賓室、健身房同泳池添。另外，亦也可以將早餐改為送到客房內用餐。呢間北九州嘅酒店可以給你頂級嘅享受！

酒店資訊

• 名稱：RIHGA ROYAL HOTEL KOKURA
• 地址：福岡縣北九州市小倉北區淺野2-14-2
• 交通：
• 北九州機場→[機場巴士]約40分鐘→小倉站巴士中心→從小倉站前往新幹線出口徒步約5分鐘。
• 小倉站徒步約3分鐘
• Wi-Fi：有提供
• 語言對應：英文、韓文
• 可使用信用卡：VISA、JCB、UC、DC、AMERICAN EXPRESS、Diners Club International、NICOS、Saison、Master、銀聯

入住福岡八幡活躍度假村（舊KITAKYUSHU-YAHATA ROYAL HOTEL）將絕景一覽無遺！

皿倉山係一個可以飽覽絕景嘅熱門景點。乘搭登山纜車或單軌纜車就可以去到山頂，睇夜景特別出名。坎皿倉山欣賞完風景，返落山入住福岡八幡活躍度假村（舊：KITAKYUSHU-YAHATA ROYAL HOTEL）或周邊其他酒店都好方便。

方便前往懷舊老街及關門海峽等景點！重要文化財「門司港站」周邊酒店

門司港站周邊有關門海峽行人隧道、門司港懷舊區等觀光景點。門司港懷舊區以新文藝復興風格嘅門司港車站為中心，保留咗好多歷史建築物。呢區唔只有豐富觀光景點，酒店選擇都有好多。

呢間酒店由義大利知名建築師設計，以鯊魚為設計理念。景觀客房有「關門海峽」同「門司港懷舊區」兩種，從房內窗望出去可以欣賞到門司港美景。

酒店餐廳嘅料理都係特色之一。自助式早餐菜式豐富，有氣泡酒、當地產新鮮蔬菜及沙律、門司港特色美食「燒咖哩」等等。此外，晚餐係用咗當地食材製作嘅義式料理。

飯店資訊

• 名稱：Premier Hotel Mojiko（普樂美雅飯店門司港）
• 地址：福岡縣北九州市門司區港町9−11
• 交通：
• 北九州機場→[機場巴士]約40分鐘→小倉站→[JR]約14分鐘→門司港站…徒步約2分鐘。
• 福岡機場→[地下鐵]約5分鐘→博多站→[JR]約17分鐘→小倉站→[JR]約14分鐘→門司港站…徒步約2分鐘。
• Wi-Fi：有提供
• 語言對應：英文
• 可使用信用卡：JCB、VISA、MasterCard、AMERICAN EXPRESS、Diners Club International