銀山溫泉位於山形縣尾花澤市山區內，係一個歷史悠久嘅溫泉鄉。沿住銀山川兩岸，林立著多座大正末期至昭和初期建造嘅西洋風木造溫泉旅館，喺懷舊嘅街道上漫步，令人彷彿好似穿越時空，重返大正浪漫時代！
銀山溫泉小檔案
銀山溫泉最初繁華嘅原因，係因為日本三大銀山之一「延澤銀山」於十六世紀被發現。去到十八世紀，銀山廢棄之後，當地人就利用銀山川湧出嘅溫泉，建造多間溫泉旅館，發展成一個熱鬧嘅溫泉鄉。
銀山溫泉必睇景點、必試美食
嚟到銀山溫泉，您可以享受各式溫泉，例如，溫泉共同浴場、足浴，仲可以漫步於溫泉老街，遊覽各個觀光景點。以下為您介紹銀山溫泉推薦必睇嘅景點，同埋必食嘅當地食物。
「藤屋」等木造旅館林立嘅銀山溫泉老街
銀山溫泉懷舊溫泉老街上多間木造旅館林立，例如「藤屋」、「古勢起屋別館」等溫泉旅館，都係一啲3至4層樓高嘅木造建築。
另一方面，西洋風木造旅館「能登屋旅館」同埋「古山閣」招牌上嘅色彩鮮艷「鏝繪（こてえ）」亦非常值得欣賞。「鏝繪」係指喺牆壁上塗抹灰泥，再用抹刀塗抹顏料添加顏色喺灰泥上製作成嘅立體浮雕，通常會用於製作商店嘅稱號標記，或者係帶來好運嘅「緣起物」。
銀山溫泉夜晚絕色雪景
銀山溫泉無論係春天嘅新綠、秋天嘅紅葉定係冬天嘅雪景，每個季節嘅景色都各有魅力。
尤其係1月同2月期間，溫泉老街被皚皚白雪覆蓋，靚到令人留下深刻印象。到咗夜晚，點上油燈後嘅小鎮冬夜雪景，更充滿夢幻氣氛。
白銀瀑布、延澤銀山遺跡等觀光景點
銀山溫泉周邊設有完善步道，方便遊客步行遊覽溪谷、瀑布與銀礦山遺跡等景點。例如「白銀瀑布」包含兩個高低落差達22米嘅大小瀑布；位於瀑布上方嘅紅色「SEKOTOI橋」係一條鮮豔嘅紅色橋梁，喺周圍綠樹嘅襯托下顯得更加耀眼。
有時間的話，仲可以參觀日本國家指定史蹟「延澤銀山遺跡」了解銀山溫泉歷史。銀坑洞內設有行人通行橋及照明設備，畀遊客可以喺暗黑洞穴入面輕鬆走動。
銀山溫泉名物美食
銀山溫泉有好多餐廳同埋提供當地美食外賣嘅飲食店，例如係懷舊咖啡店「Haikarasan通」嘅咖哩麵包（カリーパン）、「野川豆腐店」嘅一般豆腐或炸豆腐、「伊豆之華」嘅蕎麥麵等。
穿著大正時代服裝，漫步於銀山溫泉老街
銀山溫泉嘅「Cafe I'rasgayna」喺一家咖啡室兼和服出租店，提供租借「袴」（1900年代前半流行於日本嘅一種和服裙褲）。費用由2000日圓起，包括一個手袋同雙木屐。店內出租嘅「袴」被設計成每個人都可以自行穿上嘅款式，但如果有需要，都可以請店員協助您穿上。何不嘗試著住大正時代嘅服裝，喺銀山溫泉老街漫步呢？請留意，冬季期間只有「銀山莊」同「古勢起屋別館」嘅客人可以租借服裝。
如何前往銀山溫泉
建議從JR山形站搭乘電車或巴士前往銀山溫泉。首先，從JR山形站搭乘奥羽本線急行列車，約40分鐘可抵達JR大石田站。再從JR大石田站搭乘「Hanagasa巴士」，於中途的「尾花澤候車站」轉乘，約55分鐘即可抵達銀山溫泉。
景點資訊
- 名稱：銀山溫泉（銀山溫泉旅遊服務中心）
- 地址：〒999-4333 山形縣尾花澤市大字銀山新畑429
- 交通：山形站→[JR 奥羽本線急行]約40分鐘→大石田站→[Hanagasa巴士]約15分鐘→尾花澤候車室 轉乘→Hanagasa巴士]約40分鐘→銀山溫泉
- Wi-Fi：有（GINZAN Free Wi-Fi）
- 語言：僅限日文
- 信用卡：可以使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International大來國際信用卡、銀聯卡（部分住宿設施可以使用）
Comments