【藏王】以樹冰及日本百名山之一嘅藏王連峰而著名

藏王係位於日本東北地區嘅宮城縣同山形縣嘅南部邊境嘅山岳地區，擁有風景名勝、溫泉地同滑雪場等各種各樣嘅觀光景點。其中，宮城嘅「宮城藏王狐狸村」更係藏王最熱門嘅景點之一，可以喺呢度同超過100隻放養嘅狐狸接觸。

關於藏王

藏王連峰係由日本最長山脈「奥羽山脈」嘅一部分所構成嘅火山群，連接最高峰達1,841米嘅「熊野岳」等山脈，可以睇到火山活動所形成嘅火山口湖同噴氣孔。另外，山腳仲有好多溫泉地。

藏王必去景點

藏王有火山口湖「御釜」、高原、沼澤、瀑布等豐富觀光景點。另外，仲有宮城嘅「刈田嶺神社」、「藏王寺」等神社寺廟、牧場同滑雪場等受人人歡迎嘅景點都係其魅力之一。以下為大家介紹去藏王就推薦必去嘅景點同活動。

「宮城藏王狐狸村」等親親大自然同小動物嘅景點

藏王有好多可以親親動物嘅景點，例如宮城縣的「藏王HEARTLAND（蔵王ハートランド）」、山形縣的「藏王山農場（蔵王マウンテンファーム）山川牧場」等牧場就可以接觸到牛、羊、兔子等動物。

至於宮城嘅「宮城藏王狐狸村」，係日本唯一可以同時睇到銀狐、北極狐等稀有品種嘅觀光設施。喺狐狸村，除咗可以同放養嘅狐狸散步，仲可以體驗抱吓小狐狸，摸吓馬仔同羊仔，有機會真係要試吓親親小動物啦！而體驗抱小狐狸係期間限定活動，如果有興趣，記得事先喺官網查清楚啦。

「藏王ECOLINE生態公路」、「樹冰」等藏王連峰絕景

喺藏王，有橫貫藏王東西嘅「藏王ECOLINE（生態公路）」，沿途可以欣賞到新綠、紅葉、雪景等季節性美景。

其中最唔可以錯過嘅莫過於山形縣「地藏山」山頂附近嘅冬季樹冰奇景喇。喺廣闊嘅斜坡上有無數樹冰林立嘅風景簡直係大自然嘅傑作呀！另外，樹冰喺夜晚喺五顏六色嘅射燈下散發出夢幻氣氛。如果要睇樹冰，就要從藏王Ropeway嘅「山麓站」搭纜車到「樹冰高原站」換車，去到藏王地藏站（山頂站）就最好喇。

藏王溫泉、藏王町滑雪場等戶外活動景點

喺藏王，可以一邊行山一邊欣賞高山植物同野鳥，仲可以去滑雪場進行各種活動，唔同季節嚟到都可以玩得開心盡興！如果去山形旅行時去藏王，就可以去「地藏山周邊」玩，如果係去宮城順便遊藏王，就可以去「宮城藏王黑帽子度假村」等地。特別是「宮城藏王烏帽子度假村（みやぎ蔵王えぼしリゾート）」，唔單止行山，春天仲有又黃又白嘅水仙花風景；夏天又可以喺海拔1,100米嘅展望台觀賞星空；秋天又有紅葉美景，一整年都適合觀光。

藏王的推介美食及餐廳

藏王藉大自然孕育出山菜、菇類、新鮮牛奶製成嘅乳製品等豐富食材或加工品。另外仲有蒟蒻丸子、成吉思汗燒肉等都係當地特色料理。

另外，山形嘅「藏王溫泉」同宮城囓「遠刈田溫泉」都有好多餐廳，或者去滑雪場、牧場等觀光設施中嘅餐廳都可以食到當地美食。

藏王的住宿

藏王嘅住宿設施大多分布於各個溫泉地，有好多提供天然溫泉嘅旅館同酒店。另外，滑雪場附近都有唔少Guesthouse。藏王地區平均住宿價位喺每晚1萬5千日圓左右。如果想搵經濟實惠嘅住宿，就推薦山形嘅藏王溫泉區。根據地點同住宿選項，住宿價位每晚3千日圓起。

如何從東京前往藏王

藏王位於山形縣同宮城縣嘅交界，以藏王連峰爲中心。從東京出發，可以去宮城站或山形站嚟做落腳。另外，呢2個車站都設有旅遊資訊中心，可以拎到當地旅遊資料同地圖。

如何從東京前往宮城

去宮城觀光，建議以JR白石藏王站作為落腳點。從JR東京站搭新幹線約2個鐘可到達。另外，從JR白石藏王站，可以搭電車或巴士去各觀光景點。

如何從東京前往山形

而去山形嘅，就建議以JR山形站為目標。從JR東京站搭新幹線，約2個半鐘就到。另外，從JR山形站可以搭巴士去藏王溫泉，呢度有好多住宿設施、餐廳、觀光景點等。

【藏王】以樹冰及日本百名山之一嘅藏王連峰而著名

關於藏王