鹿兒島酒店精選推介

位於九州南部嘅鹿兒島縣，出名嘅地標有「櫻島」，仲有世界遺產「屋久島」、奄美大島等離島都係魅力滿點嘅旅遊目的地。今次為大家精選介紹兩間推薦嘅鹿兒島酒店。

1. 城山酒店鹿兒島（SHIROYAMA HOTEL kagoshima）

「城山酒店鹿兒島」坐落於海拔108米嘅山上，可以俯瞰鹿兒島市區，櫻島同鹿兒島灣。當中特別推薦嘅，係酒店內嘅景觀露天浴池！

酒店有19種唔同類型嘅客房，包括單人房、雙床房，四張床嘅家庭房等等等等。同屋企人或者朋友一齊去旅行，無論一行幾多人，總有一間適合你嘅～

城山酒店鹿兒島以自助式早餐聞名，曾多次獲獎。可以品嚐到採用鹿兒島食材製作嘅料理，包括80多種日式、西式菜餚。

酒店內仲有販賣鄉土料理、酒店原創料理等，可以用嚟做手信添。

JR九州酒店鹿兒島同JR鹿兒島中央站係直接連通嘅，交通非常方便。特別係落雨天搭完車返嚟，可以直接返上酒店添！

客房床上覆蓋喺被上嘅防塵布，係採用咗鹿兒島・奄美大島傳統手工藝「大島紬」織布。客房室內用上珊瑚色嘅壁紙，以藍綠色等基調，營造出鹿兒島大海同藍天嘅意象。

酒店一樓餐廳「驛亭SATSUMA（驛亭さつま）」嘅自助式早餐有提供鹿兒島名產「雞飯」（一種雞湯泡飯，飯上放上蛋絲、雞肉絲、香菇絲、紅薑等食材)，仲有薩摩炸魚餅（一種傳統魚漿炸物）等鄉土料理。

唔使周圍搵，一早就食到鹿兒島風味嘅早餐，真係唔可以錯過！