山口縣旅遊推薦酒店三選

山口縣位於日本本州最西部，連接九州同本州。山口縣知名嘅景點有連續五個拱形構成嘅錦帶橋、日本最大規模嘅鍾乳洞秋芳洞，仲有名產美食河豚。呢啲都係去山口縣旅行一定唔可以錯過嘅景點！今次為大家介紹山口縣旅行推薦嘅三間優質酒店。

APA Hotel Yamaguchi-Hofu（APA酒店山口防府）

APA酒店山口防府地理位置優越，無論去日本三大天滿宮之一嘅「防府天滿宮」，定係可以欣賞日本花園同屋敷（宅邸）嘅「毛利氏庭園」，交通都好方便。

從APA酒店山口防府嘅高樓層，可以眺望日本中國地區美麗嘅山景添。

自助式早餐嘅菜色豐富，從日式到西式都有，有咖哩專賣店提供嘅咖哩飯早餐，仲有油炸河豚。日文中「河豚（ふぐ）」同福氣嘅「福（ふく）」相似，所以喺山口縣內河豚經常被稱為「福（Fuku）」。

另外，酒店亦設有停車場，所以都好適合租車自駕遊嘅旅客入住。

去山口縣防府市旅遊嘅朋友，小編好推薦呢間酒店俾你。

Comfort Hotel Shin Yamaguchi交通位置便利，距離JR新山口站只需步行1分鐘。所有客房都禁煙、均配有加濕空氣清淨機，等你可以好好享受舒適乾淨嘅環境。

酒店提供免費自助式早餐，可以享用每日更換款式嘅沙律、飯同湯品，就算連續住幾晚，都可以每日食到唔同嘅料理。

Comfort Hotel Shin Yamaguchi同寢具製造商共同開發專用枕頭，致力於提供客人舒適嘅睡眠空間。優質嘅枕頭令你無論咩睡姿，仰睡定係側睡，都能夠貼合你嘅頸部。酒店耐心聽取顧客嘅意見，提供令每位客人更滿意嘅服務。

「Sunroute Kokusai Hotel Yamaguchi位於山口市中心，地理位置優良。有多個客房類型可供選擇，無論係單獨一人定同朋友或屋企人一齊去旅行嘅客人都可以搵到啱心水嘅酒店房。酒店仲提供咗4部單車，可以免費借用。非常推薦踩單車遊覽山口市呀。

一樓大廳有「氧氣加壓艙」可以使用，有美肌、消除疲勞嘅效果，每30分鐘500円。

酒店提供日式同西式菜色嘅自助式早餐，費用為成人970円、小童500円。

酒店內有一間酒吧（星期日休息），可以喺夜晚同朋友去摸吓酒杯呀。

如果想住喺山口市中心，呢間酒店都好推薦呀！