日本有兩段日子好多雨，一個喺夏日降臨之前嘅梅月季節，另一個係9至10月嘅颱風季節。為咗令大家安心駕駛，日本研發咗好多俾架駛人士使用嘅兩天車用商品。今次為大家推介5款便利用品，有咗佢地就唔使驚，就算傾盆大雨都可以安心開車。
推介1. 擋風玻璃防水噴霧
喺擋風玻璃噴咗佢，就會形成一層矽嘅撥水薄膜，令水滴唔會咁易留喺擋風玻璃上，效力好強，只要有一定車速（時速在40至50km以上），風壓就會自動吹開雨滴，唔駛用水撥都可以令擋風玻璃上不留半點水滴，非常方便。相中嘅商品係SOFT99公司所出嘅「W.JET GLACO」。唔需要塗抹，只要喺落雨之前噴均擋風玻璃表面就可以，用法簡單，非常受歡迎。
推介2. 矽膠水撥
雨天視線睇唔清，最近人氣急升嘅解決方法就係呢款夕膠水撥。將一般水撥換成呢款軟骨矽膠水撥，就可以輕鬆撥開擋風玻璃上嘅雨滴。效果比防水噴霧稍微遜色少少，但就唔駛成日帶住罐噴霧，只要安咗上去就一了百了，就算突然落驟雨都唔驚，好方便。相片入面嘅係PIAA公司嘅「Si-TECH軟骨矽膠水撥」，僅供示意參考。
推介3. 座椅防水噴霧
落雨時成身濕哂咁上車，就會搞到車入面都濕哂。而且車入面濕嘅話，仲要成日焗住唔係咁易乾。所以生產商就研發出布製品用嘅防水噴霧去解決呢個問題。喺座椅上噴咗呢款商品之外，唔單止雨水，連唔小心滴瀉嘅果汁咖啡都會跣開，輕輕用布一抹就乾淨哂，唔會留痕跡。相入面嘅係SOFT99公司所出嘅「CLOTH BARRIER」座椅防水噴霧，噴一次可持續3個月效果。
推介4. 冷氣孔除菌消臭噴罐
喺雨季其中一個令人困擾嘅問題，係車入面嘅霉味。其實原因喺來自車入面內部嘅熱交換器發霉而產生嘅臭味。只要將呢款產品噴喺車入面嘅冷氣通風口，就可以簡單除臭。可以令車廂入面嘅空氣氣味保持清新。相入面嘅係ARMATE嘅「Dr.DEO 冷氣孔除菌消臭噴罐」。
推介5. 車用懸掛式雨傘收納袋
落雨天開車搭車時，最容易遺漏咗要諗濕哂嘅雨傘放去邊。就算把遮已經埋咗，但都好大機會會漏水令車入面嘅地毯都濕埋，呢個亦係其一個會做成車內有異臭嘅原因。就算將雨傘收起來時已經盡可能地把雨水甩乾，但雨水的量超乎想像。而雨水滲透至車內地毯，將會是造成異臭的原因。所以最好就係要準備地方放遮，呢款車嘅懸掛式雨傘收納袋，除咗可以解決放遮問題之外，仲有好多唔同嘅顏色同設計，襯返個車廂內設計，夠哂時尚。照入面嘅產品係AUTOBACS嘅「JKM雨傘套」。
唔單止係雨季，好天嘅時候都要準備定唔知雨天幾時嚟，事先擺定呢個雨傘收納袋，放遮係車入面就好方便，咁多款式，總有啱自己架車嘅。
香港每年嘅降雨量亦唔會少過日本，上面介紹嘅日本製雨天車用產品，有無邊款想帶返香港用呢？
Comments