JR「大阪站」同埋「梅田站」一帶係西日本最大嘅鐵路網，呢度有好多路線同地下通路，連接多間多間百貨公司同高樓大廈，路線錯綜複雜。除此之外，大阪市營地下鐵谷町線有個站叫「東梅田」，而四橋線又有個「西梅田」站，所以都幾混亂，有時搞唔清楚自己喺邊。
梅田站改名為「大阪梅田站」
近幾年，前往關西旅遊嘅外國觀光客人數不斷增加，為咗令第一次到訪嘅旅客同埋外國人都可以馬上理解梅田一帶係位處大阪市中心，阪急電鐵同阪神電鐵已分別決定，由10月1日起將「梅田站」改為「大阪梅田站」。
阪急電鐵連接京都、大阪、神戶，當廣播「UMEDA（梅田）」到咗，有啲旅客會嚟唔切反應，唔知道其實「梅田」就係到咗「大阪」，所以先特別將「梅田」等主要嘅轉車點，加返個道府縣上去，等人可以即刻知道所在地。
河原町站改名為「京都河原町站」
所以除咗改梅田站名，阪急電鐵基於相同理由，將位於京都市中心嘅河原町站，由10月1日起也將改名為「京都河原町站」。
其他改名車站
此外，阪急電鐵仲將寶塚本線・箕面線「石橋站」改為「石橋阪大前站」
阪神電鐵則是將「鳴尾站」改為「鳴尾・武庫川女子大前站」
有計畫要前往關西地區旅遊，查詢交通路線時，記得唔好搞錯站名喔~
Comments