入住香川溫泉旅館 享受治癒身心嘅溫泉之旅

以讚岐烏冬、四國八十八所巡禮聞名嘅香川縣，到處都有景點或溫泉地，亦有好多和風嘅日式旅館及渡假酒店等住宿設施。今次就為你介紹香川縣內四個溫泉鄉，同埋其住宿特色啦。

承繼1,300年歷史嘅古老溫泉地「鹽江溫泉鄉」

鹽江溫泉鄉係行基高僧喺1,300年前發現，一個專治身體痛症、調理身體，一直受人愛戴嘅溫泉湯。有唔少溫泉住宿，提供一個被大自然環境包圍嘅環境、觸感溫和嘅溫泉水，讓人身心都得到慰藉。

唔只溫泉，春天盛開嘅櫻花、夏天嘅煙花大會、秋天時滿山絢麗紅葉，其他自然風光都非常吸引！仲有喺溫泉設施「行基之湯」行過啲嘅木橋，係影「鹽江溫泉、到此一遊」嘅打卡位！

景點資訊

• 名稱：鹽江溫泉郷（塩江溫泉郷）
• Address：〒761-1612 香川縣高松市鹽江町安原上東390-9（鹽江溫泉觀光協會）
• 交通:
• 東京站→[新幹線]約3小時40分→岡山站→[Marine Liner（マリンライナー）]約1小時→高松站→[Kotoden Bus（ことでんバス）]約75分鐘→鹽江
• 羽田機場→約1時間20分→高松機場→[空港Limousine Bus]約40分鐘→高松站→[Kotoden Bus]約75分鐘→鹽江。
• Wi-Fi：鹽江Information Center、道之站、各酒店等多處有提供Wi-Fi熱點
• 語言對應：各酒店幾乎都沒有外國語言支援
• 可否使用信用卡：新樺川觀光酒店、湖畔度假村 Villa鹽江、Sanuki溫泉（さぬき温泉しおのえ）、Hotel Second Stage（ホテルセカンドステージ）等可使用

「小豆島溫泉」享受海景及香川溫泉嘅渡假區

小豆島被大海及山林圍繞，擁有一片安寧環境。島上有幾個溫泉點，提供嘅溫泉水有美肌、減輕筋肉及關節痛楚、舒緩疲勞嘅功效。其中「Moromi之島宿 真里（もろみの島宿 真里）嘅自家開發源泉同食事室（用餐的地方）更被列為有形文化財產添！

島上除咗溫泉，仲有好多觀光景點、海灘、海上活動、購物景點等好多嘢睇同玩！而最出名、最推薦嘅，就係因潮汐漲退而出現嘅天使之路（Angel Road）。傳聞同重要嘅人手拖手行過呢條天使之路，天使就會幫你哋實現願望㗎。許願又好，影相都好，都係必去嘅打卡位！

Spot Information

• 名稱: 小豆島溫泉
• 地址: 〒761-4434 香川縣小豆郡小豆島町西村甲1896-1（小豆島觀光協會）
• 交通: 
• 東京站→[新幹線]約3小時40分→岡山站→[徒歩]約10分鐘→高松港碼頭→[高速船]約35分鐘→土庄港碼頭
• 岡山站→[巴士]約10分鐘→高松東港碼頭→[Jumbo Ferry]約70分鐘→坂手港
• 羽田機場→約1小時20分→高松機場→[機場巴士Limousine bus]約40分鐘→高松站→[徒歩]約10分鐘→高松港碼頭→[高速船]約35分鐘→土庄港
• 高松站→[巴士]約5分鐘→高松東港碼頭→[Jumbo Ferry]約70分鐘→坂手港碼頭
• Wi-Fi: 各酒店、觀光景點大有Wi-Fi熱點
• 語言對應：島上多間酒店都可 以英文對應
• 可否使用信用卡：Resort Hotel Olivean Shodoshima、湯元小豆島溫泉鹽之湯、Ohkido Hotel等多間酒店可使用

香川嘅溫泉鄉—庵治溫泉酒店、旅館

位於香川縣嘅庵治溫泉係「四國最北端嘅溫泉」，喺庵治觀光酒店 海之Yadori（庵治観光ホテル海のやどり）就可以體驗到。觸感柔滑嘅溫泉水可以緩解神經痛、肌肉痛、疲勞等身體不適外，仲有肌膚保濕功效。

如果浸喺露天溫泉，日落時仲可以欣賞到整片天空被染成橙色嘅瀨戶內海海景。特別係滿月嘅日子中，黃黃的月亮高掛天上，令美景更像一幅畫。簡直係滋潤埋你嘅內心啊。

景點資訊

• 名稱: 庵治溫泉
• 地址: 〒761-0130 香川県高松市庵治町5494
• 交通: 
• 東京站→[新幹線]約3小時40分→岡山站→[Marine Liner（マリンライナー）]約50分鐘→高松站→[Kotoden Bus（ことでんバス）]約50分鐘→庵治溫泉落車
• 羽田機場→約1小時20分→高松機場→[機場巴士Limousine bus]約40分鐘→高松站→[Kotoden Bus]約50分鐘→庵治温泉落車
• Wi-Fi: 有
• 語言對應：英文
• 可使用信用卡：VISA、JCB

參拜金刀比羅宮時 入住附近香川金比羅溫泉鄉旅館

金比羅溫泉鄉（こんぴら温泉郷）係於1997年誕生嘅溫泉，由於有好多信眾前往參拜金刀比羅宮（四國八十八其中一所），入住鄰近嘅金比羅溫泉鄉而繁榮發展起來。泉質有三種，據說可以調節身體不適及美肌嘅功效。每間住宿提供嘅泉水都可能唔同。

金比羅溫泉鄉附近除咗有金刀比羅宮，仲有其他觀光景點，其中人氣僅次於金刀比羅宮嘅，就係國家指定嘅重要文化財產、日本最古老芝居小屋「金丸座」。每年都會舉辦歌舞表演，象徵春天呢個季節要來了。

景點資訊

• 名稱: 金比羅溫泉鄉（こんぴら温泉郷）
• 地址: 〒766-0001 香川縣仲多度郡琴平町811番地（琴平觀光協會 觀光案内所）
• 地址: 
• 東京站→[新幹線]約3小時40分→岡山站→[JR]約50分鐘→琴平站
• 羽田機場→約1小時20分→高松機場→[機場巴士Limousine bus]約50分鐘→琴平站
• Wi-Fi: 香川金比羅觀光案內所（かがわ・こんぴら観光案内所）、琴平花壇、湯元金比羅溫泉華之湯、紅梅亭等各酒店、旅館或觀光景點等多個地方都有Wi-Fi熱點
• 語言對應：琴平花壇、湯元金比羅溫泉華之湯、紅海亭等多間酒店都能以英文對應
• 可否使用信用卡：琴平花壇、湯元金比羅溫泉華之湯、紅海亭等多間酒店可使用