雖然位於日本山口縣嘅岩國城花咗7年時間建城，但壽命只係維持咗7年。城堡被拆卸後，過咗300幾年，先喺1962年重建。重建至今即經過50多年，外觀仍然保持非常美麗嘅狀態。本文將為大家介紹岩國城嘅特色及推薦影相景點。
岩國城被稱為悲劇之城的理由
當時關原之戰中，居住喺岩國城嘅吉川廣家係協助德川家康陣營，所以一開始並無被下令拆毀。但後來因為毛利家認為吉川廣家係出賣家族嘅內奸，因而頒「一國一城」令（一國只能保留一個城，其餘必須廢除）將岩國城拆卸。但事實上毛利家之所以能夠傳續，都係因為吉川廣家懇求下先得之保存。
日本100名城「岩國城」嘅必睇特色
岩國城的天守閣
現在所睇到嘅岩國城天守閣，係根據留存落嚟嘅古圖而重建。天守閣最初係以「三重四階」建造而成，修復時重建成「四重六階」（「重」即指包括地庫所計嘅層樓，而「階」唔計地庫，只從地面開始計嘅樓層）。重建後嘅天守閣建築樣式，從底部數上第三層向外延伸擴大，被稱為「桃山風格南蠻造建築」。採用呢種風格嚟建造的話，屋頂可以省略，從外面睇起嚟就好似四層，但內部實際則有六層。之所以用呢種建築風格，被認為係因為幕府對於城堡嘅樓層數有所限制，為避免違反規定而被採用。
從岩國城天守閣眺望美麗風景
重建後嘅天守閣位於天守閣遺址東側約50米之處。從天守閣最頂層可以眺望城下町、岩國市街景同瀨戶內海上島嶼嘅風景。從岩國城前面流過嘅錦川形成天然嘅護城河。喺天守閣內部展示咗精密嘅木製錦帶橋模型，仲有武士刀、盔甲等同城堡相關嘅歷史文物。
遵照當時技術重建嘅岩國城天守台
喺挖掘調查岩國城期間，發現埋喺地底下四分之一嘅天守台地基。城堡遵循當時嘅石頭堆砌技術重建而成。城牆用咗各種大大小小、唔同形狀嘅石頭精心堆砌，重現當時高超嘅建築技術。
岩國城推薦的取景地點
如果從北面影過去，可以捕捉到震撼力十足嘅岩國城。想影埋天守閣展望台的話，建議從岩國城纜車站呢個方向影過去。另外，夜間點燈後嘅岩國城都相當值得一看。尤其喺錦帶橋周圍，可以影到喺黑夜襯托下，點上燈後閃閃發亮嘅岩國城及錦帶橋。
關於城堡
- 開始建造：1601年
- 竣工年分：1608年
- 廢城年分：1615年
- 重建年分：1962年
景點資訊
- 名稱：岩國城
- 地址：山口縣岩國市橫山3丁目
- 交通方式：
- 新岩國站→[市營巴士]約10分鐘→錦帶橋巴士中心→步行約10分鐘→纜車站山麓站→[纜車]約3分鐘...步行約3分鐘
- 岩國機場→[岩國錦帶橋機場線巴士]約12分鐘→岩國站→[市營巴士]約10分鐘→錦帶橋巴士中心→步行約10分鐘→纜車山麓站→[纜車]約3分鐘…步行約3分鐘。
- 開館時間：09:00～16:45（最後入館時間為16:30）
- 參觀門票：2019年9月30日為止，大人260円（中學生或以上）、小學生120円（6至12歳）。2019年10月1日起價錢有變更，大人270円（中學生或以上）、小學生120円（6至12歳）
Comments