喺江戸時代建造嘅城池「萩城」當時乃長州藩藩主嘅居城。古時嘅萩城已被清拆，現只留下城堡嘅石造地基，成為該地區嘅一個象徵性嘅存在。以萩城為中心形成嘅「萩城下町」，於2015年7月被列入世界遺產名錄嘅「明治工業革命遺蹟 鋼鐵、造船和煤礦」當中。今次就要為大家介紹遊萩城嘅必睇特色。
守護萩城下町嘅賞櫻名所——萩城跡
長州藩嘅萩城係由「指月山」山麓下嘅本丸、二之丸、三之丸嘅「平城」，以及位於山頂嘅「山城」所構成，曾經係長州藩嘅據點。1863年遷移到山口城，但1874年明治政府頒布廢城令後，萩城遭到被清拆嘅命運。其拆除前嘅風貌現時只能透過當時影落嘅相欣賞到。另外，呢度有以綠吉野櫻為首嘅600株櫻花美景，成為熱門賞櫻名勝景點。
指月公園及萩城本丸跡
現存嘅萩城天守遺址
曾經有過天守嘅本丸，現時可以睇到由石堆砌而成嘅天守台。望著眼前嘅石牆，彷彿讓人真實地感受到曾經存在過嘅「五層天守閣」。到咗夜晚，喺燈光照明下，水影映照出天守閣影像，非常美麗。
志都岐山神社 祭祀萩城城主毛利家藩主
位於萩城本丸遺跡嘅志都岐山神社係一間祭祀萩藩歷代藩主嘅神社。參道上可以睇到一株純白色，襯托著綠色花萼，「綠吉野」品種嘅櫻花。綠吉野櫻係只有喺萩市先有嘅珍貴櫻花品種，被列為該縣嘅天然紀念物。要欣賞非常罕見、萩市先有嘅櫻花，記得要計劃喺春天去啦。
搬遷後嘅萩城本丸遺址
位於萩城本丸跡嘅志都岐山神社前嘅池塘上，架著「萬歲橋」，呢個係將本來喺長州藩嘅藩校「明倫館」中搬遷移建到此嘅。
用石頭所建成嘅「太鼓橋」被列為萩市嘅有形文化遺產。而位於三之丸嘅茶室「花江茶亭」亦屬於被移建到本丸遺跡中嘅遺址之一。呢個係13代藩主喺幕府末期同家臣討論國家要事嘅地方。花江茶亭亦係市指定嘅有形文化遺產。
萩城嘅「本丸」同環繞指月山建造而成嘅「二之丸」
「二之丸」中曾經有12個望樓及寺院神社存在過；圍牆同石牆、正門嘅大手門、外門、內門等好幾道門，但現時邊道門剩存嘅只有石牆。
萩城重臣居住區域「三之丸」
萩城城主嘅一派「厚狹毛利家嘅萩屋敷長屋」
長51.4米嘅「厚狹毛利家萩屋敷長屋」係厚狹毛利家以前嘅屋敷（邸宅）遺跡，係萩市武士屋敷中最大規模嘅。據說以前包括主屋在內，整個屋敷佔地面積相當廣大。但喺明治時代幾乎被清拆，唯一保存下來嘅「長屋」就被列為國家重要文化遺產。沿著東邊嘅榻榻米走廊行，就可以見到格調高雅嘅房間，係地位高崇嘅人休憩嘅地方。
關於城池
- 建立年：1604年
- 廢城年：1874年
景點資訊
- 景點名稱：萩城跡指月公園
- 地址：〒758-0057 山口縣萩市堀內1-1
- 文通：
- 新山口車站→[超級萩號（巴士）]約60分鐘→萩・明倫中心→[萩循環巴士（西循環路線）]約15分鐘→萩城遺址・指月公園入口 北門屋敷入口…步行約5分鐘
- 山口宇部機場→[宇部市營巴士]約30分鐘→新山口車站→[超級萩號（巴士）]約60分鐘→萩・明倫中心→[萩循環巴士（西循環路線）]約15分鐘→萩城遺址・指月公園入口 北門屋敷入口…步行約5分鐘。
- 開放時間：4至10月：08:00～18:30、11至2月：08:30～16:30、3月：08:30～18:00
- 入場費：大人210円、中小學生100円
Comments