江戶時代嘅地圖至今仍可以直接對照使用嘅山口縣「萩市」，有許多可以欣賞萩市嘅歷史街道、日本海美景嘅飯店。城下町「萩市」在現代日本嘅建設中扮演了很重要嘅角色，有幾項明治時期嘅日本工業革命遺產，被登錄為世界文化遺產。以下為您介紹山口縣萩旅行的推薦飯店。
東萩、松本地區：古色古香、機能性高嘅飯店
喺東萩及松本地區嘅景點，有東萩車站及附近一帶、明治維新前後培養不少優秀人才嘅松下村塾、毛利家嘅菩提寺同東光寺。另外仲有一個展望台，可以眺望荻市街景。呢個地區有好多設備完善、古色古香嘅溫泉旅館同民宿。
溫泉旅館 萩本陣：溫泉、精緻料理、好客熱情，給你「萩的感覺」
溫泉旅館 萩本陣採用從地下2,000公尺湧出嘅溫泉水。源泉從2萬年前開始就不斷湧出泉水，具有美肌、舒緩神經痛等效果。早晚男湯及女湯會互相交換，有露天溫泉等14種唔同溫泉浴池。客房主要係日式客室，但都有洋式房間。和洋式混合風房間內附半露天浴池及配備席夢思名床，可以眺望萩嘅街景、享受奢華嘅住宿體驗。
如果要訂房，推薦住一晚附兩餐嘅方案，可以食到山口嘅名產河豚同稀少珍貴嘅見蘭牛。被列為天然紀念物嘅和牛「見蘭牛」，係見島牛同霍爾斯坦牛配種而生嘅，具有入口即溶嘅極上肉質口感。自助式早餐亦會提供當地鄉土料理、旅館原創嘅料理，各款種類豐富嘅日式和西式菜餚。呢間旅館係一間可以讓你透過五感去體驗萩嘅氣氛，仲提供可以徹底放鬆嘅空間添。
旅館資訊
- 名稱: 萩本陣
- 地址: 山口縣萩市椿東385-8
- 交通:
- 新山口站→[防長巴士]約90分鐘（JR超級萩號巴士約70分鐘）→從東萩站乘車約5分鐘。
- 山口宇部機場→[宇部市營巴士]約35分鐘→新山口站→[防長巴士]約90分鐘→東萩站乘車約5分鐘。
- ※從東萩站或萩・明倫中心，提供免費接駁服務（到車站時，需要跟旅館電話聯絡。15:00〜19:00、隔天早上08:00／08:30／09:00／09:30／10:00）
- Wi-Fi：除咗舊館東之丸以外，全部客房都有提供Wi-Fi
- 語言對應：英文
- 可使用信用卡：VISA、MasterCard、JCB、AMERICAN EXPRESS、UC、DC、NICOS、DINNERS、UFJ
堀内地區： 擁有萩城跡、武士宅邸等多個歷史景點
堀内地區有好多歷史悠久嘅景點，以萩城為中心，並保存多個昔日嘅武士宅邸及土牆，仲有國家指定重要文化財嘅「舊厚狹毛利家萩屋敷長屋」等等。周邊住宿設施選擇多，例如於毛利家遺址上建造嘅和洋混合風格旅館、展示萩燒陶器嘅旅館等，可以充分享受荻嘅氛圍。另外，沿海一帶仲有附設溫泉嘅酒店，可以充份享受度假嘅悠閒。
北古萩、古萩及濱崎地區：萩酒店中規模最大的又有，價錢實惠的都有
喺北古萩、古萩及濱崎地區，濱崎町有好多魚貨批發店，處理越濱漁港所捕撈嘅海產。另外仲有舊藩校明倫館、明治維新時，藩士們嘅舊宅邸等景點。呢個區域有荻最大嘅酒店、價位合理嘅旅館，仲有江戶時代遊女屋（妓院）改建而成嘅住宿設施。
「越濱・笠山」地區：可以眺望日本海風景的飯店
笠山係一座位於萩市東北部海岸、與本島相連嘅小島。而越濱位於笠山與本島相連嘅砂州上，係萩市最大嘅漁港，從江戶時代就開始使用，至今仍保留當時漁村嘅樣貌。喺附近海拔112米嘅笠山上觀景台可以俯瞰日本海同萩市區街景。住喺呢個地區嘅酒店就可以享受溫泉嘅同時，又可以飽覽眼前一望無際嘅日本海美景啦。
Comments