去到高松想行街買手信，唔知去邊度好？喺高松有商店街，亦有購物商場，度度都有賣香川縣和菓子等名產手信。今次就為大家介紹喺多個購物景點當中，嚴選三個行街Shopping嘅好去處！
高松購物好去處：高松丸龜町一番街前拱形廣場
「高松丸龜町一番街前拱形廣場」係高松丸龜町商店街中央位置嘅廣場。全玻璃製作拱型屋頂就好似一個藝術作品咁，又靚又壯觀。喺呢地方會舉辦期間限定嘅活動，例如有西洋糖果賣場、夏日祭典、五光十色嘅燈飾等等，非常熱鬧。
而緊接著隔離就有丸龜商店街、高松三越等購物景點。呢度就可以買到「SHIMAHIDE（志満秀）」嘅「芝士蝦餅（Quattro Ebicheese）」、「宗家Kutsuwa堂（宗家くつわ堂）」嘅「瓦仙貝 瀨戶內海巡禮（瓦せんべい 瀬戸内めぐり）」等特產手信。價錢因份量而定，大約1,000左右起。（2019年7月資訊）。
景點資訊
- 名稱：高松丸龜町一番街前拱形廣場（高松丸龜町商店街）
- 地址：〒760-0029 香川縣高松市丸龜町1-1
- 交通：
- 琴平電氣鐵道 片原町站落車...徒歩約5分鐘
- JR高松站→[琴平電氣鐵道]高松築港站...徒歩約15分鐘
- Wi-Fi：有提供
- 語言對應：中文（簡體字）、英文、韓文
- 可使用信用卡：VISA, MasterCard, JCB, AMEX, Diners Club International（因應店舖而異）
高松購物好去處：Youme Town 高松
Youme Town 高松（ゆめタウン高松）於1998年開幕，係高松最大嘅購物商場，有潮流服飾、生活精品雜貨、餐廳、娛樂設施等160間專門店。而且賣場面積夠唒廣大，甚至係日本四國地區中最大規模、最具代表性嘅購物設施嚟添。
Youme Town 高松內有好多可以買到香川特產嘅店舖，例如有用高級蛋黃餡製成燒饅頭等著名和菓子名店「名物Kamado（名物かまど）」，仲有讚岐烏冬嘅名店「讚岐麵業（さぬき麺業）」等等。以上手信價錢大約1,000円左右。（2019年7月資訊）
景點資訊
- 名稱：Youme Town 高松（ゆめタウン高松）
- 地址：〒761-8072 香川縣高松市三條町608-1
- 交通：
- 琴平電氣鐵道 三條站...徒歩約8分鐘
- 高松站→[Shopping Rainbow循環巴士（ショッピングレインボー循環バス）]約23分鐘→Youme Town 高松前巴士站
- Wi-Fi：有提供
- 語言對應：只有日文
- 可使用信用卡：VISA, MasterCard, JCB, AMEX, Diners Club International
高松購物好去處：高松MARCHE（マルシェ）市集
有個名叫「MARCHE（マルシェ）」嘅市集會定期喺高松舉辦。當中最具代表性嘅就係JR高松站附近舉行嘅「讚岐MARCHE（さぬきマルシェ）」，每月限定舉辦一次，每次唔同主題，不過主要都係賣香川縣產嘅食材同食物嘅店最多。例如有香川縣名產「連骨雞脾」、小豆島產橄欖製作嘅食品等多種食物。推薦可以買橄欖製嘅化妝品或香草，仲有使用讚岐產小麥製成嘅烤焗零食點心等。價錢方面，化妝品係大約10,000円左右，糖果類大約1,000円起。（2019年7月資訊）
另外，仲有「常磐街MARCHE（マルシェ）」會喺常磐町商店街拱廊每月舉行一次。現場有販賣化妝包、耳環、微型裝飾品等好多雜貨小物，特別係樹脂粘土製作微型嘅食物、甜品，好似實物咁，像真度非常高！價錢大約500円左右，又唔係好貴，就算唔買，去睇吓都好吖嘛！（2019年7月資訊）
Comments