如果去丸龜旅行，煩緊住邊好？去得丸龜就當然唔可以錯過可以浸溫泉嘅旅館住宿同町家酒店啦！有見及此，今次就為你介紹有關丸龜地區嘅酒店、旅館嘅特徵，再話埋你知咩附近有咩吸引嘅酒店推介啦！
丸龜地區嘅酒店、旅館
丸龜市內比較少酒店，但係丸龜主要交通車站JR丸龜站附近有唔少酒店、旅館同Guesthouse等多種住宿種類可以選擇。特別係平價住宿嘅設施都多，房價大約5,000円前後，咁實惠啱哂想「窮遊」嘅你啦！（雖然話就話窮遊，但對住嘅質素都有要求嘅，嚟睇吓有咩又平又正嘅推介啦～）
想要海景房？無問題！由JR丸龜站行30分鐘左右嘅地區，都有可以一覽瀨戶內海絕景嘅住宿設施！
金比羅溫泉鄉：集合不同溫泉泉質嘅住宿
如果喺丸龜玩到攰想浸個靚溫泉，喺JR丸龜站行15分鐘路程嘅地方就有金比羅溫泉鄉「こんぴら温泉郷」，搵呢度嘅溫度住宿就啱哂喇！金比羅溫泉鄉係JR琴平站周邊一帶三個唔同溫泉地嘅總稱，分別係「湯元金比羅溫泉 華之湯（湯元こんぴら温泉 華の湯）」、「金比羅溫泉 湯元（こんぴら温泉 湯元）」同「 智光院溫泉」。其中喺智光院溫泉設立嘅溫泉酒店、旅館都多，而且泉水以對皮膚好以聞名，真係好值得你去慢慢享受，浸到溫笠笠嘅溫泉！
而金比羅溫泉鄉嘅住宿設施多數都唔只淨係浸得到天然溫泉，食到以當地生新鮮食材製成嘅料理，仲可以望到象頭山同讚岐富士等美景。
價錢方面，大約5,000円嘅平價住宿有好多，但都有50,000円以上房價嘅高級住宿。
而且附近就有琴平觀光名勝地—金刀比羅宮，有機會就一定要去埋呀！
景點資訊
- 名稱：金比羅溫泉鄉 （こんぴら温泉郷）（JR琴平站）
- 地址：〒766-0004 香川縣仲多度郡琴平町榎井
- 交通：JR岡山站→[讃岐特急 南風列車]約1小時→JR琴平站...徒步即到
- Wi-Fi：有（KAGAWA Wi-Fi）
- 語言對應：英文
- 可使用信用卡：VISA, MasterCard, JCB, AMERICAN EXPRESS, Diners Club International（根據住宿設施或有不同）
入住「宇多津古街之家（臨水）」體驗町家嘅純日本建築的美
丸龜附近仲有可以住入町家（古代日本民家）嘅住宿設施，位於宇多津町嘅「宇多津古街之家」就係其一。宇多津古街之家係一整棟租住嘅設施，有兩個風格完全唔同嘅町家，一個係純日本建築嘅「臨水」，另一個係西式風格嘅「背山」洋館。
臨水特別在於上咗黑漆嘅外壁好有厚重質感。進入住宿後，充滿木香令人感到舒適安心。稱為「欄間」嘅採光及通風口營造並擴大日本建築獨有嘅空間感。而且，喺屋內可以望到外面石造庭園，非常雅致。另外仲有檜木浴桶及2間連接嘅和室，都能帶給你獨特嘅日式住宿體驗！
溫馨提示，入住時需要約好同工作人員會面辦理入住手續，所以預約時要入埋到達時間，如果會遲到記得提前聯絡住宿，唔好做失禮嘅旅客喔。
景點資訊
- 名稱：宇多津古街次家（臨水）
- 地址：〒769-0210 香川縣綾歌郡宇多津町2126-1
- 交通：JR宇多津站...徒歩約20分鐘
- Wi-Fi：有
- 語言對應：只有日文
- 可否使用信用卡：不可
Comments