仙巖園係鹿兒島旅遊必去嘅地方，係每一本鹿兒島旅遊書上一定會介紹嘅景點之一，係萬治元年（1658年）由島津家第19代當家島津光久所建造嘅大名庭園，可以眺望櫻島火山美景。庭園內設有餐廳、商店，可以享用抹茶及和菓子，充分享受日式風情之美。本文將為大家介紹仙巖園嘅歷史及必睇特色。
具日本代表性嘅大名庭園「仙巖園」：借景巧妙、規模宏大
從鹿兒島中央站乘搭巴士約30分鐘可抵達仙巖園。由島津家第19代藩主「島津光久」所建造，係日本數一數二大規模嘅大名庭園。以錦江灣為池塘、櫻島火山為假山嘅借景庭園，巧妙地融合人工庭園與自然景觀，仙巖園以前作為島津家同鹿兒島市迎賓館，有著重要功能。喺仙巖園呢座大名庭園內，有反射爐嘅建築遺跡，係江戶時代末期，為咗近代化發展、鑄造大砲同造船所建造嘅設施。因此仙巖園一帶亦被稱為「近代日本嘅發源地」。包含反射爐遺跡在內嘅工廠群「舊集成館」，係明治日本的產業革命遺產，更於2015年被列為聯合國教科文組織世界文化遺產，一度成為熱話。
造訪仙巖園不可不知！ 關於島津光久
從鎌倉時代到江戶時代，薩摩地區（現時嘅鹿兒島）係島津家第19代當家嘅統治基地。除咗建造仙巖園，仲喺鹿兒島縣內開採金山、礦山、開發新田、治水等。
仙巖園建議參觀路線
仙巖園佔地廣達5萬平方米，值得一看嘅景點非常多。以下為你介紹建議參觀路線。
進入仙巖園後，首先要睇嘅係「反射爐的建築遺跡」，呢個係煉鐵鑄造大砲嘅設備。第28代藩主島津齊彬僅參考荷蘭傳來嘅鑄砲相關書籍，就將反射爐建造出來。以薩摩燒嘅技術燒製耐火磚，重要嘅基礎係用城堡石雕技術建造嘅。以薩摩燒技術嚟燒製耐火磚，而反射爐嘅基礎建築部分則運用城牆嘅石組技術砌成。
跟住推薦欣賞嘅係正門，上面雕刻咗島津家嘅「丸十紋」同「桐紋」。正門屋頂用咗一公噸左右嘅錫嚟覆蓋，所以有「錫門」之稱。參觀完正門後，跟住可以去主要景點——御殿。呢個係藩主嘅別墅，亦係作為接待日本國內外重要人物嘅迎賓館。可以參觀作為接待室嘅「謁見之間」、客廳「御居間」、浸溫泉嘅「御湯殿」、寢室「御寢所」等，可以窺探一下藩主當年優雅嘅生活樣貌。喺呢個佔地廣大嘅庭園內，巧妙地融合人工園林、錦江灣及櫻島火山，形成非常美麗嘅自然景觀。最後，建議參觀埋望嶽樓，呢個係第28代藩主島津齊彬同勝海舟會面嘅地方。
另外仲有好多景點，例如御殿後山上有一個刻咗「千尋巖」三個字嘅巨型岩石，據說係動員3,900人、歷時3個月先完成。尚古集成館係一個展示島津家族同南九州歷史文化嘅景點，都非常值得參觀。
仙巖園內嘅餐廳及商店
仙巖園內有好多美味嘅餐店。喺兩棒餅屋可以食到當地傳統和菓子「兩棒餅」（醬油口味、6支310円）。兩棒餅係用兩支竹籤串成嘅燒麻糬，燒好後再淋上特製嘅醬油。而仙巖園茶寮則係一間可以品嚐抹茶、煎茶嘅日式咖啡店。仲有高級餐廳櫻華亭，提供薩摩（鹿兒島）鄉土料理，套餐約2,500円。
商店方面，可以去行吓「仙巖園Brand Shop」，嗰度有展示並販賣鹿兒島具代表性嘅玻璃雕工藝品「島津薩摩切子」。喺「土産處 薩摩noren（土産処 薩摩のれん）」可以食到鹿兒島知名美食炸番薯、番薯口味軟雪糕（400円）等。
去仙巖園嘅交通資訊
從鹿兒島中央站搭往姶良New Town車庫方向嘅鹿兒島交通巴士，或往楠田車庫方向嘅南國交通巴士，車程約30分鐘，於仙巖園前巴士站落車即達。
景點資訊
- 名稱：仙巖園
- 地址：鹿兒島縣鹿兒島市吉野町9700-1
- 交通方式：
- 鹿兒島中央站→[鹿兒島交通巴士（往姶良ニュータウン車庫方向）]約30分鐘→仙巖園前巴士站
- 鹿兒島中央站→[南國交通巴士（往楠田車庫方向）]約30分鐘→仙巖園前巴士站
- 開放時間：08:30～17:30
- 固定休園日：全年無休
- Wi-Fi : 建築物內有提供
- 語言對應：提供中文（繁體、簡體）、英文、韓文導覽手冊
- 入園票價：庭園、尚古集成館、御殿入場票1,300円。庭園及尚古集成館入場票1,000円。
- 可否使用信用卡：不可
Comments