日本瀨戶內海上嘅小豆島其實話大唔大，話細唔細，想玩盡佢，咁就要住喺島上嘅酒店同旅館啦，而且有好多善用小豆島嘅地理位置，提供望到瀨戶內海嘅海景房。今次就同大家介紹小豆島上住宿設施嘅大約房價、住宿集中地、酒店同旅館嘅特徵啦。
小豆島嘅酒店、旅館
小豆島有酒店、旅館、民宿、Guesthouse等各式各樣嘅住宿可以選擇，多數集中喺小豆島西面嘅土庄港附近。
小豆島上大多數嘅住宿都可以欣賞到瀨戶內海，或者日本三大美麗溪谷之一嘅寒霞溪等雄偉景色為一大特徵。而且小豆島上有溫泉湧水，所以都有唔少附溫泉嘅住宿選擇。
住宿價錢方面，島上嘅住宿設施嘅房價大約係5,000至20,000円左右。如果想住得豪啲，都會有70,000円以上，包含膳食或各種服務嘅高級住宿。
各個地區都有實惠嘅住宿設施，但係考慮埋住宿類型的話，小編建議住搵土庄港附近地區嘅比較好呀。
有關小豆島温泉
小豆島溫泉係自2000年後湧出嘅溫泉嘅總稱。根據源泉有唔同嘅稱呼，例如有橄欖溫泉（オリーブ温泉）、SUN OLIVE溫泉（サン・オリーブ温泉）、里枝溫泉、塩之湯等等。就等小編介紹幾個具代表性亦值得一去嘅溫泉啦。
橄欖溫泉（オリーブ温泉）
橄欖溫泉係土庄港東面，購物廣場Marunaka新土庄店內嘅湧泉，泉源深至地下1,600米。泉水以清爽嘅肌膚觸感為一大特徵，被稱為「美人之湯」。
SUN OLIVE溫泉（サン・オリーブ温泉）
SUN OLIVE溫泉（サン・オリーブ温泉）係小豆島橄欖公園嘅湧泉。可以Relax喺瀰漫芬芳香草味嘅溫泉中真係人生一大樂事！而且得到好高評價。小豆島橄欖公園內嘅溫泉設施內仲可以望到內海灣嘅絕景添。
塩之湯
塩之湯係土庄港行1分鐘就到，Ohkido酒店內嘅湧泉。溫泉如其名，係一個鹽（日文：塩）分含量高嘅溫泉，被認為能夠有效地溫暖全身。而且約10,000円左右就可以入住Ohkido酒店啦。
小豆島溫泉中具代表性嘅酒店、旅館
小豆島溫泉係各種溫度泉源嘅總稱，其中有好多未配名嘅自家溫泉住宿。例如Resort Hotel Olivean Shodoshima、小豆島Bay Resort酒店等等，因為可以一邊浸帶有美肌功效嘅溫泉，一邊遠眺絕景以聞名。其他雖然唔係自家泉源，但係都可以浸到溫泉嘅有小豆島國際酒店、小豆島松風海濱酒店、小豆島格蘭酒店水明等等。
而且喺以上介紹嘅酒店所提供嘅自助餐中，用咗好多小豆島產嘅食材製作而成嘅料理。當中不乏手延素麵、佃煮、橄欖料理等小豆島特產，一定令你食到舐舐脷！
景點資訊
- 名稱：小豆島（土庄港觀光中心)
- 地址：〒761-4104 香川縣小豆郡土庄町甲6194-10
- 交通：
- 新岡山港→[船]約1小時10分→土庄港
- 高松港→[高速船]約35分鐘→土庄港
- Wi-Fi：有提供（KAGAWA Wi-Fi）
- 語言對應：中文、英文、韓文
- 可使用信用卡：VISA, MasterCard, JCB, AMERICAN EXPRESS, Diners Club International (根據店家或有不同)
Comments