日本汽車嘅品牌原本就係致力攻大眾市場。雖然時至今日，好多日本汽車廠商都有出唔同款嘅高級車，但係亦都繼續研發價格實惠嘅大眾車款。價錢平、意外率低、堅固耐用可以話係日本車嘅長處。不如我地一齊睇下日本本土引以為傲嘅5款基本車款。
Alto（SUZUKI） 72萬3600円
Alto係日本輕型車嘅代表車型之一。最初喺1979年登場，今年將迎接40周年生日。初代車款售價居然只要47萬円，而到而家就算喺最大承載量200kg嘅貨車車型，都只需要72萬3600円，非常價廉物美。車內空間雖然稍為狹窄，但都可以容納到4個成人。至今Alto也係日本一般人代步用嘅最佳選擇，非常受歡迎。另外，車內空間較為寬敞嘅客車車型價錢亦唔貴，只要84萬7800円就買到。
Mirae:S（大發）84萬2400円～
Mirae為咗對抗Alto在1980年推出咗呢款車，同Alto擁有相同嘅歷史。而家以Mirae:S嘅名稱銷售。同Alto唔同嘅地方係，呢個系列無推出裝載貨物嘅客貨車，客車類型最低售價的係84萬2400円起，價格設定比Alto平少少。引擎、變速箱設計成唔使大規模改裝可行駛16km。雖然係平價車款，但無偷工減料。
MARCH（NISSAN）115萬1280円～
搭載1.2升引擎，同輕型車輛相比，MARCH嘅特色就係駕駛長距離路程仍游刃有餘。而家售賣中嘅車型係喺泰國生產製造後，再輸入至日本。以115萬1280円起價，價格實惠，車身顏色共11，任君挑選，因為外型靚同多色揀，頗受女性消費者歡迎。
PASSO（TOYOTA）117萬7200円～
TOYOTA同集團公司大發共同設計開發嘅小型車款就係PASSO。最大特點就係，採用咗將引擎同懸吊系統變小嘅輕型汽車設計工法，車內空間變得寬敞。油耗低省油，喺日本保持穩定嘅銷售成績。小編上路兜風時，實際數值約達25km/L。
N-VAN（HONDA）119萬7720円～
廂型車本來就注重功能，唔太在意外型設計。但係HONDA認為製造出又有型又有功能嘅廂型車將可擴展客群，所以喺2018年推出了N-VAN，呢款廂型車最大承載量有350公斤之重。而呢次小試牛刀成功咗，迅速變成人氣車之一。另外，多付7萬200円，仲可以追加有限嘅自動駕駛功能。
大家覺得日本嘅平價車點樣呢？是不是覺得又平又吸引？可以留嚟參看，下次諗住換車時考慮吓。
Comments