鹿兒島花卉公園欣賞來自世界各地嘅花卉植物

位於鹿兒島縣指宿市嘅「鹿兒島花卉公園」，係日本最大嘅花卉公園之一，可以睇到世界各地嘅亞熱帶植物。另外，各種舉行嘅活動都好豐富，例如季節性花卉展、冬季夜間點燈等。

鹿兒島花卉公園嘅介紹

多得鹿兒島縣南部嘅溫和氣候，鹿兒島花卉公園內種植咗來自世界各地嘅亞熱帶植物，如東南亞，南非同澳大利亞嘅花草樹木。 36.5公頃嘅廣闊公園內有各種花卉觀賞點，例如室外花卉廣場，室內花園同溫室。

除咗觀賞花卉外，鹿兒島花卉公園仲有好多迷人景點，例如觀景絕景嘅露台花園同販賣商品手信嘅商店。今次就為大家介紹花園內嘅特色同季節性活動啦。

公園內有好多景點，如花園同花壇，每個地點都有唔同嘅鮮花盛開。例如，背後有開聞岳作為背景嘅「Hana廣場」喺冬天有罌粟花同郁金香美麗綻放，而西部嘅「室內花園」喺春季同秋季則有九重葛同雷格斯海棠綻放。喺溫室中，你可以睇到好多原產於東南亞同中南美洲嘅熱帶植物，例如顏色鮮豔嘅紅檳榔（猩紅椰子）。

園內有觀景台同觀景迴廊。特別推薦觀景迴廊，從觀景迴廊嘅露台上，可以將鹿兒島灣（錦江灣）美景盡收眼簾。

「鹿兒島花卉公園」全年都會舉辦各種活動。春天嘅「Spring Festival」有現場音樂表演、植物栽培體驗；冬天嘅「Flower Festival」會有好多飲食攤檔。

其中，推薦12月份嘅「冬季點燈活動」。整個園區被紅色、黃色、綠色同藍色等大約30萬個燈泡點亮，盛大又夢幻。

「鹿兒島花卉公園」必睇嘅就係季節性嘅花卉。例如，春天嘅「繡球花展」，可以欣賞盛開粉紅色、藍色等色彩繽紛嘅繡球花；夏天嘅「朱槿花展」，可以睇到紅色、黃色等各式各嘅朱槿花。

鹿兒島花卉公園嘅開放時間為上午9點到下午5點，最後入園為下午4點半。休園日為12月30日到12月31日。入園門票為大人620円。（2019年7月資訊）

要去鹿兒島花卉公園，可以從指宿市嘅「JR指宿站」乘搭鹿兒島交通巴士係最方便嘅方法，車程約35分鐘，喺鹿兒島花卉公園前巴士站落車步行即達。