福岡市美術館收藏約16,000件藝術品

福岡市美術館位於福岡市大濠公園站附近，收藏多件日本國內外嘅古代美術同近現代美術品。根據唔同主題舉辦收藏展覽或特別展覽，可以喺度鑑賞繪畫、雕刻、陶磁器等各式各樣嘅美術品。

關於福岡市美術館

福岡市美術館位於大濠公園內，建築物本身為2層樓高嘅美術館，蒐集及保存約16,000項收藏品，並展示代表性嘅作品。例如，指定為重要文化財嘅茶具、佛教美術、來自九州嘅近代西洋畫家嘅作品、米羅同薩爾瓦多達利等世界著名畫家嘅作品等多件美術品於館內展示。（2019年7月資訊）

福岡市美術館嘅各樓層展示室聚焦擺放唔同主題嘅展品供訪客鑑賞。以下針對各樓層嘅特徵同推薦看點，以及館內嘅商店同餐廳為大家做個介紹。

一樓有「松永記念館室」同「東光院佛教美術室」等展示室，以古代美術蒐藏品為中心進行展示，供訪客鑑賞。展示內容會隨著主題而異，包含書畫、茶具等日本嘅美術品、佛像等佛教美術、仲有染織、陶磁等東南亞嘅藝術品，種類豐富多樣。

特別係東光院佛教美術室，可以從360度鑑賞多個佛像，係個好有睇頭嘅展示室。以寺院為形象主題嘅空間，展示著重要文化財「藥師如來立像」以及展現勇姿嘅「十二神將立像」等等數尊莊嚴佛像。

2樓展區分成A、B、C 三個區域，有「近現代美術室」、舉辦特別展覽嘅「特別展示室」、以及展示市民作品嘅畫廊。

近現代美術室所展示嘅作品出自薩爾瓦多達利、米羅、馬克夏卡爾等20世紀嘅藝術家，仲有同九州甚有淵源嘅美術家、日本國內外嘅現代藝術家等，根據唔同主題進行展示。

館內設有美術館紀念品商店、咖啡店同餐廳，參觀完展品之後都唔好錯過啦。位於一樓嘅美術館紀念品商店有售館藏作品為主題嘅原創商品，或「博多織」等福岡傳統工藝品，可以買嚟做手信送贈親友喔。

另外，喺一樓嘅咖啡店同二樓嘅餐廳，提供餐點、甜品、飲料等，仲可以品嚐到配合特別展內容推出嘅創作料理添。喺咖啡店同餐廳都有大片玻璃窗，可以一邊用餐、一邊欣賞戶外池塘同草木綠意盎然嘅大濠公園等自然風景。

福岡市美術館嘅一般營業時間為09:30至17:30，另外7至10月嘅星期五、六、日嘅開放時間將會延長至20:00。最後入館時間皆為閉館30分鐘前為止。另外每逢星期一（如是日本公眾假期，則為假期後第一日平日）同日本新年假期。

福岡市美術館嘅門票收費為成人每人200円。此外，參觀特別展時則需另外付費。（2019年7月時資訊）

福岡市美術館位於市區，從博多站搭車去相當方便，唔係自駕遊都可以從博多站搭電車或巴士去。如果搭電車，喺地下鐵博多站搭機場線，到大濠公園站落車，車程時間約10分鐘。從大濠公園站行到福岡市美術館約10分鐘左右。

另一方面，亦有多班巴士可以去到。其中最簡單嘅路線係從博多巴士中心2號乘車處乘搭西鐵巴士「13系統」，車程時間約30分鐘，到福岡市美術館東口巴士站落車後行約3分鐘就到福岡市美術館。

Wi-Fi：有提供（Fukuoka City Wi-Fi）
語言對應：中文、英文、韓文
購票方式：於入口處購票
可使用信用卡：VISA、MasterCard、JCB、AMERICAN EXPRESS、Diners Club International、銀聯（僅限咖啡店及餐廳可使用）