日本玩具大廠萬代(Bandai)旗下子公司MegaHouse，喺2016年推出立體拚圖「成隻買！！特選燒肉拼圖-牛-」(一頭買い！！特選 焼肉パズル-ウシ-)，大受好評，有一段時間甚至熱賣到缺貨，呢套可以一邊砌一邊學習動物唔同部位名稱嘅立體拼圖，至今已經出咗5款喇。等小編嚟介小編嚟介編紹下呢5鍾動物立體拼圖啦！
2019年新商品 「整隻帶回家！！烤雞拼圖」7/24上市
之前曾推出牛、豬、吞拿魚同松葉蟹的立體拼圖，今次終於輪到燒雞登場了！相信大家嚟到日本好多時都去到串燒店，但係睇完MENU就完全唔知係食緊雞嘅邊個部份？知道雞心定雞腎喺邊嗎？MegaHouse喺2019年推出嘅立體拼圖就係「成隻買！！烤雞拼圖」(一羽買い！！焼き鳥パズル) 。
同之前嘅立體解體拼圖系列相似，有哂名稱同位置，總共有38個部位。最唔同有趣嘅地方係，附有竹籤模型，等你可以將「雞肉」串起來，變成串燒雞裝飾，而活雞亦都可以變成烤雞。
商品資訊
- 商品名：成隻買！！烤雞拼圖(一羽買い！！焼き鳥パズル)
- 大小：90x76 x58mm（完成時）
- 發售日：2019年7月24日
燒肉店必備！銷售數突破7萬個「成隻買！！特選燒肉拼圖-牛-」
每次去食燒肉係咪都唔知邊個位打邊到呢？呢套最初登場嘅立體拼圖，用牛嘅身體做主體，然後要將肉同內臟等37個部位放到正確嘅位置。
各個部位都有刻上名稱，仲用感溫塑料材質製成，當手指或者手掌掂佢時，溫度會改變拼圖嘅顏色，讓原本嘅生肉變成「燒肉」咁嘅色，係享受拼圖樂趣嘅同時，仲可以學習平時一知半解嘅牛身部位。
商品資訊
- 商品名：成隻買！！特選燒肉拼圖-牛-(一頭買い！！特選 焼肉パズル-ウシ-)
- 大小：約110×40×75mm
- 發售日：2016年12月3日
赤身係邊到？大TORO中TORO又係邊？記哂就變吞拿魚達人
去到日本就梗係要食壽司啦，但係睇住菜單上寫嘅赤身、中腹(中トロ)咁，咁即係吞拿魚邊個位呢？呢款2017年推出嘅「成條買！！吞拿魚解剖拼圖」(一本買い！！本マグロ解体パズル)，同大家一齊「劏魚」，了解魚嘅各個部位。
呢套立體拼圖緦共有33個部位，附有埋魚刀同砧板，仲有埋教「劏魚」手冊，可以自己嚟整吞拿魚刺身。砌圖時要照著一定順序先至搞得掂，砌得到就真係變達人啦～
商品資訊
- 商品名：成條買！！吞拿魚解剖拼圖(一本買い！！本マグロ解体パズル)
- 大小：約130x 52 x 69 mm
- 發售日：2017年12月
越玩越餓！空肚千祈唔好玩「成隻買！！黑豚拼圖」
繼前面介紹過嘅牛同埋吞拿魚之後，MegaHouse仲推出第3種立體拼圖「成隻買！！黑豚拼圖」(一頭買い！！黒豚パズル)，今次嘅主角係「高級黑豚」。由內臟到肉甚至豬尾，豬全身都可以食嘅位都係拼圖嘅其中一塊。
呢款立體拼圖有42塊，最特別嘅係，完成拼圖之後一邊係黑色，一邊係烤豬嘅焦黃色，眼睛仲變埋「╳」。而且仲有支架可以展示黑毛火腿，可以係屋企曬乾火腿(?)
商品資訊
- 商品名：成隻買！！黑豚拼圖(一頭買い！！黒豚パズル)
- 大小：約100x41 x61mm
- 建議售價：1,580円（未稅）
- 發售日：2018年6月
不識食蟹？買套「成隻買！！！松葉蟹解剖拼圖」學一下
要點食螃蟹可算係一門學問，小編就屬於見到隻蟹就呆咗先嘅人，呢個時候，「成隻買！！！松葉蟹解剖拼圖」(一杯買い！！ズワイガニ解体パズル-茹で-)就非常有用喇。拼圖之外，仲刻上部位嘅學名，打開入面都似埋一樣。下次跟住就可以順利開蟹嚟食。
呢圖立體拼圖有41個部位，仲可以重現動手「拉出蟹腿肉」，更附上可以挖蟹膏嘅小工具，完全就可以模擬食螃蟹~
商品資訊
- 商品名：成隻買！！！松葉蟹解剖拼圖(一杯買い！！ズワイガニ解体パズル-茹で-)
- 大小：120x31 x80mm（完成時）
- 建議售價：1,580円（未稅）
- 發售日：2018年12月22日
Comments