東京迪士尼海洋®即將於7月23日（二）推出全新大型遊樂設施「翱翔：夢幻奇航」。喺正式開幕前，開放左俾傳媒率先體驗，FUN! JAPAN團隊就去左試玩返嚟為大家報告！接落嚟，就為大家正式介紹東京迪士尼海洋®獨有嘅天空遨遊！
世界各地大受歡迎嘅遊樂設施
今次新開呢個新遊樂設施，以海外迪士尼主題樂園嘅熱門遊樂設施「Soarin' Around the World」為原型，加入東京獨有嘅場景，打造出東京迪士尼海洋®原創全新遊樂設施。投資總額約180億円，入到去有兩個投影廳，每個可容納87人，體驗時間大概5分鐘左右，喺一個可以俾你感覺模擬飛行嘅新設施。
走進夢幻奇行博物館
今次嘅舞台設定喺東京迪士尼海洋®地中海港灣高處嘅「夢幻奇行博物館」。呢座博物館係一座宣揚人類飛行夢想嘅獨特博物館，一踏入博物館嘅大廳同埋展示廊，即刻可以欣賞到各種各樣嘅展示品。
喺常設展會場的圓形大廳，會見到描繪著飛行夢想嘅巨大壁畫同埋其他常設收藏作品！
喺特展會場嘅展示廊現正展示「卡梅莉雅・福爾科」嘅成就回顧特展，緬懷呢位傾注熱情同心力研究飛行技術，一心為夢想向前嘅女性。
要去搭「夢想飛行器」！！
遊客們會同坐上卡梅莉雅同夥伴一齊開發嘅「夢想飛行器」翱翔天際，座位升空之後，眼前嘅大螢幕會出現世界各地嘅美景，有北極大地上嘅北極熊、埃及金字塔等等，飛行欣賞世界各地嘅名勝古蹟同埋大自然壯麗嘅美景，享受一程自由廣闊嘅空中之旅。飛行途中，會感覺到微風輕撫、聞到草原嘅清新氣味、仲有海水嘅味道，隨著飛行器座椅嘅傾斜搖擺，盡情享受空中暢遊滋味，臨場感十足。
另外，仲有東定限定嘅東京鐵塔同埋富士山美景，飛行旅程嘅最後一站則是東京迪士尼海洋®，一邊睇住海邊嘅夜空，仲可以由高空睇迪士尼煙花，最後飛行器居然衝進煙花入面嚟結束這次環遊世界嘅空中之旅。
「翱翔：夢幻奇航」可以用Fast Pass（FP）。有乘搭身高限制，未滿102厘米嘅遊客禁止乘搭；此外，入住迪士尼飯店嘅遊客，可以係開園前 15 分鐘，率先入園體驗「翱翔：夢幻奇航」遊樂設施。
大家一定要來「翱翔：夢幻奇航」體驗一下「夢想飛行器」唷！
之後我地仲會為大家介紹「翱翔：夢幻奇航」嘅相關商品與餐點，敬請期待喔！
Comments