SUNPORT高松係一個集合酒店、公園、電車同船等交通運輸碼頭等設施嘅地區。SUNPORT高松嘅高樓大廈內又有商業設施同景觀餐廳。係一個有好多嘢玩、可以玩一整日嘅觀光景點
SUNPORT高松嘅簡介
SUNPORT高松以JR高松站及高松港碼頭為中心，建立成一個設備完善嘅地區。唔只囊括海陸交通據點及都市設施，仲有瀨戶內海、玉藻公園等等景色優美嘅休憩場所。此地區內仲有餐廳、酒店等觀光設施齊備。發展完善嘅廣場及沙灣地區更係悠閒散步嘅推薦地點。車站商場內又有好多唔同種類嘅店舖設立，想喺呢個地區Shopping都唔成問題！
SUNPORT高松內嘅景點推介
SUNPORT高松嘅「高松SYMBOL TOWER」
SUNPORT高松地區內有一棟「高松SYMBOL TOWER」，係日本四國地區中最高嘅高樓大廈。大樓內，有國際會議廳等公共設施，亦有商業設施。而最高層仲有景觀餐廳提供日式、西式、中式料理。既可品種美味料理，又可欣賞美麗高松景色！
高松SYMBOL TOWER內嘅「KAGAWA PLAZA」
KAGAWA PLAZA提供香川縣嘅歷史文化、自然環境、旅遊觀光等各種各樣資訊，係一個又可以參觀，又可以進行體驗嘅地方。
舉行音樂及戲劇表演嘅「SUNPORT HALL高松」
「SUNPORT HALL高松」位於「高松SYMBOL TOWER」內，設有大演廳及小演廳等設備完善嘅綜合設施。能夠容納大批觀眾嘅劇場型大演廳，係個可以作為音樂或戲劇等多種表演場地嘅多功能演廳。被最多1,500坐席及包廂坐位，被包圍嘅感覺充滿臨場感。
從SUNPORT高松嘅大樓眺望美麗景觀
SUNPORT高松內嘅高松SYMBOL TOWER係一棟30層樓高、設有免費入場嘅瞭望空間，可以眺望到高松市街景及瀨戶內海等景觀而大受歡迎。呢個瞭望空間其實設喺店舖內，所以有使用時間限制，可以喺10:00至11:00及15:00至17:00使用，或者從30樓等候電梯空間可以望到西邊嘅景色添。（如有婚禮舉行以上兩處會暫停開放）。
去SUNPORT高松嘅交通資訊
從高松機場搭機場巴士，約40分鐘後喺JR高松站落車，徒步約3分鐘。
景點資訊
- 名稱：高松SYMBOL TOWER
- 地址：香川縣高松市SUNPORT2-1Maritime Plaza高松 30樓
- 交通：高松機場→[機場巴士]約40分鐘→JR高松站…徒歩約3分鐘
- Wi-Fi：有提供
- 語言對應：只有日文
- 入場費：免費
- 可否使用信用卡：不可以
Comments